ضروري من كل العيال الدخول والمشاركه

[m0o0n 14]

احم احم اول موضوع لي
بسم الله نبدااااااا
لتس جو

لكل العيال ياريت تجاوبون جواب مقنع وتفكرون بعقليه شوي
انا طلبت من بابا اني ابي اسير مذيعه او مقدمه
بس انه رفض يقول من يبيك اذا صرتي مذيعه اومقدمه
فالسوال هو وش فيها اذا صارت البنت مذيعه او مقدمه مادامت متحجب ؟
وليش العيال مايرضون فيها ويقولون هذي وسخه؟
انا عارفه الموضوع ماله داعي بس ابي الجواب عشان اقنع بابا يوافق:( :mad:
ياااا رب يوافق


تحياتي

[راعي وناسه]

يسعدني اكون اول واحد يرد من العيال
يمكن البعض ماعنده الجرءه عشان يرد ولا ماعنده جواب مقنع

ولله بينبي وبينك
هذا بابا انسان متحجر لووول اول شي
ومايصير يحكم على كل المذيعات حكم واحد طبعا فيه منهم الزين وفيه منهم الردي

وبعدين اذا تبين ننظر اليها من نظره اجتماعيه او من نظره عامه
طبعا مجتمعنا اغلبهم مايرضون كذا ليش ما ادري كل واحد وله رأيه وطبعا احنا مجتمع قاسي شوي

بالعكس فيه مذيعات متحجبات وناجحات والاف الناس يبوون يتزوجونهم ..
وفيه خليجيات نفس الشي وبعضهم عندهم درجه علميه راقيه


وبس

[رهيبه]

هههههههههههاي

الله يرجك انا شخصيا ماعرف

بس اعتقد الاولاد مايحبون البنت المتفتحه

يحبو انهم هم يعلمون البنت كل شي

هذي وجه نظري

[m0o0n 14]

مرررررررررررررره مشكورين راعي وناسه ورهيبه
والله حتى انا اقول بابا انسان متحجر

يااارب اموت بس يوافق

تحياتي

[الهاوي]

أنا أوفق وجده نظر رهيبه وأنا من الناسإلي يشجعون إنو المرأه تشغل بس لا ينزع عنها الحجاب

[m0o0n 14]

مشكور اخوي الميسترو
ماقصرت

[m0o0n 14]

مشكور اخوي الميسترو
ماقصرت

[m0o0n 14]

افا يعني بس هذي المشاركات ماهقيتها والله
على العموم مشكورين اخواني الي ردو والي ماردو

[شمعه امل]

mooon حبيبتي انا دخلت واول ماشفت الموضوع انبسط لان طموحك كان نفس الطموح اللي عندي والبابا اللي عندك نفس البابا اللي عندي فشلت الفكرة من بالي ودفنت طموحي بنفسي بس انتي ثابري ولا يهمك احد واذا كان في نسبه 5% ان بابا يوافق حاولي ولا تيأسين واهم شي انك انتي تحسين بالرضاء عن نفسك وانك حققتي حلمك وبعدين زي ماقال اخوي راعي المذيعات مو كلهم نفس الشي وكل شي بالدنيا له ايجابيات وله سلبيات


واتمني مااكون طولت عليك
تحياتي شمعه امل

[m0o0n 14]

مشكووووووره اختي شمعه امل
يابعد قلبي والله شجعتوني مشكورين واسفه على الازعااااااااج


تحياتي

[رهيب]

بسم الله الرحمن الرحيم

مون14

باختصار شديد


طبيعة عمل الأعلام الاختلاط هذا اولا . . .

ثانينا . . المذيعة رح تظهر خلف الشاشات وملاين الناس بيشوفونها
ولا ننسى لازم الميك اب وو و و قيل والقال

وبصراحة ما في انسان غيوووور يرضى انه زوجته يشوفها كل احد

وتعكل باختلاط


تحياتي لك

[m0o0n 14]

مشكورررررر اخوي رهيب
ثانينا . . المذيعة رح تظهر خلف الشاشات وملاين الناس بيشوفونها
ولا ننسى لازم الميك اب وو و و قيل والقال

صح ان ملايين الناس بيشوفونها وحتى لما تطلع
السوق ولا اي مكان ملايين الناس
بيشوفونها يعني وش الفرق مادامت متحجبه

[راعي وناسه]

اووووه رهيب وش هالكلام خل البنت تسوي اللي تبي وش عليك انت


لا ماعليك رووحي بس

فيه ناس ترا عبايات على الراس وكل شي ومحد يدري عنهم وش يسون من تحت لتحت

وبعدين رهيبه بعض العيال يحبون البنت المتفتحه

لوول

وبس

[دينو]

هلاوغلا بأختي مووون


بالنسبه لموضوعك

بصراحه انا مع راي رهيب لأن العمل في مجال الاعلام لا بد فيه من الاختلاط وهذا بحد ذاته محظور شرعي وناهيك عن الاشياء الاخرى الي تصير خلف الكواليس


والبابا معاه حق لأنه لازم يخاف على مصلحة بنته

واتمنى لكِ التوفيق

يا راعي وناسه الله يهديـــــــــــــــك ويصلـــحـــك

تحيــاتي
ديــنــو

[رهيب]

مشكورررررر اخوي رهيب
ثانينا . . المذيعة رح تظهر خلف الشاشات وملاين الناس بيشوفونها
ولا ننسى لازم الميك اب وو و و قيل والقال

صح ان ملايين الناس بيشوفونها وحتى لما تطلع
السوق ولا اي مكان ملايين الناس
بيشوفونها يعني وش الفرق مادامت متحجبه



لما تطلع السوق

ما راح تكون حاطة مكياج تروح للسوق مو للزينة تبي تشتري اغراض


ايش يعني تحجب

الوجه نفسه مانبيه ينكشف

كيف مذيعة ومتغطية


السوق خيتو
بتكون متتغطية ومتنقبة


-----------

راعي وناسة

البنت تبي راينا احنا وليش نرفض الزواج من مذيعة

عشان كذا حبيت ابينلها

السؤال يطرح نفسه

انت ياراعي وناسة
تاخذ وحدة مذيعة في قناة
مو مشكلة متحجبةبس لبس بدون عباية وانت عارف حال المذيعات وحال الشباب معهم



اتمنى جوابك بصدق



الف شكر

[زبرقان الليل]

يـــــــــــــــــــــــــــــــــا هلا !
و
يـــــــــــــــــــــــــــــــــا مسهلا !
فــــي
"مووون"mooon"

قبل كل شئ كنت "ناوي" "اكتب" موضوعين في الطب و الأسرة؛ بطلب من المشرفين وكان في ذاكرتي معلومات كثيرة عن"هذين" الموضوعين.......إلخ....... ولم أجد متسعا من الوقت؛ بسبب انشغالي بترتيب مكتبتي الخاصة, و اختبارات الكلية المُزعجة وسيارتي التي سُرق منها....!!
ولما رأيت"mooon" تَعْتَب لعدم التفاعل..؟! بدأت بها وبغيرها أيضاً, و أخرت الكتابات لوقت آخر....!!
قال زبرقان الليل: عموماً<قد>تلاحظين أن الردود في هذا المنتدى<قد>تتأخر..!! فلا تتعجبي, أو تَعْتَبِي, أو تتضجري..!!

(((تحملي كلامي فأنت من طلب النقاش و إلا أنا "حمامة وديعة" في قسمي المفضل في هذا المنتدى قسم الأدب لا أحب أن أخرج منه!!))))


والآن(أبدأ)من كُرسيّ الجامعة المُزعِجة وبعد "انقشاع" دكتور كريه؛ أعود لموضوع "مووون""mooon"
و أبدأ بسؤال-حين قلتِ-"...جواب مقنع.." لا أدري ما هو الإقناع عندك؟ هل هو بذكر الأسباب
من وجهة نظر الشاب؟ أو بالتجارب الشخصية؟ أو بالفتاوى من العلماء, أو المحاذير
الشرعية, أو من ناحية المهنة بذاتها....!! وكل ما سبق سواء بالسلب أو الإيجاب؛ بمعني: هل
هذه الأمور تقنعك؛ بأن الأمر صحيح أو خطأ!؛ فتُقدمي أو تُحجمي...؟؟ أم الأمر محسوم عندك
ولو جاءتك حجج كالجبال لما رأيتها إلا كالخيال...؟
قال زبرقان الليل: عموماً سأكتب ما أعتقده باختصار شديد جداً؛ لأني أخشى من الذين لا يحبون
القراءة و البحث والنقاش......!! وأيضاً من الذين لا يفهمون أو يفهمون بالمقلوب...!!!

