احــــــــــنــــــــا ســـــــــــعــــــــــوديـــــــــــيـــــــــن

[$هـــلا نــــجــــد$]

حنا السعوديين أكثر شعب في العالم يمتلك بترول . وحنا اللي تبرعنا لأغلب دول العالم . وحنا اللي إكتفينا من القمح وصدرناه للعالم . وحنا اللي أخذنا كأس أسيا ثلاث مرات . ووصلنا لكاس العالم ثلاث مرات . وحنا اللي هزمنا العراق في حرب الخليج .

حنا السعوديين أول من طلع الفضاء من العرب . وحنا أكثر شعب في المنطقة وحنا أكثر شعب عنده ستالايت . وحنا اللي نمتلك قناة mbc وقناة art ... وحنا أكثر من يتصل على القنوات الفضائية

حنا السعوديين مافي أطيب وأكرم مننا . حنا اللي نرمي نصف أكلنا في الزبالة من زود الكرم . وحنا من تفوق على غيرنا في كبر الكروش والكسل .

حنا من أكثر شعوب العالم إستهلاكا للدخان والشيشة . وحنا اللي عندنا مدينة جدة رابع أكبر مدينة تلوث في العالم . وحنا اللي قضينا على الحياة البرية في السعودية من كثرالصيد والقنص. ثم رحنا على مصر والسودان نقضي على الباقي .

. وحنا أكثر ناس في العالم ننفق على السياحة .

حنا أكثر شعب في العالم عنده عمالة أجنبية . وأكثر الأشياء اللي نستخدمها من صنع غيرنا . ومانرضى نشتغل في المطاعم والمطابخ والمخابز والمغاسل . لأننا نشوفها أقل من مستوانا .

حنا اللي نحافظ على تقاليدنا حتى لو كانت غلط . وحنا اللي مانشوف أحسن من قبايلنا . ونشوف الأجانب أقل مننا . إلا من رحم ربي .

حنا اللي نشوف البنت مخلوق ناقص ومالها رأي . ماهي مسؤولة عن نفسها ، لكن مسؤولة عن أفعالها . ماتأكل في العزايم إلا من بقايا أكلنا . محجوزة عندنا في البيت مثل الغنم . ماتطلع إلا لزيارة الجارة أول للعمل . حتى زاد عليها الهم والغم . وحتى صارت في الوزن مثل الجمل . وبعد هذا نمنعها من ممارسة الرياضة لأن الرياضة بس للولد ..!!

. وحنا اللي نمنع الحرمة في المدينة من السواقه لأنها فتنة . حتى لو كانت قبيحة وغير مغرية . ونتركها تركب السيارة لوحدها مع السواق الأجنبي . رغم إن بنات البدو يسوقون السيارة في الصحراء من زمن . من دون خوف ولا وجل . ومن دون إعتراض الأهل .

حنا أول من إبتكر مطاردة البنات في الشوارع بالسيارات. وإذا شفنا بنت راكبة السيارة مع سواقها تجمعنا بسياراتنا حولها مثل الغنم . نبغا منها كلمة حتى لو تتفل في وجيهنا أو ترمينا بحجر.
حنا اللي عندنا أغلى المهور في العالم . ومانشوف ولا نعرف العروس إلا بعد الزفاف (شختك بختك) . وبسبب هذا ثلث الزيجات عندنا تنتهي بالطلاق ..!! .

رغم الحقيقة والألم ..

[$هـــلا نــــجــــد$]

ما اتوق مافي رد

[رهيب]

يعطيك العافية اختي ع موضوعك

مع اني أخالفك في كل الل تقولين
حنا أكثر شعب في العالم عنده عمالة أجنبية . . . غير صحيح . . نسبة الأجانب ما تتعدى ثلث السكان مدري من وين مصدرك . . !
حنا اللي عندنا أغلى المهور في العالم . ومانشوف ولا نعرف العروس إلا بعد الزفاف (شختك بختك) . وبسبب هذا ثلث الزيجات عندنا تنتهي بالطلاق ..!! . خطأ في خطأ في النظرة الشرعية والعروس تطلع مع زوجها بعد الملكة قبل الزفاف . . يعني مدري من وين جبتي هالمعلومة وبالنسبة للمهور مو أغى مهور العالم حسب المنطقة . .

