صقر فــــღــزاع
08-26-2006, 03:19 PM
بسم الله الرحمن الرحيم..
السلام عليكم ورحمة الله وبركاته...
أخواني الأعزاء أرحب بيكم في قصتي اليديده وإن شاء الله تعجبكم ..وإذا ما عجبتكم وطاحت في جبدي ..أتمنى إقتراحاتكم وتوجيهاتكم ...ما أطول عليكم ..حبيت أكتب قصتي اليديده وأشاركم فيها ..بمعنى إني أكتب جزء وأخو أو أخت يكمل الجزء الثاني يعني مشاركه بينا.. كل اللي يلقى نفسه قادر يكتب بعد مايقرا الجزء الأول يخبرني إذا يقدر يكمل بعدي ولا أكملها بروحي..
شاكر لكم متابعتكم..
ونبدأ
بسم الله الرحمن الرحيم..
"بحور من الألم والحزن.."
يلعب شخصيات قصتنا حبايبنا ..
بحور الألم
لالوه
كثير العتاب
الزين كله
لحن الوتر
موق العين
وهم
صدى الحرمان
أماني
بن كلبا.
.والبقيه في سياق القصه..
"الجزء الأول"
طالعه الدري لغرفة ولدها الوحيد تبي توعيه للدوام ..طولها متوسط بالنسبه لام عمرها 55 سنه بياض بشرتها المايل للصفار وعيونها السودا الواسعه وخشمها الطويل شوي بس جمالها يعطيها أصغر عن سنها الحقيقي..
دقت الباب ودشت غرفة ولدها الوحيد اللي ترملت وهو في بطنها له 6 شهور..
الزين كله شخصيه قويه وحنونه وطيوبه...
كانت إدوّر بعيونها على الغالي ..سمعت صوته يغني ..معناها هو في غرفة تبديل الملابس ..يعني قريب بيخلص..
إلتفتت لغرفته ..الليمونيه وفي وسطها سرير بلون الخشب المحروق وفي الوسط سجاده بلون السرير وعليها كرسيين بلون السريربعد مواجه لمكتبه صغيره وعن اليسار بلكونة الغرفه ..بس ما شاء الله عليه يرتب غرفته أول بأول مايحب الإهمال ويعشق الترتيب ..
طلعت من غرفة ولدها وهي تتنهد مولشي بس لأنها رايحه تصحي أخوها الوحيد اللي ربته (بعد موت أمها اللي كانت مريضه بمرض خطير ومايابت غيرها ماتت والزين كله كان عمرهاتقريبا في حدود ال20أبوها تزوج بوحده ثانيه ماتت وهي تولد فأخذته وربته ولما صار عمره 15 سنه وبعد مارفضت كل الخطاب الاولين عسب تربي اخوها قبلت بأبو ولدها وكان الله يرحمه حنون جداًوكان يعامل اخوها كأنه ولده مونسيبه..حتى إنه من كثر ما يحبه كتبله من أملاكه يضمنله حياته ومستقبله ..)
دقة الباب على اللي رقاده ثجيل ويبغيله جيش ودبابات توعيه..بس اتفاجاة منه طالع يبتسم لها باس راسها وإيدها وصبح عليها ..(طويل وحنطي البشره عيونه سودا ووساع وخشمه مب طويل وايد..يشبه أخته بس الفرق الشوارب واللحيه لابس كندوره بيضا وغتره وعقال..36سنه مغازلجي درجه أولى ومقاطع الزواج )
كثير العتاب:صباح الخير على الحلوين بس والباقين ههههههههههه.
الزين كله مستغربه :صباح النور ,غريبه ناش بروحك اليوم؟
كثير العتاب:شو نسوي رجال أعمال ورانا شغل .
الزين كله:من متى ؟كل يوم ولدي يطلع الشركه وأنت راقد.
كثير العتاب:والله ولدج يحب قومة الصبح بس العبد لله مايحب يقوم غيرالضحى بس اليوم ولظرف خاص جداً قمت ,وين الريوق؟
قال اللي عنده ونزل الدري يبغي غرفة الطعام..