1-الجميع يتفق على الغيرة من الطرفين فلا المرأة ترضى لزوجها بيئة تحتم عليه التحدث مع
النساء أو الضحك أو الحديث الطويل معهن؛ والعكس كذلك فلا يرض الزوج لزوجته أن تكون
في وجه العامة من الرجال الذين يتحدثون معها, أو يراسلونها, أو يتحاورون...؛ وليس حوار
زوجته معهم من باب العمل الجاد كالطبيبة مثلاً أو دكتورة في الجامعة..! لا! بل كما نسمعه في
الإذاعات......إلخ..!!

2- الغيرة صفة محمودة من كلا الطرفين وهي دليل الحب والخوف على الآخر......؛ فلا الرجل
أو المرأة يُعاب عليهما الغيرة اللهم إلا أن تتجاوز حدها فتكون مذمومة..! وقد ذكر علماء
العلماء, وعلماء النفس, والسلوك : أن الغيرة دليل على وعي و حياة القلب و شدة
عنايته بمن يحبه....إلخ..!! فإن قال قائل: لا أرى في ذلك غيرة.....!؟
قلنا: و أنت لا تُرى فيك غيرة أيضاً..!؛ فــ(هو)أو(هي)حين لا يتقبل-أن تكون زوجته في هذا
الموقف-؛ فإنه لم يضرها ضرراً خطيراً؛ فإذا هي تركت مثل هذا أين الدمار الذي سيحل
عليها...؟؟ وستتضح الصورة أكثر فيما يلي..!!

3-أنا سبق أن دخلت مبنى التلفاز ثلاث مرات الأولى وأنا في السادسة الابتدائية؛ حين كان ترتيبي الثالث على الطلاب وفزت بجائزة الخطابة على مستوى الرياض و أطلعونا على طريقة العمل في الإذاعة و شاهدت-والحمدلله ذاكرتي جيدة- كيف أن المُخرج يتحدث مع إحداهن-و ليس من أسلوبي ذكر الأسماء وإلا أعرفها و أعرف شكلها جيداً....- و هو يمازحها يقول: "صوتك ما زَان إلا بسب شَفَايْفك الصغيرة......!!"
وأيضاً في المرة الثالثة حين كنت من الأوائل على مستوى المملكة-والحمد لله!!- وقد صوروني و اذكر قبل الذهاب رأيت-وأنا أتناقش مع أحد المسؤلين-المذيعة وهي تتحدث في الإذاعة في كرسي وأمامها المذيع الآخر على طاولة واحدة في غرفة زجاجية و المخرج من خلفهم.....!! وهذا رأيته بنفسي لم يخبرني أحد...!!
ومنذ فترة زارنا في مجلس والدي-حفظه الله- أحد المسؤلين الكبار جداً جداً عن إذاعة مشهورة...... وكان المجلس يضم كثيراً من المسؤلين الكبار, و أهل الرأي, و المشورة في بلدنا المحروسة من كل شر آمـــين!! و قد كان هناك عَتَبٌ من بعض المسؤلين على هذا المسؤلين لما في قناته و إذاعته من بعض الملاحظات و كان من جوابه أن قال: بعض الأمور الشرعية لا أستطيع أن أُفهمها من كان أجنبياً عن هذا البلد فلذلك لا يرى-هذا الأجنبي-أن بعض التجاوزات سواء في الداخل أو فيما يبث؛ مهمة.....!!
قال زبرقان الليل: وأنا أعرف هذا المسؤل جيداً و كنت أسأله عن بعض الأمور فكان يقول لي مازحاً: "لو أني لا أعرفك جيدا لقلت بأنك تَحُوم-مثل باقي الشباب-حول فلانة و كانت جديدة على الإذاعة...... ثم قال: تصدق شِيّاب أعرفهم؛ أزعجوني عليها......!!

4-في تصنيف المهن المرموقة أو التي تتطلب قدرات خاصة كالطب, و الفيزياء النووية...... لم أجد منها؛ المذيع..!
قال زبرقان الليل: فلو أن زوجتي في تخصص مرموق يحتاج الناس لمثلها لربما قبلت.....لكن المذيعة لا يضر الناس وجودها أو عدمه....!!

5-الدوام الذي<<فهمته>>بأن هناك تناوب فهل يستحق أن أتنازل عن بقائي معها و الأنس بها؛ لأجل أن تخرج للناس فهم يأنسون بها وأنا أَأَنس بالوسائد و الجدران؟؟؟!!!

6-صوتها أليس يتطلب رقّة, ودلعاً, و غَنجاً, وضحكاً, ومحاولة لتخفيف دمها!! أم أنها ستكون جادة, و على سجيتها ثم إن كانت سجيتها دَلَع, و خفة دم فهل أرضى أن يستمتع بها الناس وتكون حديثهم؟؟؟

7-كلنا سمع-في الإذاعة المشهورة-الإطراءات السيئة لتك المذيعة الجديدة-وقد قَطعوا الاتصال- وذلك حين بدأت؛ فمن يضمن لي كزوج ألا يحصل لزوجتي مثل ذلك؟!!

8-لولا الحياء لذكرت لكم بعض ما أسمعه من<بعض> الزملاء حين يتحدثون عن إحداهن؛ فهل تتوقعون أن يرضى رجل لزوجته!!

9- الناس حين يرون, أو يعرفون, أو يشاهدون؛ موقفاً لحدث, أو لفئة معينة؛ من الصعب جداً أن تغير مفهومهم... فتجد ما يتبادر لأذهانهم حال ورود هذا الموقف, أو تلك الفئة؛ تلك الصورة السيئة و إن كانت الصورة حسنة في الأصل و أضرب مثالاً: هنا في المنتدى هذه التعميمات الجائرة على الشباب و كأنّا شياطين تحوم في البلد..... تقول إحداهن:"لا يوجد شاب سعودي ليس له ماضي سيئ.....!!"[أو بهذا المعنى] أليس بسبب قلة أدب البعض من الشباب وكثرة مشاكلهم أعطت عنهم هذه الفكرة...؟؟ مسكين الشاب العاقل الناضج المستقيم أصبح داخلاً في نظرهم مع زمرة هؤلاء الشباب...!! أجبيوا أليس هذا ظلم للشاب العاقل؟ ولكن من يُفهم الناس..؟(( سأعود-أن شاء الله-لموضوع التعميمات الجائرة على خلق الله...!))
قال زبرقان الليل: ولذلك نرى النظرة سيئة عند البعض عن المذيعة وإن كانت أشرف من صاحب هذه النظرة....
قال زبرقان الليل: إذا كان الأمر كذلك فالإنسان يحفظ نفسه من أن يوصف أو يُنظر له هذه النظرة بسب أمرٍ؛ الموضوع لا يستحق كل هذه التضحية...!!

10-يجب أن ينتبه إلى أن القضية هنا لا دخل لها بالحجاب؛ هل هي متحجبة أم لا ! و لكن ما يكتنف هذا العمل من اختلاط مع المذيع, أو المخرج, ونحو ذلك....., ...,...ومعلوم أن الأختلاط لا يجوز....!! هذا إذا قلنا لا تخرج أما إذا كانت تخرج فهذا أمر آخر...!!

11- **عندي اقتراح لماذا لا تأخذين فتوى من أحد العلماء المعتبرين مثل اللجنة الدائمة, أو أحد أعضائها, أو المفتي, أو ابن جبرين؛ تجيز لك مثل هذا العمل((طبعاً لا بد تكوني صادقة وتبيني لهم طبيعة عملك كاملاً)) ثم تعرضيها على والدك, أو من يتقدم لخطبتك؛ ولا أتوقع أحد يعارض الدين إلا من لا خير فيه و بهذا تلقمي من يعارضك....!!

