المكالمات فترة الخطبه مابين مؤيد ومعارض

[طفشانه بس فرحانه]

السلام عليكم:) :)
كيفكم
هذا اول موضوع اكتبه فاتمنى تشجعوني:o :o
ايش رايكم في المكالمات فترة الخطبه قبل الملكه تكلم البنت الولد ويكلمها ويفهمون بعض اذا هم مرتاحين لبعض يتملكون واذا مو مرتاحين ينفصلون بدون طلاق ومشاكل
انا اشوف انه شيء مره حلو ويدل على وعي العائلتين
بعدين هم يكلمون بعض عشان يتزوجون مو عشان شيء ثاني

ولا شراااااااااااااااااايكم
:cool: :cool: :cool: :cool:

[فـــراولة]

هلا طفشانه انا معك اوويد الفكره كثيييييييييييييييييييير
ان المكالمات تصير قبل الارتباط بالملكه
بس بشرط انها ما تطول الفترة واذا طولت صارت شي ثاني على قولتك
سبحان الله فتره المكالمه يقدر هو يحدد وهي تحدد اذا يتوافقون مع بعض اولا
يعني يرتاح لها او ترتاح له


يسملو على الموضوع مره رائع

[طفشانه بس فرحانه]

تسلمين حبيبتي على المرور
صراحه رفعتي معنوياتي
على فكرع انتي اول وحده تردين علي..

[ريح العود]

هين المكالمات مو مشكله جعله يخسر ملايين هذي خطيبته اهم شي لا يروح بعيد


مشكووورة طفشااانه ع الموضوع الرااائع

[بنوته أمورة]

انا اوويد الفكرررة

مشكووورة حبيبتي

[aseer al9amt]

السلام عليكم


انا لا أؤيد فكرة المكالمة في فترة الخطبة لان الخطبة لا تخولك شرعا في المكالمات لانها بالاصل ليست بزوجتك ولا هي بمحرم لك فكيف تكلمها ؟؟

وبعدين في فترة الخطوبه سبحان الله ما حصل نصيب ؟ وين بتروح من كلام الناس ؟ كانت تكلم فلان و و و الخ ؟ وانا شخصيا ما اوافق آخذ وحدة قعدت تسولف مع واحد بالتلفون لمدة سنة تزيد او تنقص حسب الخطوبه

وبعدين في الف طريقة وطريقة عشان تتعرف على البنت وتعرف تفكيرها و و الخ مثلا تكلم اختك امك وتخليها توجه لها بعض الاسئلة وتشوف كيف ردها و تخلي اختك تحتك فيها اكثر واكثر وتتعرف عليها من اختك


موضوع حلو ويستحق النقااااش


لك مني التحية والتقدير على هذا الطرح
أسير الصمت

[صقر فــــღــزاع]

وانا بعد اؤيد لو ترجع السالفه انك ما ترضاها مثل ما قال اسير اجل يمكن اللي انت خطبتها في واحد قبلك خطبها وشافها وبعدين رفضها كل شيء جايز ..... بس حلوو يكون الشي بحدود وما ينقلب ضده بالطبع ولازم اعرف كل شيء عنها لانه بتكون شريكه حياتي حلوو اعرف كل شيء قبل مو بعد ... لان اذا فات الفوت ما ينفع الصووووووووووووووووووووت ...


تسلمين طفشانه ع الموضوع بدايه موفقه يالغلا استمري على هذا الخطى دائما ..

في انتظار جديدك بالطبع دائما .. لا عدمناك ...

[طفشانه بس فرحانه]

ريح العود:
مشكور اخوي تشرفت بمرورك.

بنوته اموره:
منوره حبيبتي وتشرفت بمرورك.

اسير الصمت:
اول شيء تشرفت بمرورك اخوي ويهمني رايك واحترمه.