خلاها في حيرتها بس منو يقول تخليه اليوم ,نزلت وراه تبغي تعرف سالفته..
طلع على صوتهم بس ما لقاهم(حنطي خشمه سيف سلال وعيونه عسليه وحياته مقرنه حشى اوصف بنت عمره22سنه محترم ومايحب حركات شباب هذي الأيام )نزل الدري لابس كندوره عربيه سودا وغتره حمرا متسفر بها..
دش غرفة الطعام سلم عليهم وباس أمه على راسها وخاشم خاله..
قعد مجابل خاله على طاولة الاكل..
بحور الألم :العاده حشرتكم ونجرتكم على العشا شو صار اليوم أشوفها على الريوق؟
الزين كله:خالك ناش من الصبح ومتعدل ومامخلي عطر مامتسبح منه ويقول عندي شغل.
بحور متفاجئ :غريبه خالي على وين إن شاء الله موعوايدك؟
كثير عتاب:وأنته بعد مثل أمك ؟عندي شغل شوتبون بي ؟
الزين كله :عدال على الشغل ولدي متابع الشغل كله أنته بس تروح توقع وترد تنام في البيت ,وين الشغل هذا؟
كثير العتاب:لا بس ولدج عنده أشغال وأنا هايت ,ما جني أداوم وياه في شركه وحده..
بحور حس أنه تمادى ويا خاله وعيب عليه فحب يرقعله عسب يساعده لأن أمه ماراح تخليه اليوم في حاله..
بحورالالم:الوالده البارح قبل لانام خبرة خالي عن المناقصه اليديده واليوم نش عسب يروح وياي يدرس المناقصه .
كثير العتاب كان مندهش من بحور بس قال ولد أختي وتربيتي لازم بيرقعلي ..
الزين كله :وليش مايقولي مخلني متحرقصه وأساله ومايرد بس يبغي ينني ..
قام بحور عن السفره وهو يغمز لخاله وسلم على امه وتوكل على الله رايح شركته..
في الشارع ..عند إشاراة المرور اللي شابه احمر ..
بحور في سيارته المرسيدس البرونز..كانت عن يمينه سياره أكورد فضي فيها بنيه حلوه شدته خصوصاً سيارتها بدون مخفي وتصيح بلاها ليش تصيح..
بحور حنون وايد رغم جديته في العمل ..
حس تجاه البنت بشعور غريب ليش هو مهتم العالم مليان بالهموم والمصايب محد خالي البال..
في الشركه..
بشره حنطيه وعيون خضر وخشم طويل ولحيه وشارب مسونهم قفل وفي ملامحه الجديه والصرامه 24 سنه ..قاعد في مكتبه يدرس ملف عقود المناقصه اليديده بما أنه محامي الشركه..
وهم يكلم نفسه:هذي المناقصه إن شاء الله بتربح الشركه بس البند الخامس من العقد شوي مخوفني ..
دشت عليه طويله وسمرا سمار حلو عيونها سودا وخشمها صغير وقذلتها الحمرا على عينها ..
صدى الحرمان :السلام عليكم إستاذ وهم.
وهم من غير مايرفع عينه من الملف اللي جدامه:عليكم السلام .
صدى :إستاذ بغيتك شوي في موضوع مهم.
رفع عينه شوي بنظره وحده ورجع نزلها:تفضلي أختي آمري.
صدى:إستاذ من أسبوع وظفتوا عندنا موظفه يديده في العلاقات العامه ,بس مؤهلاتها تخليها في غير هذا المكان.
وهم:والقصد؟
صدى:أنته تعرف المدير العام وتقدر تكلمه ينقلها لمكان ثاني يناسب مؤهلاتها.
وهم :ليش هي أشتكت لج؟
صدى :والله هي ماتكلمت بس انا لما أطلعت على ملفها حبيت أخدمها ,بس مو أكثر .