**لا أدري كيف تصفين أباك"بالمتحجّر"؛ لأجل أنه لم يوافق على رغباتك؟؟
قال زبرقان الليل: لا أدري بماذا سيصفني(بعضهم) أو حتى أنتِ يــا"مووون" إذا كان والدك تقولين له"متحجر"؟ ثم إذا كان متحجراً كما تقولين لماذا تسمعين له؟ بل لماذا تسأليننا إذا كنا سنقول لا نرضى...! هل نحن"متحجّرون"!! أم هناك وصف أشد ينطبق علينا...؟؟

قال زبرقان الليل: لعلي أقف هنا. و ما في عقلي أكثر وأ كثر لكن أكتفي بما ذكرت؛ وإذا تبي الزيادة زدنا.......!!

**أنـــــا أعرف أن "الحق مرّ"في بعض الأحيان.... خاصة إذا كان "الواحد" يحب هذا "الشي" وقد جربته كثير!! لكن خذيها من مجرب؛ فكري في الموضوع "ح تلقي" طاعة و رضى والدك, و قبله طلبك رضوان ربك أحسن وأكسب لك من هذه المهنة و "ح تشوفين"-خاصة إذا أخلصتي نيتك-مثل ماشقت أنا "من ترك لله شيئاً عوضه خيرا منه"

** لي عودة لك يـــا"راعي و ناسة" و "رهيبة"!!

((وقبل كل شي عازم الجميع بعد ما ننهي هذا النقاش إلى قسمي الرائع قسم الأدب......!!)))

**زبــــ الليل ــــرقـــــــان**

[مرهفة الاحساس]

مرحبا اختي مون

اولا عارفه الموضوع للعيال لكن معليش استحمليني على لقافتي لان الموضوع شدني وحبيت اشارك فيه...!!
ثانيا:
اختي مون انتي قبل كل شي بنت مسلمه والمفروض مايكون هذا تفكيرك ولا تجي في بالك مثل هالافكار التافهه مع احترامي لك ولاسباب عديده ..

وبصراحه زبرقان اليل ماقصر في رده الله يجزاه خير هو واللي قبله ...
وبعدين اتحدى فيه شاب عاقل يرضى بهذه ان تكون زوجه له الا اذا كان ديوث طبعا او بعقله خلل ..
واعتقد ياختي انك ماترضين تتزوجين واحد ديوث ولا مختل عقليا اذا ماكان عندك مانع بها شي راح نقنع ابوك انه يوافق تدخلين الاعلام !!!!!

اختي لا تجلعين اهتماماتك منصبه لشهواتك دون التفكير بالعواقب
فكري بااخرتك قبل دنياك
اتمنى لك الهدااااااااااااااااايه والصلاح
اتحدى اي واحد من هالموجودين لو كنتي اعلاميه انه يتزوجك ابصم لك بالعشره واولهم راعي وناسه والله مارح يتزوج وحده بالوظيفه هذي لاني اعرفه زين

الله يهديك اختي واتمنى انك تشيلين هالفكره من راسك لانها بتوديك بستين داهيه

لي عوده قريبا



مرهفة الاحساس

[راعي وناسه]

ههههههههههههههههههاي

قلبووو علي العالم

يارهيب لا تقلقنا انت والدينوا واختلاص وما اختلاص

طيب الدكتورات يشتغلون بختلاص واحيانا بغرف العمليات لحالهم مع الدكاتره وش قلنا بذي


مرهفه ترا عادي الواحد يتزوج مذيعه متحجبه
انا اعرف ام صديقي مذيعة برامج اطفال
هذيبك الجداويه السمرا اللي تجي العصر احيانا
اسمها ام هشام
نسيت اسمها
وزوجها رجل محافظ ولا احلى منه

وبس ترا طولتوها وهي قصيره

[m0o0n 14]

ههههههههههههههههههههههههههه
على العموم وافق بابا ما وافق مالي شغل بدخل يعني بدخل مو حرام ولاعيب

[شجـون&القلـب]

موووون عليك تفكير ترا كله احلام وبح ..
على الاقل دكتوره وتختلط احسن من مذيعه..
من جد انا ما اييدك ؟؟

[m0o0n 14]

مشكوره شجون &القلب بس كل واحد
له حلم ولازم يسويه مهما صار بعدين وش فيها عااادي

[طـو طـو]

هلا
احب اقول مستحيل
اخذ وحده اعلاميه تقولي ليه
انا شفت كلام زبرقان وكلامه يكفي
بس بقولك صح انه المذيعه تكون محترمه وقد تجد مذيعه افضل من غيرها
لاكن اي شاب مستحيل يخلي زوجته تظهر لكل الأشخاص
وعلى فكره الدكتوره تفرق كثير عن المذيعه والكل شاف الدكتوره والمذيعه وشاف وش الفرق
يكفي ان الدكتوره تكون متحجبه فيه دكتورات مايتحجبون بس اتحداك تشوف دكتور في كامل المكياج والزينه يعني الله خلق وفرق بين الدكتوره والمذيعه بالله عليكم فيه مذيعه تطلع بدون مكياج انا ماتوقع ويكفي ان الدكتوره تعالج او تخدم المرضى

[m0o0n 14]

مشكزر اخوووي طوطو
تحياتي

[راعي وناسه]

اقووول طوطو

ولله يافيه دكتورات ترا مررره " منحطات " بمعنى الكلمه
وطبعا فيه بعضهم لأ

والمذيعات فيه كذا وكذا

والكثير منهم مثقفات ومتعلمات

ونا اقوول

يلا يا مووووووووووووووون قو اهيد
صيري مذيعه واعلاميه شهيره

عشان نشوف برامجك بعدين كيف زينه ولا لأ

[زبرقان الليل]

مرااااااااااااااااااااااااااااحب بـــ(مووون !! )

(((على العموم وافق بابا ما وافق مالي شغل بدخل يعني بدخل.........)))

طيب! إذا "داخله داخله" "وش" فايدة" أنك تقولي: فكروا بعقل, و أبي كلام مقنع؟!"

****"شفت"مرهفة أحساس؛ وطوطو؛ "علقو" على كلامي....! وأنت....؟ و ين تعليقك, أو

مناقشتك؟ يعني كلامنا "مالوا" فايدة.....؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

*****((.......مو حرام أو عيب))

بس! بهذي السهولة.....!! وين؟ "مو" تقولي: أبي كلام مقنع ؛ وفكروا بعقل...

قال زبرقان الليل: طيب! أنا أقول: ((حرام, وعيب..!!)) إذا كان كــلٌ يَتكلم فقط بدون حجة, أو

برهان........؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


تقبلي تحيات:

**زبــــــ الليل ــــــرقــــان**

[باربي]

الله جبتيها ع الجرح للحين حلمي اني اطلع بالتلفزيون
خخخخخخخخخخخخخخخخخخخخخخخخخخخخخخخخخخخخ
بس انا ماسترجيت اقولها انسي الموضوع اصلا مافكرت اقول لاحد
كان العايله كلها تتبرا مني
ع العموم ياعمررري اذا هذا طموحك دافعي عنه لاخر لحظه
وترا مافي حياة من دون امل ولا امل من دون حياااه

[زبرقان الليل]

يــــــــــــــــاااااااااااااااااااااااااااااااااااااااااااعــــــــزيــــزي:;) (( راعــي ونــاســه !!))

فعلاً أحس أنك "ونيس" و ظريف, ولطيف !:D :D :D

بس!::o
بس!::o
"شوي شوي" علينا..!! طايح تهزئ, و سخرية....!! في الخلق...؟؟!!

وبعدين (والله) "ماشوف" أحد في المنتدى "قلب" عليك مثل ماتقول.....!! "عادي" "أشوفهم" يناقشون كلام عضوتنا"مووون"ممكن "يذكرونك" "بس" كلامهم موجه للموضوع فلا تحسب أوتتخيل "العالم قالبين" عليك"ترى" عادي..!! ما أشوفك إلا عادي......بل بالعكس "أحسك"ونيس..."!!:D
و:confused:
و:confused:
وليتك تجاوب على سؤال محيرني شوي..؟؟:confused: :rolleyes:

قلت في أول ردك على"موووون"((.....وطبعا احنا مجتمع قاسي شوي))

وطبعاً أنت من هذا المجتمع.؟ فهل أنت قاسي؛ إذا نعم!(((سأعود لك بسؤال..!!)))

