!! مسؤوليـــة الفستان الأبيـــض !!

[ღ بدر البـღـدور ღ]

ليش تبين تتزوجين ؟؟
أبيي واحد يطلعني ويدلعني ومايقول لي لا
أبي أسافر وأبي أعيش حياتي ...
للأ سف هذي هي نظرة بنات اليوم للزواج فستان ابيض ولازم ايكون اكشخ
من فستان فلانه وأبي الناس كلها تتكلم في عرسي ..
لين هنيه وبس
ومايبون شي ثاني وللأسف الشديد ان احنا انلاقي الامهات
مأيدين لهالشي احنا في مشكله الا وهي ان الأم المنشأه لجيل الغد ماعادت
واعيه لمسؤلياتها ولا عارفه شنو يعني زواج وشنو المعنى الحقيقي
للمسؤوليه
و اسباب الدلع اللي عايشينه البنات والبطره اللي طغى علينا

" وسيم ... كلامه حلو ... وعنده فلوس ... ليش ما أوافق؟!"
وذلك كان هدفها من الزواج ... أن تملئ ناظريها بوسامته
وتنعم بدفئ كلامه المعسول
وتتمتع بأمواله وتشتري كل ما تشتهيها نفسها...



ماابي احط اسئله ولا اقيود للموضوع ابيه ايكون مفتوح والنقاش من
الجنسين علشان اتعم الفايده وانتبادل وجهات النظر بأسلوب عصري
دون تهجم واتهامات

بس سؤال للجنسين
ليش تبون تتزوجون ؟؟ وشنو الشروط اللي تتمنونها في شريك العمر ؟؟

ناطره ردرودكم وارائكم ,,,

[العيناوي الأول]

ماشاء الله عليج اختي بدر البدور ..

ما خليتي شي ..

وانا اؤيد كلامج كله ..

وكلامج ماعليه قصووور ..

دمتي لنا يا بدرناا ..

يعطيج العافيه .. اختي ..

[ღ بدر البـღـدور ღ]

هلا بالعيناوي

اولا انا يوم شفت رد لك بالموضوع استانست وايد

بس وين رايك حبيت اشوفه رايك باللي قاعد يصير هالايام

وثاني شيء ما قلن لنا مواصفات شريكة حياتك ...

ع العموم منورنا دووم ان شاء الله

[ღ بدر البـღـدور ღ]

وهذا راي :-

حقا كثير منا اخذ على عاتقة ان الزواج نهايه المشاكل ونهايه التعب وانه خلاص هنا تبدا السعاده الأبديه

ونسيان كثير من المسؤوليات التي ستقع على عاتقهم

من ناحية الزوجه (ربة الاجيال اليوم )ليست أهلا لتأهيل جيل صالح ..وهذا رأيناه يخرج الجيل جاهل جدا ..بأمور حياته وسر وجوده ..صرنا مسلمين بالإسم للأسف فالبيت اول حلقة يكون فيها الطفل ..يخرج لا يصلي وهذا اليوم صار منتشر للأسف نادر ما تجد من يعرف شيء في دينه ..فالغالبيه لا يعلم لما يصلي :( فقط عاده وليس عباده الحجاب والعباءة صارت موضه حتى الام صارت ترتديها ..والله اسف على حال الامهات اليوم صرت اراهم في المرافق العامه بعباءة ملونه وكانها طفله ...ماذا بقي للرضيعه التي تحملها لا شك انها لن ترتديها مادام الوالده اليوم ترتدي هذه العباءه وهذا ما اراه للاسف : (


في حين ولي الامر مرتاح للشيء ظنا منهم انه السعاده في عباءه وفيه طلعات ودخلات

البنت في السوق تجد الرجل وزوجته وتشوفهم مستانسين

ما تعرف انه هالام تسهر على راحة هالزوج تحملت مسؤوليه بيته ولوازمه ووووووو كله عليها وهو قد يؤدي حقها وقد تكون كالاثاث في البيت : ( للاسف ..

