سؤال محيرني ...ليش شباب اليوم يستحون يطلعون ويا ........؟!؟؟

[ღ بدر البـღـدور ღ]

السلام عليكم ..



أخباركم اخواني؟؟؟ عساكم بألف صحه و عااااافيه

فيه سؤال دوم أسأله لنفسي .... محيرني واااااايد

أفترض افتراضات .. ممكن تكون صح وممكن تكون خطا

لكن الحين أبا حد يقطع حبل الشك باليقين

السؤال هو : ليش شباب اليوم

يستحون يطلعون ويا أهلهم ؟؟؟ أو بالأحرى يخافون ربعهم

يجوفونهم ماشيين ويا أهلهم؟؟؟؟؟؟؟

سمعوا هالقصتين....

القصه الأولى: " فيه مره عايلة

طالعين السوق ... الشاب إللي مروح وياهم .. فجأه اختفى عن

الأنظار بعد فتره طلع .. سألوه : "يا فلان وين كنت؟؟؟؟"

قالهم:"جفت ربعي ... فانخشيت فواحد من المحلات"

قالوا:"إنزين خير؟؟؟ ليش اندسيت يعني؟؟؟؟؟"

قال:"خفتهم يجوفوني وياكم!!!!!!!!!!"

عجيييييييييييييييييييييييييييييييييييييييييييييييي يب أمرهم و الله

والقصه الثانيه تقول:"إنه فيه واحد

كان مطلع الأهل بعد ..... فلما كانوا بالسياره اتصله واحد من

الربع و سأله "وين انته؟؟؟؟" رد عليه "في البلاد" رد سأله :"ويا

منو؟؟؟؟"

قاله:"ويا واااحد من الربع!!!!!!"

فالسؤال إللي يطرح نفسه....... شو

السبب إللي يخلي شبابنا ما يحبون يطلعون ويا الأهل؟؟؟

شو السبب إللي يخليهم يستحون يقولون لربعهم إنهم مطلعين

الأهل؟؟؟
حراااااام؟؟؟

وإلا عيب؟؟؟؟؟

وإلا سر خاااص بالشباب ؟؟؟

وإلا شو بالضبط؟؟؟؟؟

(هذا سؤالي إللي متعيبه منه وما لقيتله سبب مقنع)

إذا كنتو تعرفون السبب ردوا عليه ... و صارحوني

[راعي وناسه]

مشكور على السؤال بدر البدور

طبعا مو كل الشباب كذا

بالعكس انا افتخر لما اطلع مع اهلي وشافوني اصدقاي

فيه شباب مايحبون يطلعون مدري ليش

بس بالنسبه لي انا عادي

وسلام

[امير الرومانسيه]

والله اختي بدور هذا الشي غريب

انا ماشفت احد ينخش من اخوياه عشان معاه اهله بالعكس

اطلع مع اهلي واتمشى معاهم ولا علي في احد

اما سؤالك ليه يمكن اللي يخاف هو اللي يقدر يجاوبك على سؤالك

ومشكووره يالغلاااااا

[ღ بدر البـღـدور ღ]

جد والله في واااااااااااايد انا اسمع من ربيعاتي دووووووووم

ان اخوانهم ما يطلعونهم عشاان محد يشوفه هو مع اهله وبالذات خواته والله

يعني صدق شيء غريب لو كان عندي اخوو اكبر عني كان سالته بس المشكله

انا البكر مالي غيركم الصراحه شيء غريب

في حد يفتشل من اهله بالعكس انت مالك غيرهم انت فدنياك ما في شيء محليك غير اهلك امك وامك هم اللي محلين وجودك كيف انت تخجل بطلعتك معاهم ...

[طـو طـو]

الموضوع حلو بس شوفي
من ناحيتي مثل ماقال امير الرومنسيه مستحيل استحي عاااااااادي بالعكس وناااااااسه
بس انا اتوقع ان الشاب حين يطلع مع اهله يخاف من كلام الشباب عن اهله إذا راح وجلس مع اخوياه يستحي حين يقول واحد من اخويه شباب انا شفت اهل فلان ويقعد يسب او يمدح والشاب يستحي من كلام اخوياه يمكن يسبون او يمدحون فلو مدحو يبي يحس ان اخوياه قليلين الأدب لانه شافو اهله ولوسبو فيهم يبي يضيق صدره لان اهله مو حلوين وراح تكون ردت
فعل من الشاب تجاه اهله سلبيه او ايجابيه
وحتى لو ان خويه الي شاف اهله ماتكلم راح يخاف من خويه انه يغلط عليه بعد كذا يتكلم عنه اهله
لو احد عنده اسباب يكتبها لنا
تحياتي لك