وإذا بتقول:"أنا مو قاسي" فليش هذي العبارات القاسية؛ قلتها في هذا المنتدى وبصيغة التعميم

مثل:"هذا كلام فاضي.." في موضوع أظنه "لشجون"مختصر لمحاضرة" منى ابو

سليمان"....!! وهنا في هذا الموضوع قلت:"ابوك متحجر..!!" و قلت:"...لا تقلقنا انت

والدينوا....إلخ..." وقلت أيضاً:"....وش عليك انت......إلخ....!!"

أتمنى..!! ما تزعل, وما تتضايق.....!! و تجاوب بصدق...!! و عندي أيضا بعض الأستفسارت

فياليت تتحمل وتكون وسيع صدر...!!


يـــــــــــــــــــــــــــــــــــــــا "رهــيـــبــة....!"

**زبــــ الليل ـــرقان **

[مرهفة الاحساس]

مرحبا ...

مون

شي واحد محيرني
دامك راح تسوينه تسوينه وافق ابوك ولا ما وافق ليه اجل طلبتي راي العيال ومسويه زحمه وابي شي مقنع وماني عارفه ايش وكل واحد عطاك راي مقنع اكثر من الي قبله !!!!
معناتك انتي بس تبين تثيرن الجدل وبس
والله ماعندك ماعند جدتي
عالعموم ان لم تستح فاصنع ما شئت
دامك انتي ماقدرتي ابوك وهو ابوك !! ولا احترمتيه ولا حطيتي له اي اعتبار عندك
ان بغيتي تصيرين رقاصه هذا شي راجع لك
كلن ذنبه على جنبه ومحد راح يتحاسب عن احد سوينا اللي علينا وانتي براحتك
مااقول الا الله يصبر ابوك على البلوه اللي عنده :)
مع احترامي الشديد لك

وانتظرك قريبا على الشاشه لوووووووووووووول

مرهفة الاحساس

[راعي وناسه]

مشكوووور زبرقان وهلا وغلا فيك

اول شي انا قلت وجهة نظري وماعلي من احد وطبعا ادري انا شخص عادي ونت بالنسبه لي شخص عادي وكلنا اشخاص عاديين هنا وهذي وجهة نظر سواء اعجبتك أم لا هذا شي راجعلك
وبعدين ماطحت تهزيء وسخريه ودينو ورهيب اموون عليهم اقول اللي اقوول هذا " شي بينا احنا"
وبالاول وبالاخير كل واحد له وجهة رايه ياطويل العمر

سواء اعجبتك أم لأ
ولسنا مضطرين ان نتبع ارائك ونت تكون الصح وحنا الغلط

انا قلت خلوها تصير اللي تصير لانه شي راجعلها

وقلت انه في مذيعات محترمات وفيه غير وكلم اقريتوا معي بهالشي
عندك
منى ابو سليمان .. اللي جبت طاريها
متعلمه فاهمه له عده من النشاطات المحليه والدوليه ودكتوره تدرس بناتنا

وطبعا معروف هذا الكلام مجتمعنا قاسي كما يقولون هنا ومو انا اللي اقول كل الناس يقولون

وبذات نجد


وبنسبه لسؤالك قاسي ولا لأ

بالنسبه لي

على حسب الشي الواحد يصير قاسي ولا لأ

يعني فيه شغلات قاسي وشغلات لأ



ومشكوووور على ردك

0*0

[راعي وناسه]

واحب اضيف هذا الكلام اذا سمحت


كل واحد بطريقه اسلوبه وشخصيته يقدر يسوي حد للحديث
يعني اذا الواحد قوي شخصيه يقدر يحط حد للكلام للي قدامه يعني في اشياء مايقدر يتكلم عنها

ومثل ماقلت المخرج اللي قال للمذيعه شفايفك صغار

ثق وعتقد لو ان المذيعه هذي قوية شخصيه وفاهمه وحاطه حدود للحديث معها ماكان يتجرأ ويقولها كذا المخرج

ونقول مره ثانيه لاتحكم على الكل من شخص واحد

على قولتهم فكره شائعه

[aseer al9amt]

السلام عليكم

واخيرا قرر اسير الصمت ان يدلو بدلوه في هذا الموضوع ؟؟!!


اولا: مووون ما راح تاخذ بكلام احد أذا ابوها ما أخذت بكلامه راح تاخذ بكلام واحد من النت ؟!!
ثانيا: موون ابوك اللي رباك الى هذا العمر وحافظ عليك وحماك من كل شي؟ حتى من نسمة الهوا يوم كبرتي وتعلمتي توصفينه بالمتحجر؟ يعني لو مو متحجر من زمان؟ كان تطلعين مع البوي فرند وعادي عنده لازم يكون متفتح ومع الزمن نشوفك بالمراقص مع احترامي الشديد لك بس هذا جزاااااااء ابوك ؟؟؟ اللهم احفظ اباءنا واجعلهم ذخرا لنا حتى في كبرنا
ثالثا:قول موون (((على العموم وافق بابا ما وافق مالي شغل بدخل يعني بدخل.........))) شل تفكيري وردي ليس لها وانما ردي ل راعي وناسه لان الاخت مووون راح تدخل هذا المجال فلا ينفع الجدال معها مضيعة للوقت
رابعا: بكره في أحد المجالس يتكلمون عن زوجتي ابيقولون صوت زوجتك حلو ؟ ولا عيون زوجتك حلوة ؟؟ تتوقعون وش بيكون رددي ؟؟ هذا من طيبك ؟؟؟ ولا تسلم والله ؟؟ وين الغييييييييره ؟؟ ماتت الغيره ؟
خامسا: الدكتورة لا تقارن أبدا بالمذيعة والله فيها ظلم كبير للدكتورة لان الدكتوة غير مضطره للابتساه والضحك والقهقهة في مجال عملها مع الاجانب وانما يكون بقدر ما تاخذ معلومات بينما المذيعة ان لم تنعم صوتها وتضحك بدل وتدلع المستمعون والمشاهدين حتى بالحركات ولا لن تقبل في هذا المجال ان لم تفعل ذلك

هذا ما عندي من كلام حول هذا الموضوع

ولكم مني كل الود والتقدير
أسير الصمت

[راعي وناسه]

مشكووور بو الصمت

بس نقول مره ثانيه مذيعه عن مذيعه

نقول يمكن تطلع بأخبار ومارات تتميلح

قد شفت مذيعة اخبار تتميلح وتضحك

غالبا لأ

وبعدين هذا شي راجعلها عادي

وبس

[m0o0n 14]

شوف انا بابا على العين وعلى الراس
بس حتى بابا كان يطلع بالــتلفيزيون ويدق عود و و و
والعيال دايما يطلعون على اباهم
ولا يعني حرام علينا وحلال عليه بعدين انا يوم قلت وافق ولا ماوافق راح ادخل هالمجال
كنت ابي اشوف ردت فعلكم ولا نووي ابدي الاعلام على بابا

ومشكوره على ردودكم

[صيدلي]

اختي mooon انتي طلبتي المناقشه والردود ليه للقتناع او حصر الري وقرارك منتهي من قبل على قولك :
على العموم وافق بابا ما وافق مالي شغل بدخل يعني بدخل مو حرام ولاعيب
يسلم اخوي( زبرقان الليل) وفى وماقصر ومابعده رد او تكمله بس هناك ملاحظه ( الحجاب صحيح مختلف فيه وعلى قولك الموضوع مو قصه حجاب بالعكس اهم شي في الموضوع حجاب المره المتفق عليها وهو تغطيه الوجه رضي من رضي واباء من اباء مقدمه الاختلاط فك الحجاب ومن بعد ذلك تاتي المصايب اما الخطوه الثانيه وهي الاختلاط واقول لخوي راعي وناسه بعض المستشفيات اقول بعض يجب اختبار الممرضات وخاصه اذا كانت سعوديه او بعض الدكتورات السعوديات بالاحتكاك معهن ومعرفه رد فعلهن في من وافق العمل او عدمه والحمدلله هناك بعض المستشفيات يكون الكشف للنساء خاص دون اختلاط من غيرهم (المقارنه مع عمل المذيعات غير منطقي بمسله الاختلاط ) واتجاه التخصصات المتخرجات من الطبيبات خاص بالنساء .

