:::ممكن تحب شخص ما شفته ؟ :::

[ღ بدر البـღـدور ღ]

كالأرواح تتآلف مع بعض الارواح متى ما شعرت بالميل تجاهها وبوجود بعض الصفات والتقارب بالتفكير فتشعر هذه الروح بالحب والامان والطمأنينة والسلام...
وتشعر بشعور الحب تجاه هذه الروح وبقمة الراحه والسعاده عندما ترى هذا الانسان الذي احبته بصدق وكانت روحه اقرب منها اليها..

واجمل مافي الحب ان الانسان يحب رغما عنه ودون سابق انذار ويتعلق بمن احب ويتعود عليه فتندمج الارواح وتكون روح المحب القرار والسكن للنفس ومن خلالها يرى روعة الحياة والبقاء ويحدد معاني الحب الساميه

اعتقد احيانا الحب والميول والقبول لا يشترطون تلاقي الاجساد والعيون..

كي نحب ..
لا داعي ان يكون قريب بوجوده فكم من قريب بالوجود بعيد بالمشاعر والاحاسيس والقبول
فالحدود والمسافات تقرب القلوب والارواح من بعضها البعض ولا تبعدها عن بعضها ..
فالمشاعر والاحاسيس الجميلة الطيبة..
تلغي المسافات والحدود والابعاد الزمانية والمكانية..
وتلغي الوجود..

سؤالي اليكم ايها الاعزاء..

هل ممكن انك تحب شخص عمرك ما شفته في حياتك ....!!!

ان وُجد هذا النوع من الحب باعتقادك هل يكون هذا الحب صادق وناجح كالحب الذي يبدأ بطريقه مغايره ؟؟


اتمنى ان ارى مشاركاتكم التي ستثري الموضوع بالتاكيد..

[سمو المشاعر]

بصراحة اخوووي اشكرك . .ع موضوووعك ..
بس انا ابي اعرف مثلا لو احد يحب وحدة في الانترنت ولا قد شافها بس كل عالماسنجر .. ومن هالكلام هذا ..
هذي النوعية من اللي تكلمت عنها ..
صح ولا لا واعتقد انه راح يتوصل الى حب صحيح :d

[ღ بدر البـღـدور ღ]

صح سمووو انا قصدت اللي قلته اللي عن طريق الانترنت ولا التلفون هذا قصدي

ارجووووووو الرد لان الراي يهمنا

بعدين انا بنوته يا سمو

[ღ بدر البـღـدور ღ]

اعتقد احيانا الحب والميول والقبول لا يشترطون تلاقي الاجساد والعيون..

هذه الجمله تلخص كل شي ...
اكيــــــــد ممكن .. بس مايكون حب معنى حب
لا يكون تعلق لفتره معينه تعيبج افكار هالانسان .. وتحبين تواجده ترتاحين يوم ترمسينه تحسين يفهمج متفهمينه
بس كل هذا لفتره معينه وماأتصور يطور هالشي .. يعني نقدر نسمي إرتياح وقبول .. بمعنى اصح ..

[صقر فــــღــزاع]

ممنكن ليش لا
وخاصة اذا كان هالشخص مش عنده شخص يفهمة ويتحمل طباعة
ولما يتعرف عليه ويحس براحة له ممكن يحبهويتعلق فيه
وبتالم لو فارقه...


والسموووووووووووووووووحة

[امير الرومانسيه]

انا بكل صراحه اشكرك على موضوعك الرائع والمميز والجريء

انا رايي انه الواحد يرتاح ويعشق حتى من غير النظر فهل الاعمى لايعشق...؟؟

انا اقوولك يقول المثل الاذن تعشق قبل العين ((احيانا))

يعني فيه بس اللي انا بسئله هل حنا نصدق في حبنا اذا حبينا هذا عندي اهم من احب واحد شفته او ماشفته

لان الحب فطره بالانسان ولكن درجات الحب تختلف

لاننسى حب الطفل وحب الاهل وحب الراحه وكل شي له حب في هذه الدنيا

وسبحانه خالقنا

وزي ماقلتي يابدر البدوور اكيد راح تكوون راحه للشخص او قبول

وهل اذا قبلت شخص ورتحت له يعني ماتحبه او تحبه..؟

الاكيد انه له درجه بالحب عندك وله معزه ولا ليه ارتاح له وله عندي هذا القبوول

كل الشكر لك مره ثانيه على موضوعك

واااااااااااااااااااااسف على الاطالة يالغلاااا


امير الرومانسيه

[دلوعة قلبة]

موضوعك رااااااائع

بس انا في رأي من الصعب ان يستمر الحب

هوه صحيح يكون صادق .................. لاكن بما انه مافي تلاقي يكون صعب

على النت او التلفون كل واحد يظهر مشاعره الصادقه............ ويحاول ان يبعد حبيبه عن المشاكل
مهما حكى اللي في خاطرة واللي مزعله وفضفض

لكن الحقيقة تكون اكبر.................... والدليل على كده ان دايما يقال

سنه اولى مشاكل<<<<<<<<<<<< ويقصد فيها السنه الاولى من الزواج

مع ان كان في قبلها ملكه وحب ومشاعر وهموم وكانت صادقه لان الواحد كان يحكي لشريك حياته

لكن بمجرد ما ينقفل باب البيت كل شي يتغير

تبدا المشاكل.......................... لان كل واحد منهم متوعد على نظام غير ................ عزوبيه يعني

ووقت الجد يبان كل شي وعاااااااااااد مين الشاطر اللي يستحمل


عشان كده انا انصح الجميع.............................

