ديوان قصائد واشعار الشيخ حمدان بن محمد بن راشد ال مكتوم((فزاع))

[كاشخ و مفلس]

السلام عليكم ورحمة الله وبركاته


اليوم جبت لكم موضوع عن قصائد واشعار الشيخ حمدان بن محمد بن راشد المكتوم((فزاع))


يلا بدش على طول >>>>لا بالعرض احسن




اولا ببدا بسيرة شيخنا


http://img79.imageshack.us/img79/7456/8972ie5.jpg




البطاقه الشخصية للشيخ حمدان بن محمد بن راشد آل مكتوم...

الاسم: حمدان بن محمد بن راشد آل مكتوم


اللقب : فزاع


تاريخ الميلاد: 1982\11\13


البرج: العقرب

الشخصية: مرح و متواضع


الهوايات: الشعر- ركوب الخيل- القنص- البلياردو- البولينغ- كرة القدم


المهنه:رئيس نادي الاهلي ورئيس مؤسسه محمد بن راشد لمشاريع الشباب و رئيس مجلس إدارة بنك دبي الوطني

في السباقات: يحمل الرقم 3


تصنيفه بين الفرسان: المصنف الاول عالميا


انجازاته:


1- في 7 اغسطس 1999 حل سموه بالمركز الثاني في سباق لينزبيرج للقدرة بسويسرا...

2- في التاسع من يوليو 2000 تمكن سموه من انتزاع سباق تاترسالز للقدرة
بنيوماركت لمسافة 140 كلم...

3- في 26 يوليو 2000 تمكن سموه على صهوة " كريتال فلاير" بالمركز الثاني
في السباق لكاس ال مكتوم بايرلندا لمسافة200 كلم...

4- في 29 سبتمبر عام 2001 تمكن سموه في بطولة اوروبا المفتوحة للقدرة
لمسافة 160 كلم بمنطقة بروجيا الايطالية من انتزاع الميدالية الذهبية
في مسابقة الفردي بعد ان احتل المركز الثاني...

5- في الثامن من سبتمبر تمكن من انتزاع ذهبية العالم للشباب في مسابقة الفردي...

6- في 19 مايو 2002 حل سموه بالمركز الثاني في بطولة بونشستاون
للقدرة لمسافة 120 كلم...

7- لستهل سموه مشاركيه على الساحة الاوروبية في صيف 2002 بانتزاع
لقب كاس الملك باسبانيا...

8- في 14 اغسطس 2002 توج سموه بطلا لبطولة كاس ال مكتوم للقدرة
لمسافة120كلم...

9-في 29 يونيو 2002 تمكن من انتزاع لقب بطولة فياكستين للقدرة باسبانيا
" مسترزط لمسافة 120كلم...

10-استهل سموه مشاركته على الساحة الاوروبية في 27 يونيو الماضي
بانتزاع لقب سباف القدرة لمسافة 160كلم بنيوماركت...

11- ضمن فعاليات بطولة العالم السابعة للقدرة في ديسمبر 1998 تم تتويج
سموه بطلا للموسم المحلي لسباقات القدرة (97/98) وذلك تقديرا لانجازاته المتميزة
خلال الموسم و التي من ابرزها فوزه بسباق عمالقة الصحراء الثامن للقدرة
لمسافة 120كلم...

12- تم تتويجه كافضل فارس بعد ان تصدر التصنيف العالمي لفرسان القدرة
للعام 2000...

13- في انجاز تاريخي وغير مسبوق على مستوى العام 2002 سجل سموه
فوزا مستحقا ببطولة راشد بن حمدان ال مكتوم للقدرة لمسافة120كلم
وعاد في اليوم نفسه ليسجل انجازا تاريخيا في سباقات السرعة منتزعا الفوز
بجائزة نادي دبي لسباق الخيل للفرسان الهواة بند الشبا..



ترتيبه بين اخوته : لخامس


اخوانه بالترتيب :منال- حصه- راشد- ميثاء- حمدان- مكتوم- أحمد- مايد- سعيد- لطيفة- منصور- مريم- شيخة- فاطمة- سلامه- شمه


دراساته : درس بمدرسة راشد الخاصة للبنين في الثانوية ثم التحق بجامعة سانت هيرز(العسكرية)في بريطانيا


أفضل المطربات لديه: أصالة والمرحومة ذكرى


افضل قصيدة لديه: لمني


المكان المفضل لديه: ربوع دبي وافي سنتر , السينما ، لندن بالصيف

[كاشخ و مفلس]

قصيده من الابن فزاع " حمدان بن محمد بن راشد آل مكتوم" يهديها الى والده سمو الشيخ " محمد بن راشد آل مكتوم " حفظه الله ....