واعجبني من ماقال اخونا زبرقان الليل) وتسلم على قولك والله لايحرمنا مشاركاتك الطيبه

9- الناس حين يرون, أو يعرفون, أو يشاهدون؛ موقفاً لحدث, أو لفئة معينة؛ من الصعب جداً أن تغير مفهومهم... فتجد ما يتبادر لأذهانهم حال ورود هذا الموقف, أو تلك الفئة؛ تلك الصورة السيئة و إن كانت الصورة حسنة في الأصل و أضرب مثالاً: هنا في المنتدى هذه التعميمات الجائرة على الشباب و كأنّا شياطين تحوم في البلد..... تقول إحداهن:"لا يوجد شاب سعودي ليس له ماضي سيئ.....!!"[أو بهذا المعنى] أليس بسبب قلة أدب البعض من الشباب وكثرة مشاكلهم أعطت عنهم هذه الفكرة...؟؟ مسكين الشاب العاقل الناضج المستقيم أصبح داخلاً في نظرهم مع زمرة هؤلاء الشباب...!! أجبيوا أليس هذا ظلم للشاب العاقل؟ ولكن من يُفهم الناس..؟(( سأعود-أن شاء الله-لموضوع التعميمات الجائرة على خلق الله...!))

[يستاهل البرد من ضيع دفاه]

سألوا عائشة زوجة الحبيب المصطفى صلى الله و عليه و سلم كيف للمرأة ان تعف نفسها؟؟؟
قالت: (ان لا ترى الرجال) بين قوسين للتركيز عليها
و لا تجعل الرجال يروها - - - > هذي مفهومة عاد ما يبيلها شرح
.............................................................
و اللي يبي يفهم يفهم و اللي ما يبي يجيه يوم و يفهم

مشكورين و صفة انسان متحجر صفة دخيلة و هذا شرع الله و الله يوفق ابوك لفعل الخير

[m0o0n 14]

مشكورين على مروركم ماقصرتوا

[زبرقان الليل]

يــــــــــــــــــا عزيزي"راعي وناسة"....!!

أشكرك ثم أشكرك ثم أشكرك....!!:) :)

لي عودة معك بس ذكرتني بشئ..!!:confused:

قال زبرقان الليل: ذكرتني بدكتور في أول سنة دراسية لنا في جامعة الملك سعود يقول: أنتم يا القسم العلمي لا تسألوني اسئلة تجعلني"أتنرفز" ولكن أسالوا إذا كان مزاجي رااااائق..!!و كنت أكثف عليه الأسئلة و كان في بعض المرات يتبسم و في الكثير "يصارخ"..!!!:D :D


لي عودة....!! يبدو أن صداقتنا ستتأصل....؟؟؟؟؟;) ;) ;)


**زبــ الليل ـــرقان**

[راعي وناسه]

الله يخليك ويطولك عمرك

اهلا وسهلن فيك بأي وقت وانشالل تتأصل صداقتنا

بعدين
منهو زبرقان الليل
اسمك او اسم شخصيه
لاني اشوفك تقول وقال زبرقان الليل

ماعلينا
خدمات شي انا جاهز

[طـو طـو]

هلا وغلا فيكم عدنا........
صررررررررررررراحه انا اعرف اكثر من شخص يدرس في مجال الأعلام في الـجامعه المهم
قال احدهم من القسم الأعلامي انه لايمانع من الزواج من الأعلاميه
يعني كل واحد له راي ووجة نظر
اسير الصمت
بيقولون صوت زوجتك حلو ؟
تعرف خويي وش يقول الحين تخيل اني مع شباب في استراحه والحين فيه برنامج لزوجتي فله
انتظر برنامج زوجتي وراح افتخر فيها ويقول زوجتي صوتها حلو عندكم شي قولو
بالله عليك وش رايك يعني فيه ناس عادي عندها
لاكن مسألت هل يجوز او لا هذا الكلام مايحتاج دليل لأن الأ مر واضح
مووون انا اقولك انتي حره في نفسك
لاكن اهم شي الواحد يكون محترم في اي مجال راح يعمل فيه
والله يوفقك في اي مجال راح تدخلي فيه
والله الله عاد لاتنسي الأعضاء إذا صرتي اعلاميه كل يوم استضيفي عضو ههههههههههههه
ومثل ماقال راعي وناسه حتى الدكتورات
ولله يافيه دكتورات ترا مررره " منحطات " بمعنى الكلمه
وطبعا فيه بعضهم لأ
لاكن انا بقول مستحيل نقارن بين الدكتوره والأعلاميه
زبرقان كلامك صح ولا فيه اي غلط لاكن
كل انسان له وجهة نظر وكل شخص يقول انه الحق معه لاكن الصح مع مين وانا اقول اي شخص يحب يعمل في اي مجال الله يوفقك
وتحياتي لكم

[m0o0n 14]

مشكورررررين على مروركم واسفه على الازعاج

[ميلاد]

دامك طلبت الراي تدفعني غيرتي اسطرلك رايي
..مذيعه !!!! يوووه فيه من ينظرلك بخباثه والي ينظر بمقارنة مع فلانة
والي بستهزاء والي يتغزل والي ماعجبتيه والي يألف عليك قصة
والي يصدق والي يكذب والي يتخيلك والي يحلم فيك
والي حاطك خلفية جواله والي ينكت والي يسب والي والي والي.......الخ
الوجه النظر والعيون الحلوة حرام ترخصينها لكل عين ،كل من هب ودب شافها ومتع عينه وابدى رأيه فيك او في وجهك او حتى حجابك
وكل هذا لأجل ورقة تقرينها امام الكمرا (حررنا القدس) ارحمي الي بيتزوجك وقدري غيرته
اذا فعلا تبين تسكنين قلبه، يدخل مجلس الا حاطينك في التلفزيون>>>>اححم احمم غيروا السالفة زوجها جاء.
غير ان البنت اذا اعتادت الاختلاط تفقد لو جزء من حيائها،اقولك سر:البنت احب للرجل كل ماكانت اكثر حياء.
اما من يأيدك من البنات لو قلنا لهم اظهروا صوركم في المنتدى بس قالو: هه خييييييير ،
حيائهم وتربيتهم وعرفهم واحترامهم لذاتهم يمنعهم ورضوا لك انك تظهرين للناس كلها هه عجب،واما (العيال>>على قولتك)
اذا هو مايظهر وما يتجرأ يحط صورة اخته ؛لان غيرته ومرؤته تمنعه فكيف يرضى لها تظهر على الملأ ،هه عجب.
هذي وجه نظري بكل تحرر الا من عقيدتي ومبدئي وهويتي، واذا تشوفونها تحجر اتغير من(ميلاد) الى(قفل)

[قحطان]

السلام قبل الكلام

قال المثل : (( جنت على نفسها برااقش ))

الحمد الله الذي انعم هذا الدين بالستر والامان

وبعد ,,..,, :

اولا اشكركي اختي موون على فتح بااب النقااش

في موضوع الاذاعه للمرأة ..

فانا ضد هذا الراي لانه اول شي مكاان المرأة البيت

وابصم بالعشره انه اللي يقول عن الموضوع انه عاادي

واني اتزوج المذيعه <<< هذا مع احتراامي الشديد اقوول انه كـــــ كذاب ـــذاب

لانه مايرضى ان زوجته تكون على كل لساان <<< واذا كان يرضى عاد ما نقوول

الا الله لا يبتلينا ....,,,....

واذا انتي مصره بانكي تدخلين الاذاعه بموافقه ابيكي او رفضه

فانكي بهذا تكوني عاصيه <<< ويصلح لكي مثل : (( فان لم تستحي فاعمل ما شئت ))

ويالله اذاعه راديو بعدين مقدمه برامج بعدين ممثله بعدين مغنيه بعدين مغنيه مرااقص

و ..... الخ

اللههم عافنا ولا تبتلينا

والله يهديكي ويصلحكي وينور لكي الطريق الصحيح

ويخلي لنا ابائنا الذين ربونا على الدين ويطول باعمارهم ..,,..

[زبرقان الليل]

يـــــــــــــــــــا صديقي الجديد موديل2006 هاهاها" راعي وناسة...!!"


