سمك مقلقل على الصاج

[شرشبيل]

السلام عليكم ورحمة الله وبركاته




طبعا أعرف ان مقلقل السمك وخاصة سمك السلمون غريب على أهل البر حبتين ولكن هذا اللي حصل
ففي إحدى كشتاتنا الأخيرة جربنا مقلقل السلمون وللأمانة شيء لايمكن وصفه لامن الطعم ولا الفائدة

والسلمون سمك يعيش في الأنهار( يعني لاتدورون بالأودية والشعبان) لذلك تجدونه في الهايبرات الكبيرات مثل جيان أو بنده يأتي من أوروبا مجمد

وعلى فكره يوجد في السلمون زيت الأوميقا من أنفع وأصح الزيوت وفوائده كثيرة

وأنا بعد ماجربته كم مرة سميته (نعيمي السمك) لأن فيه هبر لحم وطعم لامثيل له <<الله يعين الجوعان
المهم علشان ماطول عليكم حبيت أوريكم الطريقة بالصور من البر

وهو يصلح للبيت وللبر وسهل ولذيييييييييييييييييييييييييذ


أولا المقادير
1- بصلة أو بصلتين أو ثلاث أو تدرون حسب الأشخاص كل شخص بصلة علشان مايزعل أحد
2- فلفل أخضر حار أو بارد حسب الرغبة
3- ثوم حسب الرغبة
4- بهارات وملح
5- زيت زيتون
6- شرائح هبر من سمك السلمون ياحبي له
7- رمث وطلح وهذولي تراهن حطب مايوكلن


الطريقة
أولا إذا كنت بالبر تقوم الفجر وتصلي وتشب النار وتضبط القهوة والشاهي
http://www.albrari.com/vb/imgcache/9131.imgcache




ثانيا بسم الله تقطيع الكشنة
طبعا حنا بالبر ناخذ راحتنا بالثوم كل وجبة كيس
http://www.albrari.com/vb/imgcache/9132.imgcache



وهذي الكشنة جاهزة
http://www.albrari.com/vb/imgcache/9133.imgcache



والآن تقطيع السلمون بعد إزالة الجلد طبعا
http://www.albrari.com/vb/imgcache/9134.imgcache



أصبح كل شيء جاهز تقريبا الآن
http://www.albrari.com/vb/imgcache/9135.imgcache



وهذي المقرصة المقلوبة أقصد الصاج لايصجوننا
http://www.albrari.com/vb/imgcache/9136.imgcache



نحط زيت الزيتون وبعض البصلايات
http://www.albrari.com/vb/imgcache/9137.imgcache

http://www.albrari.com/vb/imgcache/9138.imgcache

http://www.albrari.com/vb/imgcache/9139.imgcache




الآن إضافة السمك
http://www.albrari.com/vb/imgcache/9140.imgcache



ثم التحريك والتقليب بسرعة وهو ضروري في البداية حتى يكون بهذا الشكل
http://www.albrari.com/vb/imgcache/9141.imgcache



بالإمكان إضافة شوي زيت زيتون وتركها على النار وتروح تاخذ لك فنجال وسولافة قصيرة مع الربع
http://www.albrari.com/vb/imgcache/9142.imgcache



ثم نعود للتقليب
http://www.albrari.com/vb/imgcache/9142.imgcache




الآن إضافة ملعقة بهارات
http://www.albrari.com/vb/imgcache/9143.imgcache




ثم الملح حسب الرغبة
http://www.albrari.com/vb/imgcache/9144.imgcache



تحريك وتقليب لمدة عشر دقائق على الأقل وزيادة النار قليلا إذا لزم الأمر
http://www.albrari.com/vb/imgcache/9145.imgcache


http://www.albrari.com/vb/imgcache/9146.imgcache




تسخين الخبز فقد بدأ العد التنازلي ويفضل يكون واحد واقف جوعان وطايرتن بوهته
http://www.albrari.com/vb/imgcache/9147.imgcache



وبكذا يكون المقلقل استوى يتضح ذلك من اللون والرائحة الزكييييية جدا وبداية الغرف

http://www.albrari.com/vb/imgcache/9148.imgcache



وبألف صحة وعافية
http://www.albrari.com/vb/imgcache/9149.imgcache


























اعجبني ونقلته
اخوكم
شرشبيل


مع الإعتذار للجوعانين

[الملكه سوسو]

