قــزرت ليلي

[ღ بدر البـღـدور ღ]

قــزرت ليلي


http://www.ksa-7be.com/up/upl/709515c86f.jpg


للشاعره : فتاه العرب عوشه السويدي



قزرت ليلي في هواجيس ... يوم الخوالي ذهل أنعوس

كني ربيط في المحابيس ... عليه ترقب جند وحروس

بي وجد حب العامري قيس ... باشواق ليلى هوب مدسوس

ظبي من الخود المكانيس ... لي له أبطور الزين ناموس

حط أبحشايه عرش بلقيس ... وله امعلوقي كرسي إجلوس

يسنيك عن نور الفوانيس ... براق خدٍ كنه أشموس

لو ماتزين بالملابيس ... عليه نور الحسن ملبوس

حشيم عن تبع المدانيس ... لي مايبيع الطبع بفلوس

ياعود موزٍ في مغاريس ... أنعم من الديباج ملموس

لك في حشى قلبي رواسيس ... كنك على الفؤاد معكوس

سلام ياحلو التجنيس ... لي مالكم في العالم اجنوس

أنا عقبكم حالتي اليس ... حال الذي لي دووم محبوس

[رهيب]

روووووووووعة ما شاء الله عليك

تسلم يمينك

بس وش يعني .. قزرت .؟

[ღ بدر البـღـدور ღ]

مممممممم قزرت يعني امضيت بالفصحى

مثل امضيت الليل وانا ...........ز

صايره ابله

بس بالعاميه مدري شو يعني

ومرورك الاروع

[كاشخ و مفلس]

وايد حلووووووووووو شئ ما يوصف

نتظر الجديد

[ღ بدر البـღـدور ღ]

تسلم وانت منورنا

وان شاء الجديد كله لكم

[صقر فــــღــزاع]

ما شاء الله وااااايد حلو
تسلمين الغاليه وعساج ع القوة دوم

[طـو طـو]

يامبدعه
يجننننننن التصميم
انتظر المزيد
يحب يشاهد التصاميم الحلو
تحياتي لك

[جريحة المشاعر]

تصاميم رائعه من بدر منور في سمانا
ننتظر جديدك

جريحة المشاعر

[حبر العيون]

روعة ومشكورة تسلمين على قصيدة

[العذبـــة]

حلوو ه البطاقة بس لو صغرتي الخط شووي

القصيدة حلووه مره

تسلمي بدووره

[رهيبه]

يسلمو بدورة يعطيك الف عافيه

روعه تسلم يمينك

تقبلي مروري
رهيبه

[العيناوي الأول]

روعهـ روعهـ بدون اي مجاااملهـ وربي ...

ماشاء اللهـ عليج .. دومج مبدعهـ ..

يعطيج العافيه ويعلج دوم عالقوهــ ..

وااناا عجبني عالبيت

حشيم عن تبع المدانيس ... لي مايبيع الطبع بفلوس

سلامي واللهـ

سلامي على ميحد يوم يغنيها ..

تقبلي مروري وردي المتواضع ..

تحيتي لج ..