على وصف الرجال اللي تسمّى بالفعـال رجـال
لفت بيض العلـوم وبيّـض الله وجـه راعيهـا


لفت ما كنّها الاّ سبّق الخيـل ان بـدت تختـال
نواصيهـا النعـوت وفـي مناكبهـا.. قوافيهـا


قصايد والقصايـد مـا نساومهـا بجـاه وْمـال
نعـبّ بحورهـا وان هـاج مزملهـا نرسّيـهـا


إذا امتدّ الفكر وامتـدّ ليلـي والقصيـد وطـال
توشّحت الشـوارد ولبسـت الاشعـار غاليهـا


كذب من قال ساعَفني عليها الجـن يـوم تقـال
أنا البـس جنّهـا واصـدر مواردهـا واروّيهـا


أنا وْلا فخر نجـل الشامـخ المتمـرّس الريبـال
على وصفه تجارينـي القصايـد قبـل اجاريهـا


على (محمد إبن راشد إبن مكتوم) طـاب الفـال
وطابت لـي قبـل لا الـزم قوافيهـا.. معانيهـا


متى قالوا صواريها المعاني.. مـا هنـاك اشكـال
حـرام انّـي لمـدّ شراعهـا لأكبـر صواريهـا


على اكبر منبر ارميها ثنا وْعـز وْفخـر واجـلال
ما دام ان الثنا لأهله.. على اكبـر منبـر ارميهـا


لاجل قرمٍ غرس حلمه لشعبـه واثمـرت الآمـال
حقايـق نبصـر اوّلهـا.. ونتبـاشـر بتاليـهـا


حقايق واضحه من دون ابو راشد صعـب تنطـال
تباركهـا القلـوب وتبهـر الناظـر مغانيـهـا


مغانيها تراود كـل عطـرٍ مـا خطـر ع البـال
واراضيها يـراود كـل عاشـق فـوع ناديهـا


أراضيها الخزامـا والنفـل والبختـري والهـال
وما يخطر على بـال العطـر يزخـر باراضيهـا


ولي فيها محب أسرف على قلبـي وحـط وشـال
طلب روحي وروحي منـه فيهـا اللـي يكفّيهـا


من اوّل ما عرفتـه والضلـوع تجـرّ لـه مـوّال
ولا ادري نيّتـه بضلـوع صـدري وش تواليهـا


أنـا محتـار مـا بينـه وبيـن (دبـي) بالمثقـال
يا أمّـا (دبـي) لـه تحـلا أو انّـه لـي محلّيهـا


أو انّ (دبي) تحـلا لان أبـو راشـد لهـا خيّـال
نعم والله وتسبـق خيلهـا مـن سبـق واليهـا


(دبي) العِز من طيـب النسايـم عودهـا ميّـال
تمسّي صاحـب القـدر ونحـن باسمـه نمسّيهـا


صدى داره بشرق وغرب وجنوب التقى وشمـال
قبض الاربـع جهـات يليـن داره ذاع طاريهـا


طغى عزمه على وعر الدروب وله غدت مسيـال
تسيل الأرض لاقدامـه وتفخـر مـن مواطيهـا


غريبه كيف جادت به سنينـه والسنيـن بخـال؟
والاغرب كيف تضما له وهو بالجـود يسقيهـا؟


لو ان المجد سهل ان كان كلٍ طـال منـه وْنـال
دروب المجـد ودروب العـلا صعبـه مراقيـهـا


طويل العمر ما جيت اعتزي في وصفـك الأمثـال
ولكـن المثايـل تعتزينـي بــك.. والبّيـهـا


يابوي ابشر ترى شبلك توارت عن مداه اشبـال
وثب فوق الدروب وسابقـت رجلـه خطاويهـا


ورث عزمك وحزمك والخصال تجرّ طيب خصـال
مواثيقـه علـى طـرق المكـارم بـك يجدّيهـا


إذا شدّ الفخر لاجلك رحاله قمت اشـدّ رحـال
على نهجك.. عشان افرد رحاله وارجـع اطويهـا