ربنا يعينا على هالزمن

متى ما غاب الدين غابت الاخلاق وغابت التقوى

ضاعت الاسره


ربي ييسر على الجميع ان شاء الله

و الريال اللي بيكون شريك حياتي

لاازم يكون ملتزم.. يحترم بيته و اهله.. قنوع.. حنون.. طيب.. متفتح.. و عنده فرصة للتفاهم.. يعني مش عصبي ^.^

هذا فارس الأحلام.. ^.^

وربي ييسر عليكم ولكل الي يبون يتزوجون

[العيناوي الأول]

والله الصراحه انا كلامي مثل كلامج اختي دام الواحد ما عنده وازع ديني ما راح يكون عنده لا تقوى ولا رحمه ..

وانا من ناحيتي شريكة حياتي اتمناها تكون متدينه وذات اخلاق عاليه وتسمع كلااااااامي لاني الصراحه انساااااااان عصبي جدا جدا واي احد ما يسمع كلامي الله يعينه بس ..

ومشكووره مره ثانيه والصراحه موضوع مفيد جدا ..

تحياتي اختي ..

[Dr. GHALLOo]

ليش تبين تتزوجين ؟؟
أبيي واحد يطلعني ويدلعني ومايقول لي لا
أبي أسافر وأبي أعيش حياتي ...

:eek: :eek:
ايه صحيح .. بعض البنات كذا .. يبون الزواج حق .. الطلعات والدلع والسفرات ..
مع انه مو شرط تلقى هذه الاشياء بعد الزواج .. مو كل زوج بيجلس يطلع دايم مع زوجته ويسفرها ..

ولان بعض البنات يمكن يكونون محرومات من هالاشياء في بيت اهلهم ..

جد والله اعرف بنات .. عندهم اخوان ..الله لايوريكم .. متشددين بقوه:mad: .. يعني الطلعه ممنوعه .. واذا حصل واطلعوا مع اخوانهم ايام المناسبات مثل الاعياد وغيره ..
يبون يتعشون .. يتحلمووون يدخلون المطعم ويتعشون ..لأ ممنووووووع .. مافي بنات يدخلون مطاعم ..
عشان كذا يبون الزواج .. يعتبرونه مثل مفتاح للحريه ..

ليش تبون تتزوجون ؟؟ وشنو الشروط اللي تتمنونها في شريك العمر ؟؟

بالنسبه لي ...
حالياً ..ابد ماافكر بالزواج ..
وبعدين انا لاقيه كل شي ببيت هلي:o .. طلعات ودلع وسفرات :o .. عشان كذا شايله الفكره من بالي (حاليا)...:p
الزواج شي لابد منه .. يعني لازم .. سنة الحياه .. بس انشالله بعدين .. بعد 5 - 6 سنين .<< اذا شيبت .:p :eek:

بالنسبه للشروط ..شروط شريك العمر .. اخلاااااااقه زينه:rolleyes: و طيب:rolleyes: وراعي فرفشه:D و يكون حلو ..موشرط ملك جمال .. بس يعني وسيــم ومثقف :)

وشكـــرا .. وعذرا على الاطاله ..:p

مع التحيه لك اختي بدووووره..:)

[رهيبه]

اول شي بدورة حبيت اشكرك على هذا الطرح الرائع:D

ثاني شي الزواج سنه الحياه ولكل بنت تتمنى

فيوم من الايام انها تلقى شريك حياتها الي راح تكمل عمرها معاه

فعلى الام اذا كانت بنتها مقبله على زواج او اي شي انها تنبه بنتها على حاجات كثيرة

وتفهمها ايش معنى زواج وتفهمها انه هذا الي بتاخذه احتمال يطلع زين واحتمال يطلع شين (اقصد من حيث التعامل وبعد المعاشرة ) لان اغلب البنات فترة الخطوبه يتوقعو شي ثاني وكلام ثاني والزوج فترة الخطوبه اغلب الوقت راح يتعامل معك بطيبه ومن هالكلام انا ماقصد بكلامي نه ينافق بس يحاول انه يكسب رضاها فترة الخطوبه وبعد الزواج يعلمها ايش يحب وايش يكره وهذا الشي وظيفه الام انها تنبها

