قالوا غريبه!!!! [الأرشيف] - مملكة ظل المشاعر

صمت وجروح

11-20-2006, 05:53 PM

من صغرتي قالوا غريبه حالتي ****سجادتي هي دنيتي ارضي وسماي وفرحتي
من صغرتي ارضي ابوي وجدتي **** واختي واخوي وخالتي
وامي دواي وبسمتي قالت لهم **** شوفوا هدى ربي هداها بدعوتي
من صغرتي امسح على راس اليتيم**** واعطيه فايض حاجتي
واحضن عباية عمتي **** لي جت تروح وابكي وانوح
قالوا كريمه خصلتي **** دااااايم عزيزه دمعتي
**** من صغرتي****

من بعدهامرت سنون **** اخترت اكون لهالبشر درع ٍمصون
لكبيرهم وصغيرهم ****وقويهم وضعيفهم
اخترت اعيش همومهم **** اخترت اداوي جروحهم
وابكي معاهم لي بكو **** وافرح معاهم لي سلو
**** ام ٍحنون لهالبشر اخترت اكون****

ورفاقتي قالوا هدى **** مثلك ترى
غطى الثرى **** مثله ومات
محد ٍترى **** يبكي على
غيره وهو عنّه **** بعيد المسافات
ماتعرفينه!!!!!!! **** ما تقربيله!!!!!!!
وشلك بهمه وغمه!!! **** ترى هاذي هبات
عيشي حياتك افرحي **** مثلك مثل كل البنات
شوفي معي هاذا رقيقه ضحكته **** وهاذاياملّحه بغترته
وهاذا كبيره شركته **** يالله ترى غيرك خذى
****وانتي تبين المعجزات****

ناظرتهم ...وسالتهم **** انتوا اش تبون؟؟؟؟؟؟؟
احيا مثل غيري!!!!!!! **** وانسى هموم الناس!!!
واحيا بدون احساس!!!! **** وارضى القيم تنداس!!
واحرق دساتيري!!!!!! **** واقول يا ميري
بدي اظافيري **** تطّول بدون قياس
وخلّي الصدر اكبر **** وبدي الحواجب سود
وابغى الخدود تزود **** لاااا هاذا موطبعي
مالي ومال الناس **** اصل البشر اجناس
وإن كان هم يرضون **** لنفوسم يحيون
ولغيرهم ينسون **** فلاهاذامو طبعي
بالله ياقاري **** جاوب عن اخباري
**** من عمره الاطول؟؟؟؟****
اللي يعيش اسنين **** من عمره السبعين
عايش وهو همه **** يرضي هوى نفسه
والاّ من اللي عاش **** عمره معى غيره
عايش لكل الناس **** ما همته نفسه
سبعين (×في)ذا الكون **** كم تطلع الحسبه؟؟؟؟
بالله ياقاري **** جاوب عن اخباري
**** من عمره الاطول؟؟؟؟****

قالوا الحياه مَره **** لاتنتهي مُره
عيشي حياتك لك **** وانسي العطاء مره
بالله ياقاري **** جاوب عن اخباري
**** من بالحياه طوّل؟؟؟؟****

اللي عطا غيره **** عطوى بليّا حدود
ولما انقضى عمره **** عاش العطا والجود
والاّ عطا نفسه **** وما خلته الغيره
ولما انقضى عمره **** مات العطا بعده
بالله ياقاري **** جاوب عن اخباري
**** من بالحياه طوّل؟؟؟؟****

قالوا الحياه عنوان **** وانتي ب100 انسان
من قال لك تكفين **** قلتيله من ذا العين
ولو يطلبك روحك **** ما اظنك تعيّين
مادري يانور العين **** انتي متى بتصحين!!!!
واللي يعيش قربك **** تعطينه من قلبك
وتحيرينه زووووود **** ويفتنه حبك
ومن شاف رقة ضحكتك **** والاّ تمعّن مشيتك
شافك دلع كلّك دلع **** وقال الفراشه تشبهك
ومن شاف اول طلّتك **** وبادي بوادر جلستك
قال العبايه تجهلك **** والادب منك إلك

ناظرتهم... وسالتهم **** انتوا اش تبون؟؟؟
يعني حرام اني اكون مثل البنات** البس من اغلى الماركات
انامااقول عيشي حيات الراهبات** وانسي الهنا حتى الممات
دامه حلال وبين الخوات **** وش يمنعك؟؟؟؟؟؟
انا بس اقول إن عشتي لا تنسين**** إن بالحياه غيرك
وبالله لااااااااتقسين **** وخلّي العطا طبعك
ولو كنت انا منّك **** ومن الحياه مااملك
الاّالعمر والروح **** واحتاجني مسكين
لقول ياذا الروح **** انا بقسمك قسمين
قسم ٍمعي منك **** وقسم ٍمع المسكين
بالله ياقاري **** جاوب عن اخباري
عن غربتي بسال **** إن كان احد مثلي

والاّانا من

ويــــــــــــــــن ؟؟؟؟؟؟

وسلامتكم ويارب تعجبكم
وارجو إنكم ماتحرموني من آرائكم

ملاحظه:كلمة (قاري)المقصودبها قارء القصيده

شجـون&القلـب

11-20-2006, 06:03 PM

واااااااااااو مرره حلووو وابداع رائع ..

صمت وجروح

11-20-2006, 06:35 PM

مشكووورة على المرور

m0o0n 14

12-07-2006, 04:50 PM

مرررررررررررررره حلوووه اختي لاتحرمينا من جديدك

اختك سارونه

صمت وجروح

12-07-2006, 05:38 PM

مشكووورة على المرور يالغالية

JADAWY-COOL

12-11-2006, 08:08 PM

مشكوره على الموضوع

صمت وجروح

12-12-2006, 02:58 PM

مشكووور على مرورك

العيناوي الأول

12-14-2006, 02:42 AM

حلوه القصيده صراحه ..

يعطيج العافيه صمت وجروح ..

ونتريا جديدج ..

صمت وجروح

01-03-2007, 01:55 AM

مشكووور اخوي على مرورك

رهيب

01-06-2007, 11:04 AM

اللي يعيش اسنين **** من عمره السبعين
عايش وهو همه **** يرضي هوى نفسه
والاّ من اللي عاش **** عمره معى غيره
عايش لكل الناس **** ما همته نفسه
سبعين (×في)ذا الكون **** كم تطلع الحسبه؟؟؟؟
بالله ياقاري **** جاوب عن اخباري
**** من عمره الاطول؟؟؟؟****

صــــــــــــح لسانك صمت وجروح وسلمت يمناك

يعطيك العافية

العيون السود

01-06-2007, 03:21 PM

صح لسانك ياغلاهم

روووووعه يسلموووو

دمتي بود

صمت وجروح

01-15-2007, 06:13 PM

مشكورين على المرور

ملكة احساسي

01-16-2007, 05:01 PM

كل كلمة من الكلمات تحمل معانٍ سامية..

وكل حرف يدل على القيم والاخلاق..

يدل على الثباات والقناعه..

بالفعل كان طرحكـ مميزاً جداً..

ولا تحرمينا من تميز آخر..