واذا قالوا: من ادرى بالحصابي والـوزون ثقـال
عرفت ان الوزون ثقال وانـت ادرى بْحصابيهـا


على الدنيا جدال الاّ انت والله ما عليـك جـدال
مع ان إيدك يجـادل كـل وادي سيـل واديهـا


لو ان السحب تنشا من كفوف امست عليك ظلال
وخرّت ساجده لاهل الثرى مـن جـود منشيهـا


مكارمك المكارم والعطايـا مـن بحـرك جـزال
لو ان السفن تجري فـي يمينـك ضـاع شاطيهـا


يمينك كم لاحت وابرقت وابطت وهـي تنهـال
ولا والله تـدري عـن يسـارك كـم معاطيهـا


وكم رجلٍ بصدره حاجه وجاك وقبـل لا يسـال
عطيته.. كنّك ادرى بالصـدور وْسـرّ خافيهـا


وكم حلمٍ سبقته.. كان في عيـن الزمـان محـال
تقول المقبلات افضـل عليـك اسـرار باريهـا


يقولون اختصرت اجيال واقول انته فخر الاجيـال
إذا الأجيال بك ما تفتخر.. من يفتخـر فيهـا؟!

[كاشخ و مفلس]

معذور





البارحة قطر الندى أوشى على العيـدان
قلت الله أكْبَرْ ما على بعض الوشاةْ قْصور
قلت الله أكبر كيف أرَجّح كفّـة الميـزان
كيف أقْدَرْ أنْظمهم وانا باثنينهم مَجْبـور
مَسّيتهم بالخيـر وْ حِنّـا حَـزّةْ مْسَيّـان
يا صباح النور( لكنهم عن عمـد قالـوا
الأوّلي معذور لاْن القلـب لـه ظميـان
والثاني أظماني .. ولكنّـه بَعَـدْ مَعْـذور
لو أكْتِبْ الأشعار انت تْكون لـي الاوزان
ولو تنكسِرْ الاوزان يحلى بك وزن لِبْحور
من شاف حسنك ينكسر طرفه وهو حَيْران
يرتد من دونك طرف عينه وهو مكسـور
سبحان لى ميّزك عن كل البشر سبحـان
الرمش وارف والعيون الحور تلعَـبْ دور
والله انا شفتك ولا شبّهت بـك إنسـان
ظنّي أخذت الزين كلّه من بنات الحـور

[كاشخ و مفلس]

فـــــمـــــان الـــلــــه ..











فمان الله يادربٍ علـى الهجـر يتحرانـي
خذاه الوقت من جنبي ولا جاني ولا جيتـه
قصيدي ياقصيدي اسكن فـقلبي طرف ثاني
قبل يسكن بيوتي جنـه وتمسـي عفاريتـه
تعال اسأل نجوم الليل ياهاجر مـن ألهانـي
وأنا اعلمك بالوقت الطويل وكيف قضيته
بغيت أقوى على بعدك وراح الصبر ماأمداني
أهز الشوق وإن طاح الوله بالحضن ضميته
ربيعي ياخريفي ياشتـاي وصيفـي الهانـي
تراك أنت الفصول وهجرة الشاعر تشتيتـه
فضت كل الشوارع مالقيت اللـي تريانـي
مثل طفل طلع يلعب ورد ومالقـى بيتـه
تحدانـي .. تحدانـي ..حبيبـي لاتحدانـي
أنا لولاك لحن الهجـر والفرقـا ماغنيتـه
تمنيتك وقلت فـخاطـري ليتـه تمنانـي
وأنا ماكل واحـد شافتـه عينـي تمنيتـه
على كيفك تذكرني .. على كيفك تناساني
وأنا طاريك ولا يوم فـي قلبـي تناسيتـه
زرعتك وردة حمرا تزيـن كـل بستانـي
ودفنت القلب في تربة مشاعرنـا وخليتـه
أنا المجني عليه اللي يقـدر طعتـة الجانـي
لأن جرحه يذكرنـي بطاريـه لا حسيتـه

[كاشخ و مفلس]