وهم :روحي وطرشيلي ملفها ,واللي فيه الخير يقدمه رب العالمين.
صدى طلعت عنه معلنه فوزها هذا اللي تبيه تبعد البنت اليديده عن عيون اللي تحبه عسب ما يصد لغيرها والبنت اليديده حلوه وايد وتلفت النظر..
وهم طبعا مايعرف تخطيطات صدى الحرمان بس حب يخدمها ..
خريجة إداره وأقتصاد ودبلوم سكرتاريه..كيف وظفوها في العلاقات العامه ..شاف صورتها بيضا وايد بس يمكن من التصوير خشمها حاد كالسيف وثمها صغير ودقيق..وعيونها واسعه وحياتها مقرنه ..ماشاء الله سبحانه كيف صورها ..
طلبها عسب يشوفها ويعرف منها التفاصيل ..
في هذي اللحظه طلبه المدير العام بحور الألم..طلع للمدير العام ونسى سالفة البنت..
دش على بحور لقاه مع كثير العتاب..
وهم :السلام عليكم ورحمة الله وبركاته .
بحور وكثير :عليكم السلام ورحمة الله وبركاته..
بحور :كيف الحال عزيزي ؟
وهم :عال العال بس شاغلتني المناقصه فيها شوية أشياء تبيلها دراسه.
كثير :هذا دوركم أنتوا أنا بس أوقع وغادر..
ضحكوا على كثير العتاب اللي بعد ما سأل عن أحوال الشركه قرر يغادرهم ..
كان وهم يكلم بحور عن سالفة البنت وفجأه تذكرها ..
وقف وهم:أتصدق نسيت إن طلبت أشوف البنت ,والله إنكم نسيتوني الفقيره أكيد يات المكتب ومالقت احد..
بحور :أشفيك؟ ما لقتك تترياك .
وهم:أوكيه باي..
أندمج بحور في شغله ونسى العالم الخارجي ..
في مكان ثاني ..
وفي زعبيل بالتحديد..
كانت توها بتطلع لابسه عباتها (قصيره وبيضا وعيونها سود ووساع وباين عليها علامات السن وكل حنية الدنيا فيها 45 سنه)
لحن الوتر:يالله بسرعه والله تعبانه ومافيني شده أوقف زود أترياك..
طلع لها وهو مستهم على صحتها (طويل شوي وعريض الكتوف خشمه طويل ..لابس غتره وعقال..50 سنه)
موق العين:الغاليه والله ما كنت بتأخر عليج بس ليما لبست ,يالله توكلنا هاتي إيدج..
طلعوا وركبو السياره طبعاًساعدها تركب لأن السياره عاليه عليها شوي (لاند كروزر نحاسي)
لحن الوتر :والله مستهمه على البنت ,طالعه الصبح الدوام وهي اتفكر فيني ,كانت تبي تغيب بس حلفت عليها تروح الدوام..
موق العين:إن شاء الله ماعليها شر ,وأنا بروحي بتصل لها بعد مانخلص عسب أطمنها عليج.
بنتها حساسه وايد ومتعلقه بيهم وبأمها بالذات اليوم اللي تمرض الام فيه حتى الاكل بنتها تعافه..وعندهم غيرها ولدين واحد متزوج وعايش في بوظبي لأن شغله إهناك ,والثاني مسافر يدرس برى طب في ألمانيا ويتخصص في جراحة القلب..باقيله سنتين ويخلص..
وصلو المستشفى ...
كان عندها موعد عند الباطنيه ..
طلب الطبيب فوحوصات وأشعه عسب يعرفون أسباب آلامها اللي تحس بيه في معدتها ..عطوها مسكنات للالم ..
وعطوها موعد بعد يومين..
أتصل موق ببنته يطمنها على أمها..
بيضا وايد وخشمها طويل وعيونها عسليه ووساع وطويله ومليانه واللي محلنها اكثر إنها متحجبه ..