"أشوا"؟ فهمت من بعض "الألفاظ" في ردك علي في أول الأمر أنك لا تتقبل مثل هذا, مع الكره الشديد لي....!! لكن لما رأيت ردك الأخير وترحيبك؛ بدأت ألغي شكوكي....!! ولعل تأخير ردي يكون سبباً لأن تخف عندك حدة الكره لي-إن كانت موجودة!-

أوضح...! شي...! أول من يحب أنه ينتقد؛ أنا! بمعني: أفرح بأي شخص يناقش كلامي, ويرد علي<<بس! بحجج وليس كلام فقط..! لا حجج فيه!!>>((و انظر أول موضوع لي؛ قصة؛ الجورية والمحقق))وسبب ذلك أني <>متيقن<>أن الإنسان لا يتطور إلا بنُصح, ونقد الناس له؛ لأن الأصل في الإنسان النقص؛ خاصة صغير مثلي لم ينضج...!! و ليس مثل من يظن أن<<عقله, وعلمه قد اكتمل ×فلا يحتاج لزيادة× بل إذا أخبره أحد عن عيبٍ, أو خطأ فيه حَقد عليه, و كرهه و استحقره>>مع أنه ربما لا يعرف ما معنى الحجج والأدلة و مع ذلك يتبجح....!! "الله يبعدني" عنها أنا وياك!

والآن-يــاصديقي الجديد!-أناقش "ع خفيف"!! بعض ما ذكرته....!!
1-((انا شخص عادي ونت بالنسبه لي شخص عادي وكلنا اشخاص عاديين....))
لو تركز فيما ذكرت؛ لرأيت أني أقصد بأنك عادي بنقاش الأعضاء لك- يعني:لا أحد تضايق منك أو رفضك..!! لا أقصد"ما أشوفك"إلا عادي في كل شي؛ لو كان هذا قصدي كان ما قلت بأنك "ونيس"و...و...و....إلخ.....
2-((اقول اللي اقوول هذا " شي بينا احنا"
وبالاول وبالاخير كل واحد له وجهة رايه ياطويل العمر)) طيب! لم تجب على: "ابوك متحجر" و "كلام فاضي"...؟......
3-((...ولسنا مضطرين ان نتبع ارائك......)) وين الجملة اللي قلت فيها اتبعو رأيي أرينيها...؟

4- ((ونت تكون الصح وحنا الغلط..)) كما سبق في رقم(3)...؟؟ وأيضاً تعرف-ياصديقي..!!- أن الصح والغلط؛ يعرفان من الحجج؛ فمن عنده حجة أو دليل فهو الصح...؟ وأنا ذكرت حجج كثيرة وقلت عندي أكثر ومع ذالك ما قلت: أنا الصح تركت الحكم للأعضاء وشف رأيهم واحكم...! ثم لو تقرأ لمن يقول: لا مانع....! لا تجد عنده حجج؛ فقط "لامانع..." أو "روحي..."!! وأما من قال: لا..! فتجد أنهم سردوا أدلة كثيرة و متنوعة مثل: رهيب, دينو, اسير, يستاهل من ضيع.., مرهفة أحساس, وغيرهم.... لا أذكرهم...!

5-((انا قلت خلوها تصير اللي تصير لانه شي راجعلها...)) وأنا قلت أيضاً:"حتى تتأكد من الأمر, وتسكت كلام الناس؛ تأخذ فتوى من أحد المشائخ المعتبرين.....إلخ...."!!!

6- ((مذيعات محترمات وفيه غير وكلم اقريتوا)) هذا كلامك.... ثم قلت:((لاتحكم على الكل من شخص واحد)) أنت قلت "أني مقر" إن فيه نوعين من المذيعات...!! ثم قلت: لا تحكم على الكل...؟ وشلووووون؟ هل ألحين أنا من اللي يقولون نوعين او أعمم....؟ وضحلي أنت تعتقد أني من أي الأمرين.....؟
ومع هذا أنا ما عممت......!! وأنت تعرف أن التعميم لا يصح حتى تثبته في الأغلب, ثم يكون تعميمك صحيحا... و"ما سويتها" حتى لا أطيل في الموضوع...!!

7-((منى ابو سليمان .. اللي جبت طاريها......إلخ....))نقاشنا في المذيعات..؟
وليست من تخرج في التلفاز...؟ ومع هذا لو تسمع لكلام"سامي الجابر"ـــ تراي نصراوي متعصب!! مو هلالي خخخخ ـــ لرأيت أنه أقدر منها و أكثر ثقافة, وتعينهما كان مع بعض...!! فليس كل منصب يدل على قدرة الشخص, فضلا أن هناك منهنّ أقدر منها؛ ولكن أنت تعرف آلية الاختيار باعتراف مسؤلي الأمم....!! ومع ذلك أقدر أن أسمي لك من المذيعات وليس من تخرج في التلفاز من قضاياهن السيئة معروفة..!! ثم أجعلهن نموذجاً كما جعلت"منى" نموذجا...!!!!

8- ((لو ان المذيعه هذي قوية شخصيه ...)) طيب هل كل الناس شخصياتهم قوية...؟ وهل نقول لكل وحدة إذا شخصيتك قوية ادخلي وذا لا..! لا تدخلين, و إذا كان كذا فلم نرك تقول كذا إلا فيما بعد.....؟؟

9-((ونقول مره ثانيه لاتحكم على الكل من شخص واحد....))
على هذا المبدأ الذي تقوله: لا يصح أن نستشهد بــ: أم صديقك؛ ولا "بمنى ابو سليمان"-مع أني قلت لك هي في التلفاز وليس في الأذاعة-لأنهما حالة و احدة لا تجعلها عامة.

*أيضاً آمــــل إذا رددت أن تركّز فيما كتبت و تسأل عما لا يتضح لك حتى لا تحمل كلامي ما لا يحتمل.... و ها أنا الآن أسألك عن جملة لم تتضح لي وهي قولك:"((على قولتهم فكره شائعه")) هل تقصد ما ذكرته أنا في رقم9...؟ أم تتحدث عن قاعدة عامة عند الناس....؟ الذي يبدو أنها تتعلق بالجملة السابقة وهي ألا نحكم على الكل لأجل واحد..... وقد أجبت عنها...!!

**كما سبق هذي إجابات بسيطة على ما ذكرت؛ اختصرتها؛ لأني لا أدري هل تتقبل أم لا... حتى أطيل أو أكثر من الأجوبة!

**آمــــل أن يكون كلامنا مبنياً على الحجج والبراهين لا مجرد كلام,,,,,

**لا تنس يـــا صديقي الجديد...!! نحن صديقان جديدان؛ نبحث عن الفائدة؛ لا أن ينتصر أحدنا على الآخر أو يقول: أنا من انتصر.... لا..! والآن ما رأيك أن نتعاهد أنا وأنت بأن يكون هدفنا من النقاش أن يستفيد كل منا؛ وأن من اتضح له الصواب أو الحق عند الآخر فإنه يعترف له..! وأنا أعترف لك من الآن أني متى رأيت الصواب عندك أو الحق فأنا معك....!! يعني أنت الكابتن؛ يعني: أنت الحارثي قائد نادي النصر,وأنا سعد الحارثي مهاجم النصر الجديد!! وإن كانك هلالي فالله يعيني باتحمل وأكون الثنيان, أو نواف, وأنت سامي...!!!خخخخخخخخخ!!!!!هاهاهاها وش رايك بفريق منتخب عسير...؟؟ هاهاها خخخخ هي هي هي هي...!!!