هههههههههههههههههههه

اشوى اني شبعااااااااااااااااااااانة
يالله لك الحمد

بس سوال اثار فضولي ورى ذا لونة برتقالي
وي وي شكل لونة مايشحع على الاكل
هم كابين علية مرندا ولا طبيعتة الجغرافية كذا!!
بس مشاء الله عليهم طباخين محترمين

احلى مافية الكشتة القهوة والشاهي هم اللي دخلو مزاجي خخخخخ
يسلمو يا شرشبول
ومرة اخرى نبي مقلقل دجاج
يعطيك الف عافيه على النقلة المحترمة

اختك--سوسو

[قلب طير]

نفس التفكير
لفت انتباهي اللون البرتقالي

لكن ولله شكله لذيذ ، واللي معطيه اللذه هو الحطب


:confused: تهقون هذولي بيفطرون عالسمك والا وش السالفة
كل شي جايز

(ملاحظة : انتبهوا تشربون الشاهي بعد السمك على طول عشان فايدة السمك ما تروح )

شكرا عالموضوع ياخوي


قلب طير

[حفيدة ابن تيمية]

أحد يفطر سمك ع الصبح اللهم لك الحمد.. لو تعطوني مال قارون ما أفطرته ...ههههههه
أحلى شي بالطلعة إنها للبر ..

[جريحة المشاعر]

استغفر الله ..

عاد انا ما احب السمك خلقه كيف على الصباح!

بس بالعافيه ياليتها كانت دجاج يالبيييييه << تتخيل علشان تمر خخخخ..

يعطيك الف عافيه ..

ننتظر جديدك ..

دمت بود..
جريحة المشاعر

[jeekra]

والله معكم حق لو انه مقلقل دجاج ولا لحم تطلع طبخه تحيييييييييف

بس بعد السمك مابه شي والله يهبل ومااشوف فيه شي لوكان فطور :)

يعطيك العافيه شرشبيل

تحيااتي لكـ

[أنا وبس]

مشكورر شرشبيل لايهمونك بس

اذا انك معزم وتبي تسويها قلي ولا يردك الا البر

اقول ياشله البنات المحترمات اللي قبلي

قولو خير او امدحو >>> حرام يسكتكم

الرجال تعبان بالسمك وجايبه من الانهار >> جيان مدري كارفور

وانتو تقولون دجاج ذا من اي بقاله

عن الهرج الزايد >>> الله واعلم من اللي زايد



وتقبل مرووري شرشبيلووو

[حنونه]

والله فله
طلعة ر ولا احلى
بنات واذا فطور عادي همانا ناكل التونه عل الفطور
شرشبيل ماعليك منهم
اذا بتطل قلي بجهز عدة البر انت بس اشر
الله
بس عندي ملاحظه وحده
احس الطبخه هذي بصل بالسمك
ولا
البصل اكثر من السمك
هههههههههههه

على العموم مشكور ماقصرت

حنونه

[قلب طير]

اقول انت وياها
:h57:
انا استغربت انه فطور ، لأنه محد سبقهم عليه ..لكن يوم تذكرت اننا نفطر على كبده قلت مشي حالك (الكل ياكل ما يشتهي .. عالأقل احسن من اللي يفطرون اندومي )

و اللي أدهشني هو لون السمك ،، سبحان الله ، سبحان الله

لونه عجيب


وبعدين يا انا وبس خل الناس تبدي رايها، يعجبهم والا ما يعجبهم خل يقولون
كلن حر بمعدته :23_asmilies-com:

مثلا عندك جريحه ما تحب السمك ، تخيلها عاد تشوفه الصبح على معده فاضية
هههههههههههه

جريحة تحبين الكبده نزينها لك فطور

اقول بنات عبروا عن اللي بداخلكم

تقبلوا مروري الثاني

[شرشبيل]

ههههههههههه

يعطيكم العافية جميعا على مروركم

بس وش فيها فطور سمك على الصبح ؟

يعني كبدة حاشي والا مقلقل لحم ؟ على الصبح !! عادي

هههه

اهم شي اعجبتكم الفكره وتقدرون تستبدلون السمك بالدجاج او اللحم حسب الرغبة


اشكركم جميعا لمروركم

شرشبيل

[تاجر]

ناولني الخبز ياولد

بس عطني خبز بر
>>>>>>طرار ويتشرط


ولله كشتة رهيبة

يبي لنا شطة بس

ياحركات

على قولتكم الجوع يهودي
وانا جيعان

شكريا يالأخو