قــدهــا وقــدود







صدق من قال يا محمد بأنك سيف ما تنصـد
مرواتّك علم خفاق وفيك المرجلـه والجـود

يا بن راشد وابو راشد بنيت امجاد لك تشهد
تجف أقلامي بمدحك,يحيـر العـد بالمعـدود

إذا منك بغيت الشي فلا عنـه مـرد وبـد
تطول اللي تقوله عز وانتـه قدهـا وقـدود

أشوف النجم ذاك بعيد,و أنت من النجم أبعد
ألا يا حظ أبو من هو تكون انته معه موجود

إذا اسمك يجي في الشعر يزيد البحر مده مـد
يزيد الشعر في الشاعر تجيه أبيات دون حدود

مروض جامحات الخيل,مهدي الموقف المشتـد
مفرج كربة المظلوم,وشوق الفاتنات الخـود

أحد مثلك أنا ما القى رجل مثلك أبد ما حد
على شعبه سطع نوره مثل بدر اليالي السـود

أنا لاجلك كتبت الشعر وفضلك سيدي ممتد
على طول المدى نبقى لشورك طايعين جنـود

[كاشخ و مفلس]

زايــــــــــد





يمين الله يمين الله عقـب مـا ضجّـت الوديـان
بامدّ غْصون عذري قبل تثمِر بالذنـوب غْصـون
أنا باستغفر الله وارجع اتعـوّذ مـن الشيطـان
قبل لا ابدا الكلام وقبل ترجـح بالكـلام وْزون
قبل أعزا العَرَبْ واعزف سنين اللي خبرها كـان
أقول اش حال نخوَتْنا وحال اللي رضـوا بالهـون
عـلام قْلوبنـا شَتَّـى وبيـن أفعالنـا شَتّـان
تخالَف فكرنا حتى ضحَك مـن حالنـا شـارون
تسنّمنا الخلاف بْداجْ ليـل وصبحنـا مـا بـان
عن ايّة صبح نتكلّم مـا دام أن الطريـق ظْنـون
سراب الظنّ يغري بس يا بعـده عـن الظميـان
!ومن يتبع سراب اللال ظنّه وش عساه يْكـون؟
ومن يتبع سراب الـلال ظنّـه يـورِدْ الغـدران
مِثِلْ من يطلب مْن الموج في عِز العواصف عـون
غريبه كيف حاضرنا غدا من حاضـره حيـران
وإذا منّا ذِكَرْنَا لي مضى صار الكـلام شْجـون
ذِكَرْنَا عِزّ ماضينـا وضـاق بْدمّنـا الشريـان
وضاق البحْر بِدْمانا وضاق بْنا وسيـع الكـون
جرى دَمّ العَرَبْ من مغرب (المغرب) الين (عْمَان)
من (المغرب) الين (عْمَان) ضاقت بالعتاب حْضون
غدا صنع الدهر فينا صنيـع السيـل بالعيـدان
بلَغ حَدّ الزبى وارّث بنا من كل صـوب طْعـون
تقلّب يا دهر ما بين زيـف القـول والكتمـان
كما الأفعى تقلّب بألف معنى وألْف لون ولـون
عِراق المجد ما تطوي مشارقهـا سمـا النسيـان
ولا والله ننساها ولـو بعْـض العَـرَبْ ينسـون
نحبّ أرض (العراق) ولاجل أهَلْهَا يرجح الميـزان
ويهتف باسمها ركْب الشعوب اللي غدوا يسعون
سعوا من شرْقها للغرب يرثون العَـرَبْ ركبـان
غريبه كيف حتى الغرب لاحوال العَرَبْ يرثـون
شعارات الوفا طاحت بيارقهـا علـى الشطـآن
على شط (الفرات) و(دِجله) انهارت كبار حْصون
على نارين نـار الحـرب والفتنـه لهـا نيـران
جرت بين القلوب ونوّخت في حاضـرة هـارون
تشتّت شمْل من كانوا على درْب الرخـا خِـلاّن
يجدّم بعضهـم قولـه وردّ البعـض منهـم دُون
ولا يقدَر يلـمّ الشمْـل غيـر القايـد الربّـان
حكيم الراي له نرضى وبه كل العَرَبْ يرضـون
قدَر يجمع شمِل هذا الوطن من سالـف الأزمـان
ولازالـت بـلاده بالمكـارم قدْرهـا مَصْيـون
بعزمـه وحّـد بْـلاده ورَدّ بْحزمـه الطمعـان
وثبّـت منهجـه بالحـقّ والدستـور والقانـون
تسامَت به قوافينـا ومالَـت بالقصيـد ألحـان
بذكر اسمه تسامَت وافصحَت عـن درّه المكنـون
سموّ الوالد القايـد نَعَـمْ زايـد ابـن سلطـان
نَعَمْ زايد نَعَمْ زايد بذكـر اسمـه تقـرّ عْيـون
نَعَمْ زايد نَعَمْ زايد اهـو اللـي شيّـد البنيـان
وعلاّ للسما صرحٍ تضمّـه راسخـات رْكـون
مواثيقه على العدْل اشهدت باسـم الله الرحمـن
وراياته على متْـن السحـاب وجانبـه مامـون
على مَدّ النظر مـدّة يمينـه مـا يـردّ إنسـان
ولا ضيفـه يـردّ إلاَّ وعنقـه بالثنـا مَدْيـون
وَلا قلت الجديد إن قلت جـوده وَرَّدْ العربـان
صفات الجود له تشهد وبه كـل المـلا يـدرون
مزونه ما تميّـز مـن كَرَمْهـا ظامـي ورويـان
وإذا هلّت تسوق بْطيبها مـا لا تسـوق مْـزون
وإذا للفخْر داعي نحن نفخر بـه رفيـع الشـان
وإذا للدار داعي كـل منّـا حاضـر وممنـون
يميـن الله يميـن الله متـى مـا ضمّنـا الميـدان
لَتلقى فعلنا مع قولنـا باسـم الوطـن مَقْـرون