لالوه ترفع التيلفون وترد على أبوها ما أنتبهت للمدير العام اللي داش عليهم فجاه..
لالوه:والله باباتي ؟تتكلم صدق؟يعني أمي بخير ومافيها شي؟هههههههه ,والله أني كنت مستهمه عليها م الصبح ..أوكيه مع السلامه..
كانت مستانسه ورافعه راسها بتكلم زميلتها في المكتب واتفاجاة باللي واقف ومغيض من الخاطر..
بحور :لوسمحت تفضلي على مكتبي بسرعه.
لالوه بكل ادب وشموخ:إنشاالله أستاذ.بس وين مكتبك؟
بحور وهوطالع وعاطنها ظهره:المدير العام..
صابتها دهشه وموعارفه شوتقول ,هذا المدير العام ؟أتحريته المحامي اللي طلبني مساع ,,والله ما ادري شو اسوي ..
التفتت لزميلتها اللي قاعده ومتفاجأه وخايفه عليها يديده والمدير معصب عليها ..بكل حنان وطيبه(قصيره وعيونها صغيره مخبايه ورى نظاره طبيه وخشمها قصير وملامحها حلوه )أماني:التيلفون ممنوع وانتي تكلمت وجدامه ,الله يعينج ,بس تكلمي معاه بأدب وأحترام وثقه بنفسج لاتخافين منه..
دشت عليهم صدى الحرمان وباين من شكلها إنها شمتانه فيها بس بينت العكس عسب ما تحسسها بكرها لها ..
صدى :لاتخافين منه وكلميه بكل شموخ ولاتخلينه يتهزأ عليج ..
طلعت من مكتبهم على مكتب المدير العام وهي مضايقه منه ومن طريقته في التعامل معاها ..والله ضيع عليّ فرحتي بأمي ..
تعتقدون بيفنشها ؟
هل بتسكت عنه؟
شو تعتقدون بتكون نتائج تحاليل لحن الوتر؟
أتريا آرائكم ,
ومساهماتكم في تكملة القصة
^ _ ^
..
السلام عليكم ورحمة الله وبركاته...
أخواني الأعزاء أرحب بيكم في قصتي اليديده وإن شاء الله تعجبكم ..وإذا ما عجبتكم وطاحت في جبدي ..أتمنى إقتراحاتكم وتوجيهاتكم ...ما أطول عليكم ..حبيت أكتب قصتي اليديده وأشاركم فيها ..بمعنى إني أكتب جزء وأخو أو أخت يكمل الجزء الثاني يعني مشاركه بينا.. كل اللي يلقى نفسه قادر يكتب بعد مايقرا الجزء الأول يخبرني إذا يقدر يكمل بعدي ولا أكملها بروحي..
شاكر لكم متابعتكم..
ونبدأ
بسم الله الرحمن الرحيم..
"بحور من الألم والحزن.."
يلعب شخصيات قصتنا حبايبنا ..
بحور الألم
لالوه
كثير العتاب
الزين كله
لحن الوتر
موق العين
وهم
صدى الحرمان
أماني
بن كلبا.
.والبقيه في سياق القصه..
"الجزء الأول"
طالعه الدري لغرفة ولدها الوحيد تبي توعيه للدوام ..طولها متوسط بالنسبه لام عمرها 55 سنه بياض بشرتها المايل للصفار وعيونها السودا الواسعه وخشمها الطويل شوي بس جمالها يعطيها أصغر عن سنها الحقيقي..
دقت الباب ودشت غرفة ولدها الوحيد اللي ترملت وهو في بطنها له 6 شهور..
الزين كله شخصيه قويه وحنونه وطيوبه...
كانت إدوّر بعيونها على الغالي ..سمعت صوته يغني ..معناها هو في غرفة تبديل الملابس ..يعني قريب بيخلص..