حنا السعوديين أول من طلع الفضاء من العرب . وحنا أكثر شعب في المنطقة وحنا أكثر شعب عنده ستالايت . وحنا اللي نمتلك قناة mbc وقناة art ... وحنا أكثر من يتصل على القنوات الفضائية

الشعب السعودي يعبتر اقل الشعوب امتلاك الاستايلات والدليل انه في بيوت كثير من قرى وهجر ما تملك هالشي بينما الدول الثانية الكل يملك هالشي . . .

حنا اللي نشوف البنت مخلوق ناقص ومالها رأي . ماهي مسؤولة عن نفسها ، لكن مسؤولة عن أفعالها . ماتأكل في العزايم إلا من بقايا أكلنا . محجوزة عندنا في البيت مثل الغنم . ماتطلع إلا لزيارة الجارة أول للعمل . حتى زاد عليها الهم والغم . وحتى صارت في الوزن مثل الجمل . وبعد هذا نمنعها من ممارسة الرياضة لأن الرياضة بس للولد ..!!
مدري من وين جبتي هالخذاريف اكيد البنت مسؤولة عن نفسها . . . البنت جزء لا يتجزأ من المجتمع . . . لا محجوزة ولا شي مدري يمكن هالشي عندك انت !! وان كان عن الرياضة بس للولد كان ما وجد مراكز نسائية رياضية . . .!!

. وحنا اللي نمنع الحرمة في المدينة من السواقه لأنها فتنة . حتى لو كانت قبيحة وغير مغرية . ونتركها تركب السيارة لوحدها مع السواق الأجنبي . رغم إن بنات البدو يسوقون السيارة في الصحراء من زمن . من دون خوف ولا وجل . ومن دون إعتراض الأهل

من قالك ان البنت تركب مع السائق لوحدها . . .!!

أخالفك في كثير بل في كل ما تقولينه
وما ادري وش المقصد من كلامك اختي . . . .

لي عودة في الموووووضوع

[مرهفة الاحساس]

انا اتفق مع اخوي رهيب في الكلام اللي قاله
واحب اضيف على كلامه

حنا السعوديين مافي أطيب وأكرم مننا . حنا اللي نرمي نصف أكلنا في الزبالة من زود الكرم . وحنا من تفوق على غيرنا في كبر الكروش والكسل .
صحيح حنا مشهورين بالكرم لكن الحمد الله عمرنا ما رمينا شي بزباله ليه اجل فاتحه الجميعات ؟؟؟

حنا من أكثر شعوب العالم إستهلاكا للدخان والشيشة
بالعكس صحيح فيه ناس عندنا يشربون لكن مو احنا اكثر الشعوب استهلاكا روحي برا وتشوفين
ولا ادخلي موقع احصائيات التدخين في العالم وتعرفين مين اكثر الشعوب !!
مدري انتي من وين جايبه احصائياتك الخاطئه!!!

حنا اللي نحافظ على تقاليدنا حتى لو كانت غلط . وحنا اللي مانشوف أحسن من قبايلنا . ونشوف الأجانب أقل مننا . إلا من رحم ربي .
نظره خاطئه !!!!!!!!!!!

حنا اللي نشوف البنت مخلوق ناقص ومالها رأي . ماهي مسؤولة عن نفسها ، لكن مسؤولة عن افعالها
العكس تماما البنت عندنا لها مكانه عاليه ويقدرونها ويحترمونها اكثر من الولد لانها ارق منه وهي مسؤله عن نفسها


ماتأكل في العزايم إلا من بقايا أكلنا .
مستحيل ناكل بقايا !!! وشلون ناكل بقايا الاكل واحنا اهل الكرم على قولتك كلامك فيه تناقض شوي!!
يمكن يكونون اهلك كذا هذا شي راجع لكم !!!
لان احنا السعوديين سفره لرجال وسفره للحريم وماحد ياكل بقايا احد هذا الحكي ايام ابيض واسود!!!!

محجوزة عندنا في البيت مثل الغنم . ماتطلع إلا لزيارة الجارة أول للعمل . حتى زاد عليها الهم والغم . وحتى صارت في الوزن مثل الجمل . وبعد هذا نمنعها من ممارسة الرياضة لأن الرياضة بس للولد ..!!
بأي عهد احنا !!!!!!!
والله نطلع وندخل ونروح ونجي لكل مكان مايبقى مكان الا واحنا ناختينه نخت
والحمدالله عايشين ومبسوطين لا هم ولا غم
والنوادي مفتوحه للبنات ولشاب..