[كاشخ و مفلس]

لـبـيـهـ





لبيـه قالولـك وأنـا أقـول لبيـه
كل من تنادي ياغـلا القلـب لبـاك
كل المسامع صوتك بشـوق تصغيـه
أحلى الكلام وروعتـه مـن شفايـاك
العهد بينـي وبينـك العهـد نوفيـه
هذي يمينـي وهاتلـي كـف يمنـاك
إن قلت أسوي بأمرك اليـوم أسويـه
وكل شئ بأمرك يستوي يـوم لقيـاك
من قد قلبي دام حبـك سكـن فيـه
تسوى وغيرك ما حد اليـوم يسـواك
غيرك يحاول وأتركه مول مـا أجيـه
وإن كان زودها معي قلت مـا أبـاك
يا حلو كـل الحلـو حلـوك يحليـه
ضيعت هذا بحسنك وضـاع هـذاك
أقولهـا لبيـه مـن القلـب لبـيـه
توصلك لين العاصمة وين سكناكلبيهـ

[كاشخ و مفلس]

لحن المفارق





بنـتٍ تمـر الضلـوع وبيتهـا بيتهـا
مـا غيرتهـا السنيـن وماتغيـرت أنـا
يـوم كشفـت عـن مفاتنهاوضميتهـا
قالت لي الحب وش هو قلت بيت الهنا ..!
ياليت مالـي خفـوقٍ ينبـض وليتهـا
إلا نعس رمشها ماعـاد تسـرف بنـا
يغـار قميصهـا مـن لمـس جاكيتهـا
لاهزت كتوفهـا كبـر ودلـع وإنثنـى
تصدم من الشـوق اذا مـال وتماديتهـا
ان اقبـل الله لنـا وإن ادبـر الله لنـا
اغلى المزايين واحلاهـم شهـر صيتهـا
في ديرة الخصر والارداف طفـرت بنـا
قالت يا زين المطر قـال المطـر جيتهـا
لين السحب حاصرتها من هنـاك و هنـا
قلت لسنا الشمس علمنـي لا مريتهـا
ابغي اشوف السنا لا مـن تعانـق سنـا
خلتنـي البارحـه وانـا مـا خليتهـا
غنيت لحـن المفـارق والهجـر والعنـا
للحيـن وانـا ظلوعـي بيتهـا بيتهـا
ماغيرتـه السنيـن وماتغيـرت انــا

[كاشخ و مفلس]