إلتفتت لغرفته ..الليمونيه وفي وسطها سرير بلون الخشب المحروق وفي الوسط سجاده بلون السرير وعليها كرسيين بلون السريربعد مواجه لمكتبه صغيره وعن اليسار بلكونة الغرفه ..بس ما شاء الله عليه يرتب غرفته أول بأول مايحب الإهمال ويعشق الترتيب ..
طلعت من غرفة ولدها وهي تتنهد مولشي بس لأنها رايحه تصحي أخوها الوحيد اللي ربته (بعد موت أمها اللي كانت مريضه بمرض خطير ومايابت غيرها ماتت والزين كله كان عمرهاتقريبا في حدود ال20أبوها تزوج بوحده ثانيه ماتت وهي تولد فأخذته وربته ولما صار عمره 15 سنه وبعد مارفضت كل الخطاب الاولين عسب تربي اخوها قبلت بأبو ولدها وكان الله يرحمه حنون جداًوكان يعامل اخوها كأنه ولده مونسيبه..حتى إنه من كثر ما يحبه كتبله من أملاكه يضمنله حياته ومستقبله ..)
دقة الباب على اللي رقاده ثجيل ويبغيله جيش ودبابات توعيه..بس اتفاجاة منه طالع يبتسم لها باس راسها وإيدها وصبح عليها ..(طويل وحنطي البشره عيونه سودا ووساع وخشمه مب طويل وايد..يشبه أخته بس الفرق الشوارب واللحيه لابس كندوره بيضا وغتره وعقال..36سنه مغازلجي درجه أولى ومقاطع الزواج )
كثير العتاب:صباح الخير على الحلوين بس والباقين ههههههههههه.
الزين كله مستغربه :صباح النور ,غريبه ناش بروحك اليوم؟
كثير العتاب:شو نسوي رجال أعمال ورانا شغل .
الزين كله:من متى ؟كل يوم ولدي يطلع الشركه وأنت راقد.
كثير العتاب:والله ولدج يحب قومة الصبح بس العبد لله مايحب يقوم غيرالضحى بس اليوم ولظرف خاص جداً قمت ,وين الريوق؟
قال اللي عنده ونزل الدري يبغي غرفة الطعام..
خلاها في حيرتها بس منو يقول تخليه اليوم ,نزلت وراه تبغي تعرف سالفته..
طلع على صوتهم بس ما لقاهم(حنطي خشمه سيف سلال وعيونه عسليه وحياته مقرنه حشى اوصف بنت عمره22سنه محترم ومايحب حركات شباب هذي الأيام )نزل الدري لابس كندوره عربيه سودا وغتره حمرا متسفر بها..
دش غرفة الطعام سلم عليهم وباس أمه على راسها وخاشم خاله..
قعد مجابل خاله على طاولة الاكل..
بحور الألم :العاده حشرتكم ونجرتكم على العشا شو صار اليوم أشوفها على الريوق؟
الزين كله:خالك ناش من الصبح ومتعدل ومامخلي عطر مامتسبح منه ويقول عندي شغل.
بحور متفاجئ :غريبه خالي على وين إن شاء الله موعوايدك؟
كثير عتاب:وأنته بعد مثل أمك ؟عندي شغل شوتبون بي ؟
الزين كله :عدال على الشغل ولدي متابع الشغل كله أنته بس تروح توقع وترد تنام في البيت ,وين الشغل هذا؟
كثير العتاب:لا بس ولدج عنده أشغال وأنا هايت ,ما جني أداوم وياه في شركه وحده..
بحور حس أنه تمادى ويا خاله وعيب عليه فحب يرقعله عسب يساعده لأن أمه ماراح تخليه اليوم في حاله..
بحورالالم:الوالده البارح قبل لانام خبرة خالي عن المناقصه اليديده واليوم نش عسب يروح وياي يدرس المناقصه .
كثير العتاب كان مندهش من بحور بس قال ولد أختي وتربيتي لازم بيرقعلي ..
الزين كله :وليش مايقولي مخلني متحرقصه وأساله ومايرد بس يبغي ينني ..