حبيبتي اذا كانوا اهلك يعاملونكم بهالطريقه مو معناته كل السعوين كذا
اعتقد ان هالاشياء اللي ذكرتيها يمكن تكون موجوده في عيلتكم بس مع اني اعقد انك مبالغه فيها كثير
فلذلك مايصير تعممين هالشي الموجود عندكم على كل السعوديين
اكيد انك ماتطلعين لانك لو تطلعين شفتتي البنات وش كثرهم في كل مكان يروحون ويجون!!
مع انه مستحيل احد مايطلع من اليبت مدري انتي بأي زمن عايشه ؟؟!!!!

وحنا اللي نمنع الحرمة في المدينة من السواقه لأنها فتنة
يمنعونا من خوفهم علينا والله لا يجيب هاليوم اللي يسوقون فيه الحريم ان شاءالله الحين كذا ماسلمنا تبينا نسوق بعد !!!!
ونتركها تركب السيارة لوحدها مع السواق الأجنبي
مستحيل نركب مع السواق لوحدنا لا يخلوا رجل بامراءه الا والشيطان ثالثهما

بصراحه اشك انك سعوديه!!!!!!!!!!
عالعموم اشكرك عالموضوع الغريب والمعذره اذا غلطت.....
اختك
مرهفة الاحساس

&& لي عوده قريبا &&

[زبرقان الليل]

يا جماعة الخير!! وراكم "عجلين" بالرد-ان شاء الله- ما قصدها استفزاز, أو عنصرية؛

حتى ولو كانت كتبت رد وقالت:((ما اتوق مافي رد)) نحمل كلامها على أحسن محمل

ونقول: ممكن "كميرة خفية"؟ أو لنقل؛ "صادوه"!! خخخخخخ واحد مصدق نفسه!!

أو تبينا نفنّد مثل هذه الأغاليط !!

صح! أنه [أُفتري] ((بصيغة الفعل المبني للمجهول؛ لوجود الشك في من كتبها!!)) بغير

حجة؛ ما يزيد على خمس عشرة أُغلوطة أو كذبة!! لكن نحملها على المحمل الحسن حتى

نشوف تعليق صاحبتنا!!

وعندي احتمال كبير أنه علاج لبعض أخطائنا-لأنا بشر ولسنا ملائكة- لكن علاج وتشخيص

الأخطاء-وهي كثيرة- ليس بالمبالغات و الإنشائيات!!

صح ؟....


ننتظر رد الكريمة, العزيزة؛ $هلا نجد$

**زبــ الليل ــرقـــان**

[راعي وناسه]

كلااااااام فارغ

وحنا اللي ندقينا 8 صفر من المانيا

وحنا اللي خربت سمعتنا بمريكا وبعض دوال العالم

وحنا اللي اكثر الدول تطلب فيزا

وحنا الوحيدين اللي ينلعن بو جدنا بالمطار

لوووول

وحنا الوحيدين اللي توقفنا يوم رحنا لكاليفورنيا بالتفتيش 10 ساعات والمكسيكان اللي معنا

وسلام

[سمو المشاعر]

ابي اعرف المقصد من الكلام . .
ماله معنى صراحة كلامك وغير منطقي . .

[جريحة المشاعر]

بصراحه انتي سعوديه ؟ <<<<< ما اتوقع
او انك سعوديه بس مو عايشه معنا
كلامك غير منطقي بالمره مدري اذا كان في بيتكم هالكلام اللي تقولينه والا لا !!
مع اني ما اتوقع فيه حد بالسعوديه عنده هالرجعيه اللي تتكلمين عنها
كلامك مبالغ فيه الى اكبر الحدود واذا كان عندك اعتراض على شي
ممكن نناقشه بس من دوون مبالغه
واشكر رهيب ومرهفة الاحساس على ردهم عليك وانتقادهم لك

اسفه اذا غلطت عليك بشي

تحياتي :
جريحة المشاعر

[صيدلي]

يارهيب يااخي احذف الموضوع وخلصنا اخاف علينا حنا حنا حنا من العين!!!!!!!!!!!!!!!!

