هــ ـ ـ ـل البنت الخليـجيه ضحيه للـ ....؟؟!! " ممكن تجاوبوني"

[ღ بدر البـღـدور ღ]

--------------------------------------------------------------------------------

السلام عليكم ..

اخبـاركم .؟؟ اتمنى تكونون بصحه وسلامه ..

في موضوع حبيت نتناقش فيه ..


V

V

V


لاتطلعين بدون (نقاب) وش يقولون عنك الناس

لاتكلمين خطيبك الا لما يمـلك عليك بعدين وش يقولون الناس كلمتيه قبل لا يصير زوجك..!!

ان رحتي العرس اليوم البسي فستنان مستر انا مو ناقصه الناس يقولون بنت فلانه لابسه عاري ..


ومن هالكلام اللي مايودي ولا يجيب ..

اللي ابي اوصل له بصوره خاصه ,,


هل البنت في مجتمعنا ضحيه لـ كلام الناس ..؟؟

هل البنت الخليجه بالذات ضحيه للعادات والتقاليد..؟؟



لكم تحيـاتي ...

[أنا وبس]

عذرا يعني بدر البدور


الاشياء هاذي ماتخلي البنت ضحيه

بالعكس وتحتها خطين

لان البنت راح تكون
مصونه ومحترمه لاسباب :

1- اتبعت العادات والتقاليد مثل ماتقولين هههه

2-العادات اللي تقولين عنها ماأقول كلها أغلبها امر فيها الشرع


هذا رايي وانشاء الله

يكون مفيد

والله يكتب اللي فيه خير



أخوك


أنا ----------- وبس

[ღ بدر البـღـدور ღ]

كلامك عين العقل

بس فكل شيء مو لهالسي بس

مثلا لا تزوريت ربعتك عيب ولا تروحين بيت عمج ولا خالج

كل شيء عيب في عيب

لا تطلعين السوق لا تروحين ولا تجين

[أنا وبس]

عاد التشدد مو زين

ولا التفريط


بس يقولون لا خوف عليها لا أكثر ولا أقل



أخوك


أنا -------------وبس

[ღ بدر البـღـدور ღ]

هل البنت في مجتمعنا ضحيه لـ كلام الناس ..؟؟

بصراااااااااااحه ايه و وااااااايد بعد .. كلام الناااااس هو إلي يمشي الحااااال
الحينه إذا ما سويتي مثل ما يسوون الناس أنتي عيوب الدنيا كلها فيج

صار كل شي كلام الناس .. إذا كنت ابي اسافر ادرس للخارج
كلااااام الناس بخليني اكرهه مستقبلي ..

هل البنت الخليجه بالذات ضحيه للعادات والتقاليد..؟؟

لا .. العادات و التقاليد غير عن كلام الناس ..

و نحن كمسلمين الحمدلله عاداتنا احسن و إذا غير ذلك
فالنااااس يظهرون عادات من عندهم

العادات الاسلامية أنا ما عندي اي خلاااف فيها
لكن كلام النااااس
بتكلم و بتكلم و النتيييييييجة سلبية دايما !!

[طـو طـو]

بدر البدور شي اكيد البنت ضحيه وخصوص بنات الخليخ
اعلمك ليه البنت عندنا تهتم في كلام الناس كثير وخصوص الي يجرحها يعني لو قالو لها انت مو حلو بسك راح تتزين وتكشخ حتى لو كان ذا على حساب العادات والتقاليد وانا ماقول لا بس اتمنى يكون في حدود المعقول يعني مو تستهتر في الامر او تتشدد فلا تكشخ ولاتهتم في كلام الناس يعني تكون وسط الاكلام الكثير بين الناس مو مهم الأهم انك تكوني واثقه من نفسك
واهم شي ماتتعدي الحدود في العادات والتقاليد
تحياتي لك

[كاشخ و مفلس]

الصراحة التشدد في بعض الامور زين ويحفظ كرامة البنت ويصونها


بس زياتدة التشدد عن الحد يغري الواحد ويخليه ينجذب للشي اللي مانعينه عنه ويخليه بالسر

والمثل يقوول كل ممنوع مرغوب

بس التشدد في بعض الأمور ماله داعي وأعتقد انه يمكن تعدى حدود السخافة

كل هذا بسبب كلام الناس

كلام الناس لا يودي ولا يجيب

مثلا اتشوفهم يتكلمون عن بنت الناس وينصحون أمها

لا تخلي بنتك شوفيها ...سوي كذه سوي ذاك

ولما اتشووف بناتهم أو أخواتهم اللهم يا كافي

أعوذ بالله منهم ما خلو شي ما سووه

ويسوون الشي اللي منعوه وحرموه ع غيرهم

وثانيا أعتقد انه مو عيب انه البنت تطلع ويا عمتها أو خالتها

لأنها بحسبه أمها وتخاف عليها بلا شك

بس في حالات يكون مع الام حق في انها ما تخليها تطلع مع حد

يمكن هذا الشخص ما يكون صاحب ثقة


تسلمي بدر البدور ع الطرح

[رهيب]

اختي بدر البدور

احيك على طرحك الرائع

رضى الناس غاية لا تدرك

لاكن يجب ان لا نلخبط بين العادة والعبادة
فاغلب ما قلتي
الخلروج بدون نقاب او بدون غطاء
ان تكلم خطيبها قبل الملكة
التستر وعدم كشف العورة
كثرة الخروج الغير مبرر ( وقرن في بيوتكن ولا تبرجن)

انا لا ادعو للتشدد
بل ادعوا للاعتدال
لا تفريط ولا افراط

كلام الناس مثل ما قلتي ما يودي ولا يجيب
الأهم ان لا افعل شيئا ينافي تعاليم ديننا الحنيف

الف شكر لك