[ريح العود]

والله انا اقوول ما استحي ولا علي باحد الي ابي اسوويه اسويه هذا شي راجعلي مو الناس يتحكمون فيني

وغير كذا مو هذا السبسب الي يخلينا ما نروح ويا اهلينا السبب

اذا جووك اهل قلق ما يملوون من السووووووووق ولاووش يفشلوونك اذا طلعت معااهم يعني يصارخوون ومن ذا الكلام....الخ الخ

ومشكوورة خيتوو عالموضوع

[كاشخ و مفلس]

والله أنا ما أستحي أبد بس اللي سمعته من اللي ما يحبون انهم ينشافون ويا أهلهم يفسره ذا الموقف

الله يسلمكم في واحد شاف ربيعه ويا حرمته وكانت ذي الحرمة لابسه عباه مفتوحة وتنورة فيها فتحات فكانت رجولها مكشوفات وما كانت لابسه شي تحته

طبعا صح اللي سوته مرته غلط

بس اللي شافها يوم سار المجلس عند الرجاجيل لعن خير أمها ما خله فيها شي ما تكلم فيه

والله أستحي من اللي قاله بس بقوله

مثلا قال يالله صدرها كبير كذه ورجولها مدري كيف وما خله شي في جسمها ما وصفه عنبوه ماله حريمه :eek:

عشان كذه أغلب الشباب ما يحبون انهم ينشافون ويا أهلهم:mad:

[صقر فــــღــزاع]

صدق كاشخ والله لان في شبااااااااااااااب والله ما يستحوووووووووووووووووووووون خاصه اللي من اعمارنا يعني من 16 لحد 30 في بعضهم واللله ما لهم حشمه لاهل غيرهم هو حابس اهله في البيت لان يخاف حد يتكلم عليهم عاد كيف يرضى هو يتكلم عليهم ...


فالاغلب ان البنات لازم يطلعوون ويا ولي امرهم او احد متزوج اخوهم الكبر مو مع واحد من اعمارنا لان الشباب في هالزمن مالهم غير الكلام الفاضي ولا يحشموون ما يقول هذيله اهل ربيعي ...

وانا الصراحه لي الشرف اطلع ويا خواتي بالعكس الطلعه مع الاهل احلى بوااااااايد له طعم ثاني والربع شيء ثاني ...


تسلمين يالغالا والله موضوع ممتع ..

[فـــراولة]

ايه حتى انا محتاره زيك بهالسؤال
ليه ما ادري ؟؟
زي اخواني في الصباح اذا جيت اوصلهم لمدرستهم يخلون السواق يوقف بعيد
عشان ما احد ينتبه من اصدقاهم ان اختهم معهم في السيارة
او يوصلوني الدوام قبلهم كله عشان ما احد يشوفني معهم
ليه مدري ؟؟
وشكرا خيتو على هيك موضوع

[رهيب]

موضوع وطرح رائع

كثير من الشباب يخجلون يطلعوون ويا اهلهم خصوصا شباب المتوسطة تقريبا في سن المراهقة او سن البلوغغ
يخجل من اهله عشان اصدقاه بكرة اذا اجتمعو ما يقولون والله انا رحت لمكان كذا ولقيت هذا مع اخته يبدأ الودي يستي ويخجل انهم شافو أهله
يومكن هالشي يكبر فيه ولا ينساه

يعني شبيه للي قاله كاشخ ومفلس

ممكن بعد يخجلون من لبس خواتهم او اي شي من هذا القبيل

طبعا كلها اعذار واهية
لان من العيب انك تخلي اهلك وما تطلع وياههم

اشكرك لطرحك للموضوع

[دلوعة قلبة]

موضوع صح

لكن في كثير من الشباب اهلهم محتشمين وبرضوا يستحوا يخرجوا معاهم

وانا من رايي الشباب يعملوا كده حيله عشان لايخرجوا اهاليهم

[رز عنبر]

والله.. اختي.. الشباب انواع ..في منهم اللي حياه زايد وفيه منهم اللي عادي يعني يطلع.. ونا با النسبه لي والله اطقع ما اشوف اهم ما علي رضى اهلي وبعدين افكر في اخوياي وربعي وش صار يعني اذا شافوني وش بيقولون بيذبحوني ما هو عيب ولا حرام وبعدين اللي بيتصل علي وبيقولي انت طالع مع مين واهلي معي وقام يسأل اسئله واجده قفل الخط بـــربــــره زايده ما نحب

[ღ بدر البـღـدور ღ]

هههههههههههههههههه

ما شاء الله عليك تعجبني رز عنبر يلا شباااااااااااب تعلمو منه وبلا بربره زايده