[راعي وناسه]

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههاي

[رهيب]

ههههههههههههههههههههههههههههههههههههههه

اي عين يا صيدلي

[طـو طـو]

رهيب ومرهفة الاحساس كلام رائع ولا عندي زياده
وراعي وناسه
احسن شي
وحنا اللي ندقينا 8 صفر من المانيا
وحنا الوحيدين اللي توقفنا يوم رحنا لكاليفورنيا بالتفتيش 10 ساعات والمكسيكان اللي معنا
وش جاك يابو وناسه في التفتيش
هههههههههههههههههههههههههههههههههههههههه
اخوي صيدلي احسن شي انك تخاف من العين ياروح امك انت

[مرهفة الاحساس]

هلا نجد
وينك ماشفنا ردك
وش دعوا
مسويه بطله
وبعدين اختفيتي:)
وين لسانك احكي
؟؟؟؟؟؟؟؟؟
:) :) :)

[دلع]

بسم الله الرحمن الرحيم

حنا السعوديين أول من طلع الفضاء من العرب . وحنا أكثر شعب في المنطقة وحنا أكثر شعب عنده ستالايت . وحنا اللي نمتلك قناة mbc وقناة art ... وحنا أكثر من يتصل على القنوات الفضائية


من قالك يا رهيب66 ان الشعب السعودي يملك اقل الاستايلات انت رحت سوريا والا الاردن والا عمان واليمن والسودان ومصر ....
كل هالدول على عيني وعلى راسي بس ماشفت وشلون بيوتهم القله القليل الي بيوت حلوه
اما بالنسبه لنا كثييييير اللي بيوتهم حلوه والقليييييل اللي بيوتهم موحلوه
وبالنسبه للإمارات والبحرين والكويت وقطر اشوف انه فيه بيوت استايلاتها حلوه وبيوت لا



حنا السعوديين مافي أطيب وأكرم مننا . حنا اللي نرمي نصف أكلنا في الزبالة من زود الكرم . وحنا من تفوق على غيرنا في كبر الكروش والكسل .


اختي مرهفه الاحساس ايه احنا والحمد لله نتميز بالكرم
بس بسألك سؤال عمرك وديتي (اكل مطبوخ)للجمعيه؟؟
احنا نودي للجمعيه الملابس والمعلبات صح؟؟


حنا أكثر شعب في العالم عنده عمالة أجنبية . وأكثر الأشياء اللي نستخدمها من صنع غيرنا . ومانرضى نشتغل في المطاعم والمطابخ والمخابز والمغاسل . لأننا نشوفها أقل من مستوانا .




بالنسبه للعماله انا معك انها 30 مليون اجانب و70 مليون سعوديون مثل ماقلت الثلث او 30 % بس ماتعتقد ان هالنسبه كثيره بالنسبه للدول العربيه الاخرى....
اما بالنسبه للاشياء اللي نستخدمها من صنع غيرنا كثيره صحيح اننا ننمي مواهب الختراع عند شبابنا وشاباتنا وكل من لديه الموهبه
بس ماوصلنا مثل ماوصلت لها اليابان والصين
وبالنسبه لعدد السكان اننا الاكثر (وهذا شيئ نفتخر فيه) لذالك نستخدم الاجهزه اكثر
واما الوضايف بالمطاعم ايه فيه شباب سعوديين يشتغلون فيها بس بالمطابخ ان يقعد عند الحساب اما يذبح ويطبخ...... فلا,.........وكمان المخابز والمغاسل واللي يذبحون الدجاج لانها بالفعل نشوفها اقل من مستوانا





حنا اللي نشوف البنت مخلوق ناقص ومالها رأي . ماهي مسؤولة عن نفسها ، لكن مسؤولة عن أفعالها . ماتأكل في العزايم إلا من بقايا أكلنا . محجوزة عندنا في البيت مثل الغنم . ماتطلع إلا لزيارة الجارة أول للعمل . حتى زاد عليها الهم والغم . وحتى صارت في الوزن مثل الجمل . وبعد هذا نمنعها من ممارسة الرياضة لأن الرياضة بس للولد ..!!