تقبّــــــل تـــقدير, و احترام؛

صـــــديــــقـــك الـجــديـــد موديل1427حتى1520هـ الموافق 2006 حـــتى 2099م هههههه..؟؟

**زبـــ الليل ــرـقــــان**

[راعي وناسه]

مافيه وقت ارد لان باقي اسبوع ونخلص دراسه وكله اختبارات نهائيه

بعدين

مين قال اني اكرهك

وعادي مابيني وبينك شي يا زبرقان
شخص مثلك مثل اي واحد بالمنتدى
وبالعكس اعتبرك واحد من اعلم الاعضاء من ناحية الردود والانتقادات وارائك
وانشالله صداقتنا تتأصل زي ماتقول :)
واسعدني ردك

وطبعا انا قلت وجهة رأيي ومايهمني احد

يعني هذا مجرد رأي وسواء انا سويته او لأ


لي عودة قريبا بعد الاختبارات

[راعي وناسه]

رد اخير

الله يرجك يازبرقان

مطلعني من الشقه للمسبح بالليل عشان اخلي الوايرليس يشبك لان ماعندي نت انقطع والمشكله بررد درجة الحراره تحت الصفر بس شنسووي

ماعلينا


اول شي زي ماقلت هدفنا النقاش والفائده والاقتناع


ونا للحين مقتنع برأي و وجهة نظري انها تصير مذيعه

لان هذا له منافع على البلد


واخر شي احب اقوول

ان الفتاة الخليجيه والسعوديه خاصه من حقها ان تبرز في كافه المجالات خصوصا انها تكون مبدعه في اي مجال تخوضة وهذا مقرون بشروط بكل تأكيد فهي تحافظ على نفسها وتعلم انها مقرونة بعائلة تحمل اسمها وعليها الحفاظ على سمعتها بالتالي تترفع عن كل شيء يشوه اسم عائلتها اولا و اسمها ثانيا
..
وخوضها للاعلام يزيد من وعيها بمشكلات مجتمعها هكذا ستسهم في تطورة وشرط هذا كله هو التزامها بحجابها وحفاظها عليه اولا واخرا .

وانا ما ابيك تربط موضوع بموضوع اخر وهو الحجاب وانها ستظهر فاتشه بكامل زينتها هذا يعتمد على نفس الفتاة وكما قلت فالاعلى ان تكون محافظة على دينها واخلاقها

وابرز مثال هنا (( الدكتورة منى ابو سليمان )) وهي سفيرة للنوايا الحسنة الان ودكتورة في جامعه الملك سعود اضافه الى اعلامية بارزة في قناة الام بي سي لها مني كل التقدير والسلام ..




والسلااااااااااااااااام ختااااااااااااااااااااااام

[m0o0n 14]

مشكوررررررررررررررررين على الردود
بعدين ليه الهواااش كلها على بعضها وجهات نظر


تحياتي سارونه

[الأرسنال14]

وش ها الخرابيط ح
احسلك لا تدخلين
زي ما يقولون
اهم
وشكرا...

[زبرقان الليل]

*عزيزتنا العضوة الغالية////مووون14//// !!
إذا تقصديني أنا و صديقي"راعي وناسة" فأنا لو "أشوف"أن"اللي" بيننا"هوشه" كان "انسحبت" وحذفت كل كلامي بس هو نقاش و فائدة و برضا وطلب "راعي وناسة"......!!!

*ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ*
معنى قولي:"قال زبرقان الليل" أي: أني أنا نفسي القائل فبدلا من أن أقول: أنا رأي في الموضوع... أقول: قال زبرقان الليل؛ لأن معنى الكلام: رأي الكاتب كذا و الكاتب هو صاحب اللقب"النك".....إلخ......!!
لعل قصدي اتضح!!
*ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ*

أهلا و سهلا بصديقي الجديد....!!

لا...! ما أرض أضرك لا من ناحية البرد و لا من ناحية دراستك و هي من أهم الأشياء و لأجل دراستك أخرت الرد !!

طبعا لا توجد كلافة بيني و بينك سآخذ راحتي في النقاش.....!!

وقبل أن ندخل في صلب الموضوع سأسالك سؤالاً...؟
ما رأيك لو أنك سألت "زبرقان الليل" وقلت له مثلاً: أيهما أكبر مساحة في الأرض اليابسة أم المياه؟
ثم أجبتك-يعني أنا "زيرقان الليل"- وقلت: اليابسة في بلدنا السعودية أكبر مساحة من المياه...!! أليست إجابتي تعتبر تجاهلاً؛ أو لنقل تركٌ لسؤالك المحدد وهو: عن جميع الأرض و ليس السعودية...!! إذا اتضح قصدي.......؛ فأنا ياعزيزي! أجبت عن كلامك في النقاش السابق و كل نقطة رددت عليها؛ فلماذا تجاهلت ذلك و نقلت النقاش لأمر آخر؟
عموماً إذا كنت كما قلت في آخر رد: (("وطبعا انا قلت وجهة رأيي ومايهمني احد يعني هذا مجرد رأي وسواء انا سويته او لأ")) فمعنى هذا الكلام أن ما تراه من رأي في مسألة خروج الفتاة في الإذاعة لا يعدو مجرد رأي لا أكثر, و أيضاً خالي من الحجج و البراهين.....! والنتيجة: أنه لا فائدة من النقاش لأنك-إذا كان قصدك الرأي فقط-فالحجج و البراهين لا وزن لها عندك!!
ثم أيضاً الحق والصواب مع من يرى أنها لا تخرج!
لماذا قلنا الصواب معهم...؟ لأنهم يذكرون الحجج و البراهين على كلامهم و يجيبون على آراء المخالف لهم...!!
فآمل توضيح موقفك إن كان"رأياً" مجرداً فلا فائدة من النقاش؛ لأنك لن تقيم و زناً للعقل, و لا للبراهين!! و تستمر على رأي لا حجة معه!((وأظنك تتفق أن الإنسان عموما والمسلم خصوصا متميز بالعقل الذي له القدرة على ذكر الحجج والبراهين- و يبدو أنك في أمريكا و لعلك تابعت تقرير"بيكر" عن وضع الشرق الأوسط و كيف أنه ألزم المخالفين ببراهينه؛ فضلا أن ضغط الديمقرطيين المبني على البراهين جعل النظرة عند الرأي العام تتغير....إلخ...)) فالزبدة من كلامي: أن الإنسان بحججه و براهينه و رده المعقول على المخالف ليتضح له الصواب لا مجرد رأي...!!
والآن سأجيب عما ذكرت-يا صديقي العزيز!- في ردك الأخير:

((ان الفتاة الخليجيه والسعوديه خاصه من حقها ان تبرز في كافه المجالات خصوصا....))
هل أنا قلت ليس من حقها أو من حقها...؟ بل أنا أول من يشجع و يحث على العلم للرجل و للمرأة....! فهذا مما نتفق عليه و هو خارج موضوع نقاشنا هذا أولاً وثانياً: أقريت بنفسك في الجملة التالية حين قلت:"بأن تحافظ على دينها"!! فهل أنا أو غيري حين ذكرنا كلامنا نهيناها عن شئ ليس من الشرع...؟؟ وثالثاً: هل نحن في حاجة للبروز في كافة المجالات أو بحاجة للتطور التقني و المعرفي فإذا نجحنا ننتقل لمجالات أخرى...و رابعاً: لماذا خصصت الخليجية....؟ وباقي نساء المسلمين...؟ ثم هل سألتهن-بنات الخليج....-حتى تعرف مشاكلهن.....؟
(((بعائلة تحمل اسمها وعليها الحفاظ على سمعتها.....))
الآن تقر باحترام عائلتها فما رأيك إذا كان الأب رافضاً...؟ وفق كلامك لا بد أن تلتزم برأي أهلها...!! مع أنك اتهمت الأب-كما سبق بالمتحجر!!- ثانياً: ما هو الضابط الذي تحافظ فيه على سمعتها..؟ إن قلت: المجتمع فكما رأيت الكثير هنا يرفض و إن قلت: شرع الله فقد ذكر لك الأعضاء شرع ربك و أنا ذكرت أن تاخذ فتوى... وإن قلت: بل هي تقيم نفسها فهل هي عالمة في الشرع تعرف الحلال من الحرام....!!

((...وخوضها للاعلام يزيد من وعيها.......))
قال زبرقان الليل: هل الوعي يحصل بالكلام و الخروج في التلفاز أم بالقراءة و العلم و الشهادات...؟
ثانيا: أنت في غالب كلامك تُدندن على"منى.."وتقول استاذة جامعية؛ فأنت تقر بأن الجامعيةهي الواعية و ليس الأعلامية التي لا تتعدى اعداد موضوع معين مكرر لو قابلت ذكي عالم لأسكتها لأتها لا تملك ثقافة القراءة
ثالثا:أريد الدليل أن خوض الأعلام يزيد من وعي الفتاة...؟
رابعا:عند التنين الشرقي أو المارد الصيني: دولة الصين: هل أصبحت من الدول العظمى لأن فتياتها يخرجن في التلفاز...؟ و اليابان هل وصلت لما وصلت إليه لأن امبروطرهم ألزم الفتيات بالخروج في الأعلام بل لو تتبع عادات هذين الشعبين لرأيت بأن المرأة عندهم يغلب عليها الحشمة-واقرأ ان شئت-وقد قرأت الكثير وأصبت بالدهشة-كيف بَنَت اليابان هذه القوة لا تجد فيها خروج المراة في الأعلام......إلخ....