قام بحور عن السفره وهو يغمز لخاله وسلم على امه وتوكل على الله رايح شركته..
في الشارع ..عند إشاراة المرور اللي شابه احمر ..
بحور في سيارته المرسيدس البرونز..كانت عن يمينه سياره أكورد فضي فيها بنيه حلوه شدته خصوصاً سيارتها بدون مخفي وتصيح بلاها ليش تصيح..
بحور حنون وايد رغم جديته في العمل ..
حس تجاه البنت بشعور غريب ليش هو مهتم العالم مليان بالهموم والمصايب محد خالي البال..
في الشركه..
بشره حنطيه وعيون خضر وخشم طويل ولحيه وشارب مسونهم قفل وفي ملامحه الجديه والصرامه 24 سنه ..قاعد في مكتبه يدرس ملف عقود المناقصه اليديده بما أنه محامي الشركه..
وهم يكلم نفسه:هذي المناقصه إن شاء الله بتربح الشركه بس البند الخامس من العقد شوي مخوفني ..
دشت عليه طويله وسمرا سمار حلو عيونها سودا وخشمها صغير وقذلتها الحمرا على عينها ..
صدى الحرمان :السلام عليكم إستاذ وهم.
وهم من غير مايرفع عينه من الملف اللي جدامه:عليكم السلام .
صدى :إستاذ بغيتك شوي في موضوع مهم.
رفع عينه شوي بنظره وحده ورجع نزلها:تفضلي أختي آمري.
صدى:إستاذ من أسبوع وظفتوا عندنا موظفه يديده في العلاقات العامه ,بس مؤهلاتها تخليها في غير هذا المكان.
وهم:والقصد؟
صدى:أنته تعرف المدير العام وتقدر تكلمه ينقلها لمكان ثاني يناسب مؤهلاتها.
وهم :ليش هي أشتكت لج؟
صدى :والله هي ماتكلمت بس انا لما أطلعت على ملفها حبيت أخدمها ,بس مو أكثر .
وهم :روحي وطرشيلي ملفها ,واللي فيه الخير يقدمه رب العالمين.
صدى طلعت عنه معلنه فوزها هذا اللي تبيه تبعد البنت اليديده عن عيون اللي تحبه عسب ما يصد لغيرها والبنت اليديده حلوه وايد وتلفت النظر..
وهم طبعا مايعرف تخطيطات صدى الحرمان بس حب يخدمها ..
خريجة إداره وأقتصاد ودبلوم سكرتاريه..كيف وظفوها في العلاقات العامه ..شاف صورتها بيضا وايد بس يمكن من التصوير خشمها حاد كالسيف وثمها صغير ودقيق..وعيونها واسعه وحياتها مقرنه ..ماشاء الله سبحانه كيف صورها ..
طلبها عسب يشوفها ويعرف منها التفاصيل ..
في هذي اللحظه طلبه المدير العام بحور الألم..طلع للمدير العام ونسى سالفة البنت..
دش على بحور لقاه مع كثير العتاب..
وهم :السلام عليكم ورحمة الله وبركاته .
بحور وكثير :عليكم السلام ورحمة الله وبركاته..
بحور :كيف الحال عزيزي ؟
وهم :عال العال بس شاغلتني المناقصه فيها شوية أشياء تبيلها دراسه.
كثير :هذا دوركم أنتوا أنا بس أوقع وغادر..
ضحكوا على كثير العتاب اللي بعد ما سأل عن أحوال الشركه قرر يغادرهم ..
كان وهم يكلم بحور عن سالفة البنت وفجأه تذكرها ..
وقف وهم:أتصدق نسيت إن طلبت أشوف البنت ,والله إنكم نسيتوني الفقيره أكيد يات المكتب ومالقت احد..
بحور :أشفيك؟ ما لقتك تترياك .
وهم:أوكيه باي..
أندمج بحور في شغله ونسى العالم الخارجي ..
في مكان ثاني ..
وفي زعبيل بالتحديد..