وثالث شي والاهم انها تفهمها انو البنت مالها الا بيت زوجها قوليلي ليش؟:rolleyes:

علشان اول شي ابوك وامك ماراح يدومولك بعد طوله العمر وثاني شي

اذا حصل وتزوجت واحد وسافرت هي وياه بعيد عن بيت اهلها يعني ببلد ثانيه

علشان كذا لازم البنت تعرف كيف تتعامل مع زووجها وتكسبه لصفها وتعاملو بكل حب وطاعه وادب لانه هو وين ماراح مصيرة يرجعلك بس اذا رجع الاحسن انك تحاولي تهديه مو انك تلوميه وتعاتبيه

<<<<<كثرتي علينا انتي ووجهك ههههههههههه:p

هذا كل الي عندي وانشالله قدرت استفيد بشي


بس سؤال للجنسين
ليش تبون تتزوجون ؟؟ وشنو الشروط اللي تتمنونها في شريك العمر ؟؟


ابي اتزوج علشان اكون اسرة مستقله واتحمل مسؤليه واعيش حياتي بشكل ثاني


شروطي بشريك عمري

1- اتمنى انه يحبني من قلبه ومايتخلى عني مهما حصل
2- يكون رمنسي
3-يكون طيب ومايعصب <<<<اذا عصب بتصيح:(
4- يكون مزيون وهذا اذا كان موجود اوك بس اذا ماجا مادورة .... مابي يكون احلى مني علشان بكرة مايدور غيري ههههه <<<<نذله:D
5- ابيه يوقف جمبي بكل المواقف
6- مابيه يخبي علي شي

<<<<<تعدد حشى مي شروط هذي ليسته خخخخخخخخخ

يسلموووووووو بدورة على هذا الموضوع فعلا رائع ويناقش من عده طرق

انشالله اكون افدتكم بشي

تحياتي لكم
رهيبه

[راعي وناسه]

من جد

طبعا الرجل يبي يتزوج عشان العيال وعشان مايروح للحرام

ونا اللي يكرهني ببناتنا هاليومين

هالامهار الغاليه على شي مايسوا
وتبي مهر مية الف

وين عايشين

الحين اقل مهر 50 الف

ليش البنات بالدول الثانيه مايطلبون مهر غالي مثل عندنا


يعني يبيلك شقه وتاثيت ب 50 او 100 الف
ويبيلك مهر 50 او 100 الف
ويبيلك عرس ومشتريات بكم الف
ويبيلك شبكه وملكه والقلق ذا حول 50 الف

يعني احيانا العرس يكلف 500 الف

بل

ارووح اكوون حياتي ب 500 الف واكون مستقبلي احسن

ولاحقين على الزواج بعديييين


او اذا مافيه فلووس

رح برا وتزوج وتعال

وهم شي تزوجت

اللي يضيك صدري المهر والعرس

وتجي البنت تقولك فلانه مهرها كذا وعرسها بالقصر الفلاني

ويلا ابلش انت لازم تدللها اول شي

لووول

لاتفهموني غلط يا بنات المنتدى

بس هذا اللي صاير

مثل محنا شايفين فيه شباب ماقدروا يتزوجون للحين
يعني راتبه 5 او 6 او اقل
وين له كل هالمصاريف
وكل بنت تبي كل هذي المصاريف وللي يقول عايشه في قصر
هذا ابووه تلقاه صاك عليها
كنه بيبيعها

مشكوور

[m0o0n 14]

هههههههههههههههههههههههههههههههه
يسلمو على هالموضوع

[حنونه]

بسم الله الرحمن الرحيم

مشكوره اختي بدر البدور على هالموضوع

صحيح البنات هالايام مطافيق مو الكل البعض

بس يمكن عامل التربيه له دور اختي بدور

هذا الي اقدر اقوله باختصار

اشكرك مره ثانيه
اختك حنونه

[ღ بدر البـღـدور ღ]

