تغطي يابنت هذا سعودي ..!!

[دلع]

السلام عليكم ورحمة الله وبركاته


شي بالعين تصدقه أكثر إن كنت تكذب كلام الناس وهذا هو الواقع

تغطي يابنت هذا سعودي!!

أمثلة مما أقول :


إمرأة تخرج للسواق أو العامل في المنزل بملابس عادية لا عبايه ولا ما يحزنون بحجة أنه غير سعودي عادي تكلمه بدون ما تغطي عليه ولو دق الباب سعودي قالت غطي يا بنت سعودي.

------------

مجموعه من الفتيات في أحد المجمعات أو في أي مكان ودهم يسألوا عن شي صادفوا شخص لابس جينز وقميص لو سمحت يرد سمي آووه آآآآسفين
وغطي يا بنت سعودي < طلع سعودي.

-------------

فتاة تتحدث مع أحد العمال المقيمين وتسولف معه وتأخذ راحتها معه ويدخل سعودي تغطي كأنها ما كانت تكلم رجال زيه زي اللي دخل وغطي يا بنت سعوي.

-------------

مشاهد فقط والواقع أكبر من ذلك ,, وأعتقد انكم كلكم تعرفون هذا الشئ ... لكن لماذا؟؟؟

لماذا لما يكون شعر البنت مثلا برى العباية وتقلها خويتها ,, تغطي ,, تقلها وليه تراه هندي اللي قدامك !!!!!!!!


هل غير السعودي (العربي) بلا شهوة والسعودي عنده شهوة ؟؟

ماهي الأسباب التي دفعتنا ودفعت بناتنا لهذا الشئ ,,؟؟

احتفظ برأيي إلى أن اسمع آراءكم وملاحظاتكم , وأتمنى أن يكون النقاش هادفا لنخرج بصورة جيدة ..



ملاحظة:

ذكرت في موضوعي كلمة غير سعودي أو المقيمين ,, لأن كلمة أجانب ليست بحقهم ولاتقال لهم ,, أنا سعودي , لكن لا أقول لغير السعودي العربي بأجنبي ,,فهم اخوان عرب لنا ..

أما كلمة الأجنبي : فهي لغير العرب ..


تحيتي لكم ,,

.
.
.
دلع:)

[صيدلي]

موضوع والله ممتاز وشاكرلك على هذا الموضوع
بنسبه لوجه نظري اقول اخذ العرف والعاده عندنا انا السايق او العامل زي المحرم يطلع ويدخل في البيت عادي ومامنه خوف مع ان العكس والمصايب والمشاكل كثره من السائق والعامل .
ممكن يكون لعدة اسباب:
1- ضعف الوزع الديني لدى النساء بلستهانه في الحجاب
2- كثرة مشاكل الشباب مع البنات من ناحيه المغازله تعطي عدم الثقه
3- التربيه الصحيحه لدى الاباء والامهات من ناحيه تعليم البنات على الستر والحجاب
4-قل الغيره لدى الرجال وخاصه الزوج بخروج الزوجه او البنت مع السائق وفاتشه وتحدث السائق مع زوجها وهي بدون عباه وهذا ماريته انا .
والموضوع الله يستر راح يتتطور اكثر واكثر وهذا ماينخاف منه
الله يستر علينا بس

[دلع المشاعر]

مثل ماقال اخي الكريم صيدلي

1- ضعف الوزع الديني لدى النساء بلستهانه في الحجاب

3- التربيه الصحيحه لدى الاباء والامهات من ناحيه تعليم البنات على الستر والحجاب

واحب ان اضيف علي ماذكره الاخ صيدلي


1_الكثيرمن الفتيات يرتدين الحجاب بدون قناعه تامه به ويرتدينه عاده وليس عباده والدليل تبرجهم عند سفرهم للخارج 0



2_ان الفتاه تخاف من الشاب السعودى اكثر من كونها تخجل منه لانه قد يسبب لها مشاكل او يسيئ لها اكثر من غيره وهذا ما نلاحظه دائما0


الف شكر اختى دلع

علي هذا الموضوع الرائع

تحياتى لك

[رهيب]

موضوع رائع



وصيدلي ودلع المشاعر ما قصرو كفو ووفوا


هل غير السعودي (العربي) بلا شهوة والسعودي عنده شهوة ؟؟
لا طبعا مو كذا الكل له شهوة

ماهي الأسباب التي دفعتنا ودفعت بناتنا لهذا الشئ ,,؟؟
ذكرت الاسباب قبلي

واضيف
يخافون ان يكون السعودي يعرفهم او انه سيفضحهم


موضوع رائع والأروع رأي صيدلي ودلع المشاعر

مشكوووورة اختي

[رز عنبر]

يسلمــــــــــــــو على المـــــــــــوضوع.. اختي ومشكوره وما قصرتي
اخوك/
رز عنبـــــــــــــــــــــر

[ღ بدر البـღـدور ღ]

مشكوره

كفيتو ووفيتووو
وما خليتووو لي شيء اقول له

يعطيج العافيه الغلا

[دلع]

صيدلي ، دلع المشاعر؛ رهيب ؛ رز عنبر ؛ بدر البدور

مشكورين على اطروحاتكم الرائعه
بصراحه الاسباب اللي ذكرتوها اسباب جوهريه

وخصوصا في تقليد الغرب والممثلين ,, أعتقد أن اكثر الأس هنا تتأثر بالواقع التمثيلي الذي نراه في المسلسلات ,, مثل المسلسلات الكويتيةوالخليجية ...