صقر فزاع :
لي الشرف بإبداء رايك
ومشكور على رفع المعنويات.
:) ;) :) ;) :) ;) :) :) :)

[رهيب]

اضم صوتي لصوت اسير

في حال الخطبة فقط البنت مو محرم لي
ولا يجوز اني اكلمها لانها اجنبية
صحيح فيها فوائد بس فيها بعد اضرار

ولازم الواحد قبل لا يملك يسأل عن خطيبته
وهي تسأل عن خطيبها عن طريق الأهل

مشكورة اختي
موضوع رائع

[رز عنبر]

واللـــه انا اشــوف ان ما فيها اي شي وليش ما يكلــم خطيــــبته الواحد..يخوي خصوصا اذا كان يحبها ويموت فيها ..ولا هو قادر يتركها اكيد انه بيتصل عليها دام في الخطبه تربطهم اذا تكنسلت الخطبه عاد وقتها يحلها الف حلال يختمها بمسك معها ولا يشوف له اي حل
رز عنبر

[طفشانه بس فرحانه]

رز عنبر:
بصراحه بردت قلبي بكلامك واحسك نفس تفكيري..
وشكرا على مرورك:) :)



رهيب:
مشكور على مرورك اخوي..

[رز عنبر]

طفشانه بس فرحانه لا ما عليك اعجبك انا ترا انا فاهمك انتي تامرين امر بس عقبال ما نعزمك على عنبر ههه
رز عنبر

[sTrAwBeRrY]

وعليكم السلام ورحمة الله وبركاته

هلا وغلا فيك طفشانه بس فرحانه

وان شاء الله بداية خير موضوعك :)

.............................

مكالمات وقبل الملكه..وش نسميها؟؟

قبل الملكه مايجوز تكلمينه لانه مايصير لك شي مثله مثل اي رجال ثاني

واكيد اهلك مو موافقين تنخطبين لاي واحد.

بس بعد الملكه عاادي كلميه وتعرفي عليه وسوي اللي تبينه

هههههههههههههههه ضحكني كلام رز عنبر>>>> ليش ما يكلــم خطيــــبته الواحد..يخوي خصوصا اذا كان يحبها ويموت فيها ..ولا هو قادر يتركها اكيد انه بيتصل عليها

!!!! دام حبيتها تملكها وشوله الخطوبه بس

[طـو طـو]

وعليكم السلام ورحمة الله وبركاته
مشكوره على هذا الموضوع
طيب انا مع كل من قال لا
لانه مثل ماقالوا كلامهم صح
بس مدري يمكن الي يقول نعم له وجهة نظر أنا احترمها اتمنى يبينها غير انه ممكن كل واحد يتعرف على الثاني أكثر هذي يمكن تصير بغير الكلام
بس اهم شي الواحد يكون مرتااااااح
لو كنت تحبها مايحتاج الكلام يارز عنبر
تحياتي لكم

[طفشانه بس فرحانه]

رز عنبر:
تسلم اخوي وامين مع اني ما فهمت ايش قصدك.

طوطو:
مشكور على مرورك وابداء رأيك,
انا اقصد انهم يفهمون بعض كل واحد يشوف الثاني كيف يفكر
انا اعرف واحد يقرب لي كلم في فترة الخطبه وكان مره مبسوط وطاير بخطيبته بس مع المكالمات اكتشف انه البنت ماتنفع له غيره بالتفكير في اشياء كثيره واساسيه بالنسبه له,
فاختار ينفصل عنها وانفصل وهم متفقين بدون اي زعل او مشاكل
وبالنهايه ماصار طلاق وهذا هو المهم واللي انا اقصده.

strwberry:
مشكوره اختي على مرورك ويهمني رايك.

[ماجستير دجه]

ماله دااعي المكالمات قبل الملكه
اصلاً كيف ترضى البنت تكلم واحد مو من محارمها
وبعدين مثل ماقال اسير الصمت
الناس بتسير تتكلم
والولد يمكن يكون لعاب وماعنده سالفه بس يبي
يتسلى
انا ارفض هذي الفكرررررره
مع احترام اراء البقيه

[طفشانه بس فرحانه]

خوية دانة:
مشكوره حبيبتي على مرورك وابداء رايك..والناس يختلفون
بارائهم وقناعاتهم..
:) :)
بعدين هم راح يكلمون بعض عشان يتزوجون..