تسلمون جميعا واحترم راي كل من كتب وابدى برايه

بس لازم كل بنت تفهم شو فايده تاخذين واحد دافع مهرج 500 الف بالدين

تراج انتي بتتعذبين العرس بيخلص والفستان ما راح ينلبس والسفره بتنتهي والدين

ما راح ينتهي لحد 6 سنين بالكثير

ترضين بشقى ريلج 6 سنين يضيع للبنوك عشان وناسه يمكن تكون بالكثير اسبوعين

وين عايشين الريال يتعب ونحنا نضيعها على الخرابيط والاشياء اللي مالها لازمه

[نيموو]

مشكوووووووووووورين على الموضوع الشيق
والله المسهل .......ههههههههههه
تقبلوا مروري :
نيموو

[طلال]

طرح جميل ولكن من حق البنت تتطلع وتتدلع علي زوجها ولكن في حدود .ليش تبين تتزوجين ؟؟
أبيي واحد يطلعني ويدلعني ومايقول لي لا
أبي أسافر وأبي أعيش حياتي . من حقها البنت تتزوج علشان تحس بالحب والحنان وتكون مع زوجها مبسوطه ومرتاحه ومن حقها تحلم وتسافر وتعيش . شروط شريك العمر اظفر بذات الدين . والاخلاق والجمال واهم شي متدنيه تربي الابناء تربيه صالحه وهي سكن وموده ورحمه ومشروعه الزواج نعمه من نعم الله حتي يستطيع الانسان ان يبتعد عن الحرام وهو حصن للجنسين

[مضيع شماغه]

والله صرااحــه
صح بناات هل يوومين دلووععاااة

<<< بس علة يحب الدلااليع

مدري وش فيه <<<
المهم يعني لاازم المهر يكوون 50 الف ريال هاذا بعد كوويــس

اسمحوولي انا زواج اختي عن قريب وخطيبهاا ما قلنااله جب لا نبي كذا ولا نبي كذا
الي يجيبه كوويس مو عشااناا فقراا ولا شي نعرف ان هاذا الشااب مسكين
والبنت مسكينه يااحض من فرح الثنين ببعضهم
بــس مااحب البنت الي شروطهاا كثيره
اصلاان تدروون وش متعت الزوااج وهاذا علىى احسااسي
مدري يمكن يختلف رئيي عن ئيكم

احس متعته
تمشي مع زوجتك تســير انت وياهاا رفيقاان للئبد ايدك ابيدهاا داايمن
يكوون بيتكم وااحد مااتختلفوون برئيكم

كل وااحد يسهل علىى الثااني تحبهاا وتمووت فيهاا وهي تحبك وتمووت فيك
احواالك الماديه كذاا تمشي
مو تجيك وحده تتشرط ما تلاحق علىى طلباتهاا


بعدين رهيبه والله انك كرهتيني بزوااج ترىى الزواج رومنسيه ونا اخووك معني مااعرف شي اسمه رومنسيه بس
خليهاا على الله

بصرااحه انا الموصفاات الي ابيهاا بقوول الي احسهاا لن الي ابيهاا مدري كيف تجي يعني ابغااهااحوريه مااعرف كيف بس تكوون كيف<< فسروهاا لا تنسون



1- ابغاااهااا بنت حماايل
2- دلووعه
3-تحبني وتغاار
4- مااتكوون حسااسه مره
5- يكوون اسمهااا حلو
امـــآآ موصفااتي انا
1- ماانيي رومنسي ابد ابد ابد ومااحب الرومنسيه ابد آكشن الولد<<<
بعدين اصلااان الولد الي يقوول انا رومنسي واحب الرومنسيه كذااب

<< معن خوااته ينااظرون افلاام هنديه بس يضحك عليهم
خخخخخخخخخخخخخخخخخخخخخخخخخخخخخخخخخخخ

بعدين في بعض النـــااس ماايحب يــذكر أخته ومدري كــيف اسمحوولي هاذا عقده نفسيه
اختك = زيك
ماافي فرق بينك وبينهااا