هنا غلطت اختي (هلا نجد) بالعكس البنت لها احترامها ومسؤليتها ورايها وكمان افعالها
بس من العزايم ايه بالاول كان موجوده هالفئه كثييييره وما زالت عند البعض بس اعتقد ان حقهم يكون مغلف ومايفتحونه بس تصير نفس السفره
والطلعه تتطلع بس مو دايم (اصلا مافي مكان نروحله)
وبالنسبه للوزن دراسه اثبتت ان 66% من السعوديات يصابون بالسمنه
والرياضه نمارسها ولله الحمد ومافيها اي شي





. وحنا اللي نمنع الحرمة في المدينة من السواقه لأنها فتنة . حتى لو كانت قبيحة وغير مغرية . ونتركها تركب السيارة لوحدها مع السواق الأجنبي . رغم إن بنات البدو يسوقون السيارة في الصحراء من زمن . من دون خوف ولا وجل . ومن دون إعتراض الأهل .




ايه نمنع المراه لانها فتنه والدين يمنع الاختلاط واذا الدين منع احنا نمنع
بس من ناحيه انها تتطلع مع السواق لوحدهم فأنا اقول ايه وشايفه هذا الشي بعيوني ومو وحده اكثر من ميه وحده عندنا بالجامعه هذا الشي وكمان اشوفهم لما يطلعون من السوق
واذا كثرت ماتطله بروحها الا معاها الشغاله و اكثر من مره سالت اكثر من وحده
الشغاله زوجت السايق؟ تقول لا.....
واذا خايفين عليها الاهل تجي الام مع السايق لوحدها وتاخذ البنت
(في كلامي هذا انا ما اقول ان الكل لا فيه البعض منهم)
وفيه بنات ماشاء الله عليهم عيني عليهم بارده




حنا أول من إبتكر مطاردة البنات في الشوارع بالسيارات. وإذا شفنا بنت راكبة السيارة مع سواقها تجمعنا بسياراتنا حولها مثل الغنم . نبغا منها كلمة حتى لو تتفل في وجيهنا أو ترمينا بحجر.



لا تعليق فيه هذي انتم تعرفون تصرفاتكم (بس البنيه اذا كانت محترمه بلبسها للعبايه محد بيلتفت)




حنا اللي عندنا أغلى المهور في العالم . ومانشوف ولا نعرف العروس إلا بعد الزفاف (شختك بختك) . وبسبب هذا ثلث الزيجات عندنا تنتهي بالطلاق ..!!



صحيح ان فيه نضره شرعيه... وانها تطلع معه بعد الملكه(موعند كل البيوت بعض البيوت يدزون معهم احد سواء صغير ولا كبير)
بس البدوان لا ... انهم الا الحين وهم ماسكين بعاداتهم (البعض مو الكل) تروح المنتزهات وهي لابسه برقعها حتى يوم اني احضر زواجاتهم تكون من اهل العرسان وهي تسوي التسريحه والمكياج على عيونها بس ولابسه البرقع حتى اذكر اني يوم قاريه على موضوع في مجله انه في بعضهم حتى زوجها مايعرفها ولهم عشره 30 سنه
اما المهور تنكر ان فيه مهور وصلت الى مليون وفي مهور اللي تقريبا اقلها 50الف اذا المهور ماهي غاليه على قولتك ما كان نسبه العنوسه عندنا كثيره وماكان اتجاه الشباب على الشاميات

وبالنهايه ديرتي احبها بكل محاسنها و عيوبها



(((((((((((((حبيبتي اذا كانوا اهلك يعاملونكم بهالطريقه مو معناته كل السعوين كذا
اعتقد ان هالاشياء اللي ذكرتيها يمكن تكون موجوده في عيلتكم بس مع اني اعقد انك مبالغه فيها كثير
فلذلك مايصير تعممين هالشي الموجود عندكم على كل السعوديين
اكيد انك ماتطلعين لانك لو تطلعين شفتتي البنات وش كثرهم في كل مكان يروحون ويجون!!
مع انه مستحيل احد مايطلع من اليبت مدري انتي بأي زمن عايشه ؟؟!!!!

بصراحه اشك انك سعوديه!!!!!!!!!!))))))))))))))))))))))))

اختي مرهفه الاحساس بكلامك هذا قوي واختلاف الراي لايفسد للود قضيه
بس اننا ندخل اهلك وما اهلك هذا مو من مبادئنا وبكلامك هذا جاااااااف عليها طيب يمكن الموضوع منقووووول
وبعدين انا ماشوف قالت شي غلط الا في اشياء بسيطه اللي فيها ان الدين يمنع الاختلاط مثل السواقه


اتمنى اني ما اكون طولت عليكم ....

.
.
.
.
.
دلـــــــــــــــــــع:)