[دلع المشاعر]

قال تعالي (( وجعلنا بينهم موده ورحمه))
نظرا لعادات وتقاليد مجتمعنا المستمده من ديننا الاسلامى الذي حرم الاختلاط والتعارف بين الجنسين 0

فالزواج في مجتمعنا يتم عن طريق اختيار الاهل للزوجه لذا يتعذر علي الشاب معرفه اخلاق وطباع شريكه العمر فيلجا

البعض الي المكالمه كاوسيله للتعارف المسبق فيما بينهم0

لذا اري انه من الضروري ان يكون هناك مكالمات هاتفيه في فتره الخطوبه لكن يجب ان تكون بشكل محدود

جداااااا

حتى يتسنى لكل طرف التعرف علي الطرف الاخر 0

وحتى لاينصدم كلا الطرفين في فتره الملكه بطباع وتصرفات واخلاق لايرغبها في الطرف الاخر مثال علي ذلك

تدنى المستوي الثقافي لاحدهما

صفات او عادات لايحبذها احدهما اختلاف في وجهات النظر فقد تسببت هذه الاشياء المذكوره في وقوع الطلاق
ليست في فتره الملكه بل وقع الطلاق والانفصال بعد الزواج وانجاب الاطفال الذي كان مصيرهم التشرد والضياع0

واود ان اذكر بان الدين حرم المكالمات بين الطرفين قبل الملكه 0 لذا يجب ان يضع كلاهما حدود لنفسه اثناء

المكالمه بحيث تكون قصيره وان تكون علي فترات متباعده اي لاتكون باستمرار وان يكون الاهل علي علم بهذه المكالمات 0



هذه وجهه نظري والاختلاف في منتدىظل المشاعر لايفسد من الود قضيه 0

[صيدلي]

موضوع ممتاز جداً
يختلف ارى الناس والمقصد واحد وهو المصلحه العامه والخوف على المحاذر ولكن نحن في مجتمع متتطور ومتميز ناهيك عن بعض الاحكام الشرعيه او لافتاء في بعض الامور تؤخذ على العرف المجتمع وتختلف المجتمعات والقبائل في طبيعت المعاملات
وارى انه يختلف حسب قرابه المخطوبان وحسب الاخلاق والحدود الشرعيه لو كانت المخطوبه بنت عمي مااكلمها اكيد تعرفني وتعرف عني الكثير يختلف لو كانت بعيده عني ارى المكالمه ضروريه والافضل تكون غير مباشر على ان يكون على فتره محدوده بان يكون بين الخطوبه والملكه اسبوع او اسبوعين .
وربا متحفضين عن الكلام تم خطوبتهما وبعد الملكه بشهر بدء المشاكل بينهما العائلتين وكان السبب اختلاف الطبايع والمفاهيم بين الناس .

[راعي وناسه]

مسيهم الله بالخير جميعا ,

طبعا انا

اؤيد اكيد

الموضووع مايحتاج كل هذا النقاش خلصنا

خذوا الكلام الزين

الوقت تغير الحين كثيررر مو مثل اول

ولازم يكلمها عشان يفهمون بعض شووي قبل الملكه لان المكالمه الوقت هذا تبين كثير عن الطرفين
عشان اذا ماصار نصيب ولا تعاطف منا لطرفين ينفصلون قبل الملكه وكل شي يرجع مثل ما كان وكنه ماصار شي :)

ومدامهم مخطووبين ليش مايكلمووون بعض

ونا مع كل واحد مؤيد ومو مع كل واحد رافض


وسلااام

[دلوعة قلبة]

حبيبتي انا معاكي........

والمفروض انهم يتكلموا لكن هذا يرجع لعقليه كل واحد منهم ومش من الضروري ان الناس يعرفوا

والله لوكانت هقليتهم متفتحه رايحين يرضوا بهذا الشي اما لو العقليه الحمدلله والشكر اكيد حيرفضوا

وبعدين اتركونا من حكايه محرم ماكل واحد عنده 1000 على الماسنجر ويتكلم معاها مافكر ان هذا حرام ولا يكون حرام لمن تكون العلاقه رسميه

[طفشانه بس فرحانه]

دلع المشاعر:
مشكوره على مرورك وكلامك منطقي وعين العقل.

راعي وناسه:
تسلم اخوي على مرورك.

صيدلي:
مشكور اخوي على مرورك بس حتى لو كانت بنت عمه او قريبته فيه اشياء ماراح يكون عارفها من امه واخواته,,انا اشوف ضروري يكلمها.