مع انهم من طبيعتهم الكشف ولالام للحجاب بينهم ...والمفروض أن تراعي مثل تلك الأسر هذا الشئ ... لكن التقليد أعمى ...

النقطة الرابعة ,, مثل ماذكرت دلع المشاعر ورهيب وذكرت أنا في الموضوع أيضا أن غير السعودي قد لايفضحها مثل الشاب السعودي الذي هو منهم وفيهم
.. وهذا أيضًا معتقد خاطئ..
ويجب أن يتم تصحيح هذا المعتقد...



بس فعلا ما انكر
ان فيه بعض بنات صحيح مايغطون اذا كان هندي فلبيني
واذكر في يوم كنا بكافتيريا المستشفى
واختلفنا انا وصديقتي ع هالنقطة
فقالت والله انه يدخل ينظف ومايطالع
وصدقت دخلت ونظف ومارفع عينه
بس هذا مايمنع ان العين بحر
وغير كذا سبحان الله بتلقى السعودي بيكون تركيزه ع السعوديات
والفلبيني بيكون مركز ع الفليبنيات
والهندي ع السواري
وع قولة المثل كل لوده يقرب
فبصراحة انا من وجهة نظري اقولها لكل بنات جنسي
ترى الحجاب حجاب ع كل غير ذوات الأرحام

والله يهدينا جميعا لما يحب ويرضى

[دلوعة قلبة]

انا اعترف ان البنات اللي انتوا تتكلموا عنهم

والفرق في نظري ان الجنبي يخاف يعني يفكر 100 مرة قبل مايتكلم عشان مافي واسطه تطلعه

من السجن لو قل ادبه لكن السعودي ماعليه يدري انه رايح ينام في بيتهم

والدليل على كذا ان اكثر المعاكسات من الشباب السعودي لا ويعاكس وهوه واثق من نفسه

ومو خايف من احد..............

وهذا طبعا يرجه للاهل لو مرة تركوه ينام في قسم الشرطه كان احترم نفسه حتى لو ماكان السبب معاكسه وكان مخالفه مروريه

لكن لو السايق او الاجنبي حيقولوا خليه عشان يتأدب ويحرم

[طـو طـو]

صيدلي ودلع المشاعر كلام حلو ومفيد
بس انا اشوف ان البنت الي تتغطى من السعودي تجي تقول وش السبب ليه تسوي كذا
هل تستحي او تخاف او هذا يفضحها مدري وش السبب صراحه فكرت ولا فيه سبب مقنع ابي احد يقول وش السبب

وصيدلي ودلع المشاعر كفو ووفوا
ماعندي شي جديد اضيفه

تحياتي لكم

[مرهفة الاحساس]

شي بالعين تصدقه أكثر إن كنت تكذب كلام الناس وهذا هو الواقع

تغطي يا بنت هذا سعودي
صحيح هذا الواقع للأسف!!

بصراحة اللي قبلي ما قصروا وكفوا ووفو في الموضوع

لكن أحب أضيف
انه البنت تخاف انه السعودي يكون يقرب لها ولا يعرف احد من أهلها
أما الأجنبي واثقة انه ما يقرب لها لا من قريب ولا من بعيد
وعلى فكره مو بس البنت حتى الولد لو كان مع احد من أهله يهتم لسعودي أكثر من غيره ما يبيه يشوف محارمه أما الأجنبي ما يهتم له كثير!!!!!

وحده من صديقاتي مسافرة للخارج طبعا شايله الحجاب كله الله يهديها وللأسف زوجها اللي طلب منها
يوم دخلو سينما يمشون ويضحكون عادي الا كان فيه 6 شباب سعوديين جالسين قدام صارو يطالعون هم قالو يوه عرسان سعوديين!!
انهبل زوجها وقام يحاول يغطيها طبعا ما معها شي تتغطى فيه !!
فصخ جاكيته وقال تغطي سعوديين !!!! وطلعوا من السنيما !!!!!!
ليه بس غار من السعوديين وباقي الرجال الأجانب ما غار منهم وزوجته تمشي بكامل زينتها ؟؟؟!!!

اعتقد كما ذكر صيدلي
ضعف الوازع الديني له دور كبير
وعدم التربية الصحيحة
واعتقد ان الفهم الخاطى للحجاب أيضا له دور في هذه القضية

أشكرك على الطرح الرائع
دمتي بود

أختك
مرهفة الإحساس

[رهيب]

رائع جدا ما طرحتم

مرهفة الاحساس
مثل ما قلتي
الوازع الديني

عدم فهم الحجاب

ظنو انه عادة وليس عبادة

حبيت اشارك من جديد

[باربي]

والله السعوديات ماسوو كذا الا من البلى الي
شافووه من هالسعودين السعودي لو حده اسالته سؤال يبداء
يتلزق على باله انها جايه تبي منه شئ بس الشهاده لله مو كل السعودين
لاحررام نظلمهم لاكن برضوا فكرة انها تفتش للهندي والسعودي لا هذي غلط
وغباااااااااااااااء مع احتامي للجميع
مشكووووووووووووره ع الطرح الجميل