((...وانا ما ابيك تربط موضوع بموضوع اخر وهو الحجاب وانها ......))
أولا:من قال أني اربط.......؟ ارجع لكلامي الأول و انظر!
ثانيا:على فرض أني ربطت-مع أني لم أربط-فمن أين لك أن هذا الربط لا يصلح....؟
ثالثا: أين الدليل على أن الربط غلط وضح هذا الدليل....!!
رابعاً:ذكر بعض الأعضاء أن هذا لا يجوز فما رايك....؟ هل أنت عالم في الشرع....؟


((...وابرز مثال هنا (( الدكتورة منى ابو سليمان )) وهي ......))
قال زبرقان الليل: احترت من كثرت ترديد اسم هذه المرأة وكأني أمام "غاندي" أو حتى عبقرية من عباقرة العصر ثم إني بدأت أشك وأقول:"الله يستر لا تكون من أمهات المؤمنين اللاتي يجب الإقتداء بهن"؟؟
ثانياً: ليست بذاك التميز الذي يجعلها قدوة و ما مشاركتها في "كلام نواعم"في الأم بي سي إلا دليل على أنها ليست بتلك الشخصية فقد رأيت أن الأخريات أقدر منها في إدارت دفت النقاش بل حتى الخروج من المواقف المحرجة...!!
ثالثا: على((فرض أني وافقتك)) على أنها نموذج؛ فهي حجة عليك و ليست لك! لأنها أولاً استاذة جامعية و دكتورة أخذت قسطا من العلم ثم اتجهت للأعلام؛ فهلاّ قلت: الفتاة تدخل الأعلام بعد أن تأخذ قسطا من العلم...!!؛ قال زبرقان الليل: واستشهادك بها منقوض بماذكرت آنفاً!!
رابعاً: ماذا قدمت لنا من وعي و أين اثرها في المجتمع بل أبرز برنامج كان كلام نواعم و لم تكن الأبرز ولا المقدمة الأولى فيه....!!
قال زبرقان الليل: وإن طلبت مزيدا من الردود والحجج فسؤافيك بما تشاء....!!

أفترض في النهاية أن لا تهتز صدقتنا؛ و لا المودة التي بدأت بيننا...!!
قال زبرقان الليل: ولو أنك تتابع ما أكتب في الأقسام لرأيت أن بيني و بين الكثير من الأعضاء نقاشات وبعضهم يتجاوب.....!! مثل: "بدر البدور"؛ "أسير الصمت"((وقد أصبحت أنا وأسير أصدقاء))؛ "طوطو"؛ "جريحة المشاعر"؛"مرهفة الأحساس"؛ والقائمة طويلة.....!!
قال زبرقان الليل: ولو أن الرياح تجري بما أشتهي لما تركت عضوا إلا و شددة أوآصر الصداقة بيننا...!!

تـــــــــــــــــقــــــــــــــــــــبـــــــــــــــــــــل
مــــ
عـــ
ز
ة
و
ا
حـــ
تــــ
ر
ا
مــ

**زبـــ الليل ـــــرقــــــان**

[ريح العود]

كفووووووووووووووووووووووووووو والله المذيعه ايه نبي مذيعات سعوديات مهب ذا اللبنانيات يا شيخه خ نشوف الجمال السعودي شووووي مهب ذا اللي لاعبات بعقولنا نبي سعوده في كل الامور حتى في التلفزيون ...

واذا عن الزواج الحين انتي جاهلينك السعوديين ما تشوفينهم يتجهون الى الاجنبيات يمال اللي ليه تتوقعين كذا لانهم شافو بالتلفزيون وانهبلوو عشان كذا ومن قالك ما نبي المذيعات اووف تخيلي تجيك حقت الاف ام ولا رنا القاسم يا شيخه من بيقول لا اشوى ان الشباب يناقزون عند بيتها واهم شي بتصيرلك شهره وااااااااسعه وترفعين اسم بلدك

وغير كذا مون الوحدة تصير مذيعه تصير صايعه مثل بنت عجرم ولا وهبي وطقتها يا زينها زيناه بحجابها وعفتها وكلامها والكل اكيد بيعجب فيها لو انها شيفه يكفي انها سعوديه بس

طيب قولي لابوك لو بصير دكتورة نفس الشي ...يعني كاني مذيعه الكل بيشوفني بس شوفي بعض الدكتورات مشالله متحجبات وفلاتها مع المرضى يا شيخه انتي لو شفتي سعوديه تعالجك كل شي يطيب مهب سوريه ولا لبنانيه

وووشكرا<<لايقولون علماني ولا شي ترا حبوب بس حتسي ولا ما ورا شي

[ريح العود]

كفووووووووووووووووووووووووووو والله المذيعه ايه نبي مذيعات سعوديات مهب ذا اللبنانيات يا شيخه خ نشوف الجمال السعودي شووووي مهب ذا اللي لاعبات بعقولنا نبي سعوده في كل الامور حتى في التلفزيون ...

واذا عن الزواج الحين انتي جاهلينك السعوديين ما تشوفينهم يتجهون الى الاجنبيات يمال اللي ليه تتوقعين كذا لانهم شافو بالتلفزيون وانهبلوو عشان كذا ومن قالك ما نبي المذيعات اووف تخيلي تجيك حقت الاف ام ولا رنا القاسم يا شيخه من بيقول لا اشوى ان الشباب يناقزون عند بيتها واهم شي بتصيرلك شهره وااااااااسعه وترفعين اسم بلدك

وغير كذا مون الوحدة تصير مذيعه تصير صايعه مثل بنت عجرم ولا وهبي وطقتها يا زينها زيناه بحجابها وعفتها وكلامها والكل اكيد بيعجب فيها لو انها شيفه يكفي انها سعوديه بس

طيب قولي لابوك لو بصير دكتورة نفس الشي ...يعني كاني مذيعه الكل بيشوفني بس شوفي بعض الدكتورات مشالله متحجبات وفلاتها مع المرضى يا شيخه انتي لو شفتي سعوديه تعالجك كل شي يطيب مهب سوريه ولا لبنانيه

وووشكرا<<لايقولون علماني ولا شي ترا حبوب بس حتسي ولا ما ورا شي

[مرهفة الاحساس]

صبحكم الله بالخير جميعا

رجعت لكم مره ثانيه
بصراحه احلى ما فيه الموضوع نقاش زبرقان الليل مع راعي وناسه
والله انكم رهيبيييييييييين
من جد ادخل الموضوع علشان اقرأ ردودكم <<<<<<<<< ملقوفه
________

بس بصراحه كلام اخوي زبرقان الليل منطقي ومقنع مرررررره
اعتقد يامون انه كلامه وحججه كافيه للاقناع

الله يهديك يا اختي
ويهديك ياريح العود

واشكرك جزيل الشكر يازبرقان الليل على هذه الردود

[منطول في ذاك]

قبل أن تفكري في العمل لاتنسي أن طاعة الوالدين واجبة
ورضاء الوالدين من رضا الله
أتمنى أن تسمعي كلام والديك
الله يحفظهم ويبقيهم لك

[الـمـهـاجـر]

والله انا مدري وش السالفه اشوفكم تتطاقون من الصبح بس انا مع ولد عمي راعي وناسه
خخخخخ <<<دخله غبيـه وبوقت غبي
هههههههههههه
والله انا مدري وش تتكلمون عنه لأنو قدامي 3 صفحات اقراءها ومالي خلق<<<صريح
فلذلك الي فهمت شي واحد وهو مدري وشو...بس الي ابي اقوله اول شي الدين ..والحفاظ عليـه
والسلام عليكم ...
اترككم مع باقي النقاش
تحياتي..
ملقووووووووووووووووووف بوقت غلط.

[ريح العود]

مرهفه

ويهاديك

وجهااات
نضر
فقط

[m0o0n 14]

ههههههههههههههههههههههه
والله ردودكم فله مررررررررره شكرا يلله برفع كمومي واتشهد عشان اروح اكلم بابا
لا ترى امزح اعتقد انه بدا يوافق يعني تقريبا موافق 90%

تحياتي موون