كل الحب والمشاعر الي داخلكم خلوها للزواج.................... للي مافي فكه منها

خلاص كفايه كده طوووولت عليكم

تحياتي

[ღ بدر البـღـدور ღ]

رايكم يهمنا بالطبع والاختلاف في الراي لا يفسد في الود القضيه

وانتو قلتو رايكم وراي اهمنا في النقاش امير الرمانسيه وبنوته


نورتونا والله حييييييييييييييييييييييل

[سمو المشاعر]

بصراااااااااااحة اسف لاني .. انا ع بالي ان اسمك بدر .. ههه
لكن اشكرك ع اهتمامك للموضووع .. والله مو بس انتي . .اللي تبين الحل حتى انا هعهههههههههههههههه كلنا في الهوا سوووا خيتوووو و ..

[ღ بدر البـღـدور ღ]

بس وين رايك لا تنسى الراي يهمنا ودنا نعرف رايكم في الاشياء المطروحه

[خيال الروح]

اكيد في حب عن طريق النت صح.....؟
ومشكووورة ع الموضوع الجميل بد البدور

[ღ بدر البـღـدور ღ]

ادري انه موجود بس هل ممكن انك اتحب شخص عبر الانترنت وانت ما شفتك هذا هو هدف الموضووووع خيال
؟؟؟؟؟

[طـو طـو]

انا اقول مثل ماقل امير الرومنسيه
والحب لا يشترط فيه النظره
ومن خلال الكلام او الصفات يمكن تحب شخص او انك ترتاح معااااه
والحب شي عاااااادي في حيات اي انسااان ومستحيل احد يقول ما اقدر احب
فقد يحصل حب من شخص دون شخص آخر ويحصل الحب من طرف واحد
ومشكوره على الموضوع

[ღ بدر البـღـدور ღ]

احترم وجهه نظرك ويعطيك العافيه على المبادرة الطيبة

[Dr. GHALLOo]

:eek: :confused: :confused: :confused:

احب شخص وانا ماشفته...اممممممممممم:confused:
يعني مثلاً عن طريق النت ... امممممممممممم:rolleyes:

والله ممكن تصير... انك ترتاحين لشخص تكلمينه عالنت...وممكن بعد تحبينه.... بس..:confused:

مدري احس انها صعبه... يعني لو مثلا احب واحد من النت...يعني اكون حبيت فيه ايش؟؟:confused: ممكن اكون حبيت فيه طريقة كلامه ..اسلوبه.. ..طيب وبعدين:confused: .. مو مهم الاسلوب اهم شي اخلاااااااقه .. يعني انتي ماتدرين وش اخلاقه.. وماتعرفين مدى مصداقية كلامه اللي يقوله لك...ان كان صادق معاك ولا لا.. !! اشياء كثيره ماتعرفينها عنه.... يعني وشلون احب شخص وانا ماعرف عنه شي ..او اني اعرف عنه فقط القليل ...

وحتى لو حبيته..:confused: :confused: هذا اسمه حب مؤقت....ماراح يستمر....
طيب وش الفايده من الحب اللي فتره وينتهي ..:confused: :( :o

اتمنى ان فكرتي وصلت لكم :o :o
[line]خالص تحياتي .. اختكم: ســـــــــرمـــــــــــد اللـــــــيــــــــــــل

[ღ بدر البـღـدور ღ]

وصلت يالغاليه


وعليج نور كلامج فيه عفلانيه

[فـــراولة]

ممكن تحب شخص ما شفته؟

ايه ممكن احب شخص ما شفته بس مو حب حقيقي زي ما تتوقعين
ممكن اكون حبيته من طريقه كلامه اسلوبه
افضفض له اشكي له ويشكي لي ارتاح له ليش لا
بس مو الحب الي تقصدينه حب صادق
لان احس انها كله فتره وتعدي
والحب المسنجري او الحب الالكتروني
فتره وتعدي ويكتشف نفسه في الاخير انه مو حب مجرد تعلق وبس
ومشكوره على الموضوع

[راعي وناسه]

ممكن ليش لأ

بس لازم يصير فيه شروط يعني
ولازم تصير الثقه بين الطرفين تصير قويه


وسلام

[ريح العود]

اكيييد ايه لييش لا الحب من اوول كلمه هههه

الحــــــب عذاااب


مشكوورة خيتوو

[خيال الروح]

بس بعض الناس تقول ايه والبعض يقول لا عطيني الحل بدوورهـ

[رهيب]

مشكورة اختي بدر البدور


نعلم ان الحب مكانه القلب وليس العين
فالأعمى يحب ويكره ويحقد ايضا

من الممكن اي يحب الانسان بدون ان يرى
لكن يجب ان نعلم انه هناك فرق بين الحب والاعجاب


وربما تحب شخصا وبعد ان تراه تتغير نظرتك له تمام فيذهب الحب

لانه رسم في مخيلته حبيبه شكلا يختلف عن الواقع


لكن من الممكن ان يحب الانسان قبل ان يرى

[يستاهل البرد من ضيع دفاه]

تصير و صارت

واحد من الشباب تعلق بانسانة و حبها حب ما عاشه اثنين قبلهم و من دون ما يشوفو بعض و استمرت علاقتهم اربع سنين من دون ما يشوفوا بعض و في النهاية تزوجوا و الحين عندهم بنوووتة امورة اسمها ريماز

تحياتي لك ابو ريماز اتمنى تقبل دعوتي و تشاركنا بالمنتدى

[ريح العود]

عااد تصدقون انا مع كلام اخووي رهيب والله صدقت الحب بالقلب مو بالعين

وذا كاان ع الاخلاق هه محلولة يعنيمثلا لو قلنا بالماااسنجر يعني ما قد شفت اخلااقه طوول الفترة الي تعرفت عليه فيها مو معقووله الواحد تطلع عيووبه مع الوقت


وهذا الي حبيت اقوولة ومشكوورة ع الموضوع مرة ثاانيه خيتووو