مدخل غرامي





القلب شال الحب والحـب شالـه
مدخل غرامي والأحاسيس حولـه
وضاع الفكر ما بين حاله وحالـه
واسهل حلوله صارت أصْعَبْ حلوله
الحِسِنْ لي يفـرض علينـا سؤالـه
كيف الربيع امتد لاربـع فصولـه
كيف ابتداه الحِسْن ثم انتهـى لـه
يا لين حتى الحسن منّـه خذوالـه
وانا اتخيّـل فـي خيالـي خيالـه
فرصة عمر تحت ابتسامـة طفولـه
غرٍ صفا حسنه وقلبـي صفـا لـه
سهل التمنّي بس صعـبٍ وصولـه
يحتار فيه اللـي يوصّـف دلالـه
ويهين به لي عن جماله حكـوا لـه
يخجل جماله مـن صفـاوة جمالـه
ويغيظ ربّـات العيـون الخجولـه
يمشي معاهـم بـس كنّـه لحالـه
معهم ولكن كن هم لي مشـوا لـه
والي تعـرّض فـي مرامـي نبالـه
والله ما يكسب ولا ربـع جولـه
عادل ولكن مـا برمشـه عدالـه
يظلـم مجبّينـه برمشـه وطولـه
أصلاً جنوني بس في حَـب خالـه
وشلون لا باوصف تفاصيل زولـه
إن قال صَدّي.. قلـت: لله قالـه
وان قال وصلي قلـت: بالله قولـه
هذا الذي قلبي من الشـوق شالـه
مدخل غرامي والأحاسيس حولـه

[كاشخ و مفلس]

ثلاث أيّام





ثلاث ايّام مرّن في حياتـي غيـر
ثلاث ايّام عشت الحـبّ واغليتـك
ثلاث ايّام واتهجّـى كـلام الطيـر
كلام أعْذَبْ من اعْذبْ من تفدّيتـك
رسالة حبّ شاهدْها غـلا وْتعميـر
على فْوادي تربَّعْ واسْكنْ فْـبيتـك
أقول إشْ قد انا عطشان وانت البير
دَلو فكري نَضَحْ من كلمتـي ليتـك
أقول ال(ما يصير) لْعينك انت يْصير
ولو حتى بْثرّيـا الكـون حطّيتـك
حبيبي والغلا صوره بـلا تصويـر
صوَرْها بكل رَمشة عين أنا ريتـك
حبيبي والعطـا يحتـاج للتقديـر
إذا صرّحت أنا اللي حّيـك وْمَيْتـك
ثلاث ايّام مرّن في حياتـي غيـر
ثلاث اّيام عشْت الحـب واغليتـك
ثلاث ايّام لكن ما ادري شِ التفسير
بس.. ادري من ثلاث ايّام حبّيتـك

[كاشخ و مفلس]

من هو «فزاع»؟






أنا عنواني اشعاري واسمـي فـي معانيهـاوأوّل بيت أنا قلتـه غـدا تاريـخ ميـلادي
إذا تنشِدْ عن أخبـاري مـن اوّلْهـا لتاليهـاأنا اشعاري هي اخباري على ما اْريد تنقادي
وانا أمّي إماراتي ولِدْت وعشـت أنـا فيهـاوابوي أمجاد عرباني وطاري ماضي اجدادي
واخواني أنا المليار مسلـم فـي أراضيهـاوانا القـرآن والسِنّـه غَـدَوا زادي وزوّادي
أعيش هْمومي وفَرْحي ولا لي نيّـه أخفيهـاوأكبر همّي المقدس وطفـلٍ جنبـه يْنـادي
يهزّ بْصَرْخته أرضٍ نوى الصهيون يمحيهـامن التاريخ، والعالم وقَفْ مكتـوف الايـادي
وانا ايّامي هـي اسْتـاذي تعلّمنـي لياليهـافلا خيـرٍ بإنسـانٍ يِفـادْ ولا بَعَـدْ فـادي
و(زايد) قِدْوِتي (زايد) و(زايد) من يزهّيهـابلاده شانها عالـي باسمـهْ دايـمْ تْشـادي
وروحي (محمّد المغوار) ابن راشد يغذّيهـامن أشعاره من أفكاره، بنيت بْمجدهْ امجادي
مرَبِنّي على الجودْ وعلى المعروف واحميهـابلادي حبّي الأول ولا لـي غيرهـا بـلادي

[كاشخ و مفلس]

افااااااا بس محد رد على موضوعي


لهالدرجة مواضيعي بااايخة


افاااااا بس


هممممممم


زعلت منكم



سلاااام #__*

[العيناوي الأول]

افاا عليك اخوووي كاشخ ولا تزعل يالغالي

يعطييك العافيه على الموضوع الحلوو

والقصايد الحلوه

وفزااع طول عمره معرووف ما يبيله شرح ..

وقصايده ماليه كل مكان

مشكوور عالموضوع

[كاشخ و مفلس]

واخيرا


تسلم يالغالي على المرور المنور والمعطر



لك من احلى سلااام