كانت توها بتطلع لابسه عباتها (قصيره وبيضا وعيونها سود ووساع وباين عليها علامات السن وكل حنية الدنيا فيها 45 سنه)
لحن الوتر:يالله بسرعه والله تعبانه ومافيني شده أوقف زود أترياك..
طلع لها وهو مستهم على صحتها (طويل شوي وعريض الكتوف خشمه طويل ..لابس غتره وعقال..50 سنه)
موق العين:الغاليه والله ما كنت بتأخر عليج بس ليما لبست ,يالله توكلنا هاتي إيدج..
طلعوا وركبو السياره طبعاًساعدها تركب لأن السياره عاليه عليها شوي (لاند كروزر نحاسي)
لحن الوتر :والله مستهمه على البنت ,طالعه الصبح الدوام وهي اتفكر فيني ,كانت تبي تغيب بس حلفت عليها تروح الدوام..
موق العين:إن شاء الله ماعليها شر ,وأنا بروحي بتصل لها بعد مانخلص عسب أطمنها عليج.
بنتها حساسه وايد ومتعلقه بيهم وبأمها بالذات اليوم اللي تمرض الام فيه حتى الاكل بنتها تعافه..وعندهم غيرها ولدين واحد متزوج وعايش في بوظبي لأن شغله إهناك ,والثاني مسافر يدرس برى طب في ألمانيا ويتخصص في جراحة القلب..باقيله سنتين ويخلص..
وصلو المستشفى ...
كان عندها موعد عند الباطنيه ..
طلب الطبيب فوحوصات وأشعه عسب يعرفون أسباب آلامها اللي تحس بيه في معدتها ..عطوها مسكنات للالم ..
وعطوها موعد بعد يومين..
أتصل موق ببنته يطمنها على أمها..
بيضا وايد وخشمها طويل وعيونها عسليه ووساع وطويله ومليانه واللي محلنها اكثر إنها متحجبه ..
لالوه ترفع التيلفون وترد على أبوها ما أنتبهت للمدير العام اللي داش عليهم فجاه..
لالوه:والله باباتي ؟تتكلم صدق؟يعني أمي بخير ومافيها شي؟هههههههه ,والله أني كنت مستهمه عليها م الصبح ..أوكيه مع السلامه..
كانت مستانسه ورافعه راسها بتكلم زميلتها في المكتب واتفاجاة باللي واقف ومغيض من الخاطر..
بحور :لوسمحت تفضلي على مكتبي بسرعه.
لالوه بكل ادب وشموخ:إنشاالله أستاذ.بس وين مكتبك؟
بحور وهوطالع وعاطنها ظهره:المدير العام..
صابتها دهشه وموعارفه شوتقول ,هذا المدير العام ؟أتحريته المحامي اللي طلبني مساع ,,والله ما ادري شو اسوي ..
التفتت لزميلتها اللي قاعده ومتفاجأه وخايفه عليها يديده والمدير معصب عليها ..بكل حنان وطيبه(قصيره وعيونها صغيره مخبايه ورى نظاره طبيه وخشمها قصير وملامحها حلوه )أماني:التيلفون ممنوع وانتي تكلمت وجدامه ,الله يعينج ,بس تكلمي معاه بأدب وأحترام وثقه بنفسج لاتخافين منه..
دشت عليهم صدى الحرمان وباين من شكلها إنها شمتانه فيها بس بينت العكس عسب ما تحسسها بكرها لها ..
صدى :لاتخافين منه وكلميه بكل شموخ ولاتخلينه يتهزأ عليج ..
طلعت من مكتبهم على مكتب المدير العام وهي مضايقه منه ومن طريقته في التعامل معاها ..والله ضيع عليّ فرحتي بأمي ..
تعتقدون بيفنشها ؟
هل بتسكت عنه؟
شو تعتقدون بتكون نتائج تحاليل لحن الوتر؟
أتريا آرائكم ,
ومساهماتكم في تكملة القصة
^ _ ^
..