خيانه.....في ......خيانه

[ماجستير دجه]

أنقل لكم قصيده أعجبتني..
و اتمنى أن تنال إعجابكم


خيانه.....في ......خيانه


قلبك يغرّك وانت فالحب تحتال
وشلون شايل بين الاضلاع قلبك


مدام مالك بالهوى ( فيّ ) وظلال
مايختلف لو شفت سلمك وحربك


كنت احسبك تعطي على كل الاحوال
واثر العطا ما وافق بيوم دربك


عشتك ( ألم ) كلك متاهات وهبال
معنى العذاب وجاير الهم .. قربك


طبعك تجاوز للاسف طبع ( الانذال )
ليتك تحس بحرّ ( نارك ) وكربك


في داخلي يبني لك ( الكره ) تمثال
بين ( الحنايا ) لو تصورت .. يربك


خنت العهود وجيتني ( حيل ) تختال!!
الوجه شرق و ( نيتك ) يم غربك


غدرك معك في داخلك ( حي ) ما زال
ماهو غريب ان صار ( زادك ) وشربك


لا تحسبن جروح .. مثلك على البال
من صد ( جيشك ) قادر إيبيد ( سربك )


مات الشعور ولا بقى فيه ( مثقال )
تعبت اجامل .. وادفع ( اتعاب ) كذبك


خذها صريحة واصدق القول .. ينقال
هجرك دواك وزايد ( البُعد ) طبك


وش تنتظر بالله .. يا متعب الحال
إرحل ولملم .. مع بقاياك .. ذنبك


ماعاد قلبي ينظرك ( عزّ ) واجلال
لو ( مت ّ ) عنده ترتجي .. ما شعر بك


فرصه عطيتك وانتهى وقت ( الامهال)
اعلنت فيها ( للملأ ) موت .. حبك


للشاعر محمد العسكر


تحياتي لكم,,..

[[..تفوق الوصف ..]

وااااااااااااااااااااااااااااو


اللله يعطيك العافيه ياذوووووووووووووق

انا ادري خويتي وذوووقهاا


مشكوووووووووره يالغااااليه ,,,


وننتظر جديدك ,,,

خويتك :-


((دانه))..!!

[ماجستير دجه]

الله يعافيك يالغلا
احم احم مايحتاج تمدحين
((بعدين راسي يكبر وتبتلشين ))

مشكوووره على مرورك

تحياتي لك,,..

[امير الرومانسيه]

وش تنتظر بالله .. يا متعب الحال
إرحل ولملم .. مع بقاياك .. ذنبك

روووووعه ماشاء الله عليك

ويعطيك الف عااافيه يالغلااا

ذووووووووق وربي

لاتحرمينا جديدك يالغلا

[ماجستير دجه]

مشكور على مرورك الجميل
الله يعافيك
نورت الصفحه بوجودك يالغلا

تحياتي لك,,..